شريعة الدمع لهل الدمع ماله مواعيد
يموت بسكوت الحب اذا من شوغته ايهيد
ياجرحي المستوطن روحي
طف مذبوحك حچيه اهواي
تبرد ناوي ابتالي ااسنيني
اتريد اتطيب اتدور افياي
لو تكبر لچماتك بيه
والظهر التل رايح جاي
وصوت ايردني الوادي الغربه
يا عمنه ارجع عوف الماي
ما تنجمع نار وبرد عد شرع الأحزان
ابگلب الخدر نار وعطش ما ينوصف چان
ياجرحي وتدري ابمعشوگك
وبحنية گلبه شلون
كد ماضامي امفطر چبده
وما يشرب گبل الميمون
يم يا منحر رايد صيتك
انطاك الاكبر احلى اعيون
هاي الدنيا وكل زينتهه
ما توصل دمعه ابخد جون
يا جرحي شنهي نيتك نزوه بهالسنين
لو انكتب عبد الضعن عند ام البنين
حطني ابسد دمعة نصراني
الطهر نيته ورد ملهوف
واسجد يم اچفوف الغيره
وگبل العين الروح اتشوف
وبظهر العطشان اقراهه
بيرغ هاشم ظل ملفوف
يم يا منحر رايد صيتي
طلعت ظلهه الما مشيوف
يا جرحي الچم غيرتك برماد الخيام
واتعنه بضعون الدمع يم غربة الشام
اكبر يا جرحي ودليني
دين الدمعه ايطهر ذات
اكبر هذي العالم چذبه
انزف غيره الـ.هالچلمات
آه يالحرگو گلبه وبيته
وبيوت الشام معيدات
اه يل من چف كافل راحن
ضيعهن باب الساعات
التابع دمعته للنهر تتطهر الروح
ونادم يرد يندب خيم واليهه مذبوح
دين الدمعه الحب والغيره
وامجازات الدم قربان
والحب طاهر لو بي كافل
والضامن جرحك سلطان
يم كل نزوه دنيه ايعرضن
اعيون المعشوگ العطشان
احرورة دمه امفطره الهيمه
اليبرد يمهن مو لهفان
ما يكمل ايمان العبد حتى يضنون
الناس بهيامه ودمعته بالدنيا مجنون
MP3
رد مع اقتباس
المشاركة الأصلية كتبت بواسطة مـِـــيرآل
