هنا

[Suzana]

القوانين والواقع الجديد يفرض على اي موقع الكتروني ان يغير ادارته بما يتناسب مع الحاضر .. منها اداراج نواب جدد

حقكم والله حقكم بس ممكن تسولفلنا ع القوانين والواقع الجديد حتى الادارة الجديدة يكون عدها علم.

[رمـْـْْـْــــــــآڊ]

الصراحه ما اعرف هذا الموضوع نقاش جاد او لغرض تغيير جو حتى واحد يكدر يحجي بجد او يجاوب جاوب للمرح.... في كل الحالات وبدون مجامله ولا حياديه ولكل يعرف اغلب الفتره المضت علاقتي متشنجه مع ست سوزان لكن اقسم بالله المنتدى اذا استلمه غير عضو راح تشوفون اغلب الاعضاء القدامى ومن ضمنهم اني ننسحب شويه شويه وميبقه الا القليل... اما بالنسبه للمراقبين والمشرفين اكو اداره هي مراقبه كل الكادر التابع الها وهي تعرف منو المقصر ابواجبه واكيد دنلاحض بين فتره واخرى ينسحب اشراف من مجموعه وبعدها يعلنون صعود اعضاء جديده للاشراف ومثل متلاحظون كل اختيارات الاداره موفقه ولا مشرف تم اختياره وعلاقته او اخلاقه سيئه
بأختصار المنتدى اذا سوزان تركته ونزلت والله ميبقه بي كل طعم
وارجع اكرر مو مجامله ولا عندي شي ويه البنيه بس يا اخي هي محبوبه وعدها شخصيه قويه

الموضوع جاد صديقنا
قلت ان المشكلة ليست في سوزان المشكلة في المنصب ثابت للاشخاص المعينين ام يتغير .. وهل تملك شرعية في الدرر
لو يكدر اي عضو يترشح حتى يكون نائب ويحمل المسؤولية بكادر الادارة وياها ويساعدها

[رمـْـْْـْــــــــآڊ]

هلا برماد
شيعجبكم اني حاضره
رشحوا اسماء وكلمن يسوي حملة انتخابية واني اول داعم الها بس مو مثل الكاظمي

الترشيح يم سامر .. يعني انو عندك الشرعية بالادارة مو من حق اي عضو يطالب بتغييرج

[رمـْـْْـْــــــــآڊ]

ههههه جماعة شرط

هههههه
موضوع طريف بالفعل اخ رماد
واني اقرة موضوعك تذكرت قصة انا سمعتها من وكالات الانباء
بالتسعينيات عندما انهار الاتحاد السوفييتي
طلع احد المدراء الكبار لاحدى الشركات الضخمة في روسيا
وقال يا جماعة انا خائن لبلدي
فتعجب العالم من قوله واعترافه الصريح ضد نفسه
قالوا له وكيف انت خائن
قال عندما كنت مدير هذه الشركة اتصلت بي المخابرات الامريكية
وقالوا لي كلشي ما نريد منك , فقط تبدل كل عامين مدير هذه الشركة
ولكَ كذا وكذا من المكافئات والمغريات
يقول فكرت في الموضوع فما وجدت فيه اي ضرر لا للشركة ولا لبدي
فقبلت العرض
واستمريت ان ابدل كل عامين مدير الشركة
الان عرفت المقصود من هذا العرض
انهم لايريدون ان تتكون عندنا خبرة لكي يستفاد منها البلد
فيما لو استمر العاملون كلٌ في عمله لفترة طويلة
وهذا ما جعلني ان اعترف بأنني خائن لبلدي
القصد من هذه الحكاية يا اخ رماد
سوزان تمثل لنا الخبرة في الادارة
والمراقبون كذلك
ولهذا بديت ان اشك بنواياك
فلربما يكون قد اتصل بك احد المنتديات
وقال لك طالب بتغير سوزانا والمراقبون وحرض
الاعضاء على تسلق اسوار المنتدى بحجة الاصلاح
وتغيير نظام الادارة و المراقبة .

اخذ مثلا الاصدقاء الاعزاء الرميثي وكريم ما تكدر تطالب بتغييرهم ك مراقبين .. من زمان محتكرين المنصب
وهذا احد دلالات التغيير انك تطالب بتغيير نظام مرت عليه اعوام ولا زال قائم بالروتين اليومي

[Suzana]

الترشيح يم سامر .. يعني انو عندك الشرعية بالادارة مو من حق اي عضو يطالب بتغييرج

لا كولش عادي بس يحتاج تدز الرابط لسامر
حتى يقرأ مطالبكم..

[Ćat]

ماكو احد بكفاءة سوزان هنا حتى سامر مو مثلها ، ف تبقى هي المديرة

[رمـْـْْـْــــــــآڊ]

لا كولش عادي بس يحتاج تدز الرابط لسامر
حتى يقرأ مطالبكم..

مطالبنه انتي تبقين المديرة ويصعد نائب رجل معك
او نائبة ثانية مع النائبة ست سوسن الي انلاحظ غيابها من فترة وقلة تواجدها

[رمـْـْْـْــــــــآڊ]

ماكو احد بكفاءة سوزان هنا حتى سامر مو مثلها ، ف تبقى هي المديرة

حواء لحواء من منطلق حكم الفرد على كولة حنان الفتلاوي

[Suzana]

مطالبنه انتي تبقين المديرة ويصعد نائب رجل معك
او نائبة ثانية مع النائبة ست سوسن الي انلاحظ غيابها من فترة وقلة تواجدها

ماكو مانع ..
اني حاضره باللي تريدوه

[رمـْـْْـْــــــــآڊ]

ماكو مانع ..
اني حاضره باللي تريدوه

وتنزلين المراقبين القدامى .. وتعينين جدد

المتحدث باسم التغيير
م.ك