حـُسين وعيـونك
غـريب من دونك
هـواي ، غـلاي ، مُـناي ، هـواي ، حـُسين
اغـيب تـفگدني
اروح وتـردني
قـريب ، مُجيـب ، حـبيب عجيـب ، حـُسين
1
قرآن اشواگي وعشگي حسين المبين
يـ محلي الدنيا ابعيني ولون السنين
اشهد أن ماكو حبيب ايشبهك حنين، حنين
والعالم بـدونك سرآب
والكون ابـغيابك خراب
وسنين الـيعوفك تـُراب، تـُراب
سلام على صبرك
وحـيد وشكثـرك
مدود ، ودود ، وجود ، خلود ، حـُسين
ربيت على جودك
اعيش علمودك
اطوف ، اشوف ، عطوف ، رؤوف ، حـُسين
2
سلطاني حسيني وحاكم گلبي الوحيد
ما اعيش ابكيفي ابكيفك اعيشن اريد
لو اموت ابحبك اموت واصبح شهيد ، شهيد
عودني ابغرامك اهيم
وحرگني ابودادك هشيم
مو هسه عشگتك قديم ، قديم
هويت واتغزل
حبيب ماينمل
بديع ، وديع ، شفيع ، سميع ، حُـسين
وعيت على خـَيرك
حرام حُب غـيرك
كريم ، حميم ، عليم ، نديم ، حـُسين
3
لميت احلامي وشوفي وروحي ابجفاك
على ناگة دمعي امهاجر للطف وراك
مغمض واندلك حافظ ريحة هواك ، هواك
صحراء وخيامك خضار
بالظلمة واشوفك نهار
مو بالسر احبك جهار ، جهار
اجيك متوسل
عليك متوكل
فداك ، حماك ، رضاك ، عـُلاك ، حـُسين
سرور غامرني
عطوف ساحرني
جمال ، دلال ، وصال ، جلال ، حـُسين
4
اطرق على باب اجفونك وانتَ الحنون
افتحلي عيونك وأذن لي بالجنون
انا لو ما انتَ وياية معدم اكون ، اكون
كلشي ابلا وجودك فناء
وبقربك لگينه البقاء
يحسين انتَ ثامن سماء ، سماء
انوح لجروحك
اسير عد روحك
بكاء ، دعاء ، رثاء ، رجاء ، حـُسين
ربيع بسنينك
اموت على دينك
امير ، مجير ، كبير ، بصير حـُسين
للشـاعر | عـلي عويـز الشويـلي
Mp3
كتابة القصيدة حصرية لموقع درر العراق
Zahraa Al obaidi
رد مع اقتباس