بابا بابا بالخرابه نوموني نوموني
ضلوعي بردن يا غطاي وياهو ليگلي تعاي
عگبك انت عگبك انت
فك اديك وگلي بابا ليه ليه بكل دفو
بابا البنيه خطيه من تظل بلا ابو
فكلي حضنك يالحنين ومثل حضنك وين اكو
بابا صار الليل وينك وأنه اخاف من الهدو
فكلي عينك يالونينك طر دليلي طر دليلي
چلمه منك چنها ماي وياهو ليگلي تعاي
عــگــبــک أنــت عــگــبــک أنــت
بابا بابا لو فكيت عينك لا تگلي شهل أثر
ولا تگلي شبيهه عينچ زرگه ودموعچ مطر
لأن ما اگدر اگلك بعد ياخد انصطر
وفز على صوت الحنينه وبابا گلها من النحر
لزم خدها ورد نشدها عالتراچي عالتراچي
تگله يوجعني گفاي وياهو ليگلي تعاي
عــگــبــک أنــت عــگــبــک أنــت
بابا شو ذبلان اشوفك يل چنت چنك صبح
ضحكلي بابا انه العزيزه يل ضحكتك ماتصح
بابا شو طالت السكته والسكوت اعضم جرح
الغاليه عليك انه بابا لا تبدلني برمح
مدلي چفك لا احلفك بل عليله بل عليله
زغرت بعيني سماي وياهو ليگلي تعاي
عــگــبــک أنــت عــگــبــک أنــت
بابا طلبه ولا تردني عليك امشي ام الحسن
گماط عبدالله اريده بيهه اشد جروحي ذني
گماط اخوي وبي اشدهن بغيره ما يتضمدن
وطاحت ادموعه ونشدهه منين رجليچ انچون
تگله منهد العدو محد يفزع النه يفزع النه
من اركضت رگضو وراي وياهو ليگلي تعاي
عــگــبــک أنــت عــگــبــک أنــت
لذنه كلنه بعمتي زينب بابا من اجو
هيه صارت كافل النه ومسحت ادموع البچو
بس بچت عمتي علينه بنوگهم من نوخو
والهضم عكتي يبابا اعله التراچي اتعاركو
وعمتي حارت وسفه گالت وين اخوتي
وچلبت النار برداي وياهو ليگلي تعاي
عــگــبــک أنــت عــگــبــک أنــت
لمني يل طشرني فگدك مثل الرماد بهوه
بعازتك يل ماكو غيرك يطيح لجروحي دوه
نشدني عيني شبسهه زرگه وعن مصايب نينوى
حتى انشدك على غيارك يل چنت چنك ضوه
گوم صلي حتى اخلي روحي تربه روحي تربه
وفرش السجادة هاي وياهو ليگلي تعاي
عــگــبــک أنــت عــگــبــک أنــت
رد مع اقتباس
المشاركة الأصلية كتبت بواسطة الْوَضِيئَة الْمَلِيحَة ツ
