لليزور حسين، بالجنة نصيب
واحنه ذيچ اسمائنا، ابدفتر حبيب
سجلاها ابـدفتره، الـما بي دغش
والثواب ايطب، گبل طبت النعش
اشلون يتعذب، الـيهواله اثنعش
هُمه خيرة خلق، سبحانة المُجيب
العجايب سبعة، ثامنها الحـُسين
ساعة قاتل ضلت، آلاف السنين
وسـيف بوجوه الظلم، والظالمين
الدنيا كلها تغيب، وانتَ الـما تغيب
اهواي لامونه، عـليمن هالدموع!
الدنيا ليل ومو غلط، نهوى الشموع
شي طبيعي اليفگد، الغالي يلوع
وغير دمعة اشعنده، لليفگد حبيب
اليزوره وعارف، ابحقه ينول
جنة الله ايطبها، من باب الرسول
وحيدر اعله الباب، والزهره البتول
شمس تطلع تجلي، كل ليل النحيب
للعقل والعاقل، اسأل هالسؤال
الله اكرم منه ماكو، ولا مُـحال
حسين اكرم لـ الله، كل ماله وعيال
وانتَ قيس اهناكه، شيكرمه المُجيب
والله دنيا وآخرة، ايـنول الثواب
اليحـيي أمره وفاض، دمعة اعله المُـصاب
حسين باب الله، الفلا ينسدله باب
الدنيه كلها تغيب، وانتَ الما تغيب
للشـاعر المرحـوم | سـمير صـبيح
رد مع اقتباس