مثل فطرة عجوز انطيني فطره
تگابل صورتك وهواي تقره
بالحايط تكض وحيل مقهورة
وبشيلتهه تمسح جامة الصورة
كون اگعد اگبالك واحچي وياك
وافرش هدمي بلكي يصير جواك
سويني صرت يوميه انخاك
مثل ذيج العجوز التگعد أحذاك
الچانت تشرب الماي وتريدك تشربه
اليشرب وانت عطشان الله يعين گلبه
الچانت تلزم الصورة وتهدهه
واحد الآن ما فاهم قصدهه
تهمس بالدمع يالزهره ماجوره
وبشيلتهه تمسح جامة الصورة
التحسب صورتك بالبيت قرآن
وكله وداعتك ماعندهه حلفان
فطر يم صورتك چان الهه نيشان
دوم ترشه ماي تحسبه عطشان
مثل اشفافك تگول عطشان وتفطر
شايل صورت حسين من حگه يتغير
ومن تگعد تظن تعاينلهه
تگلك ها يبعد امي واهلهه
لا تنشد عليه الحاله ميسوره
وبشيلتهه تمسح جامة الصورة
الما چانت اذا تعتاز تحتار
وراهه تخلي كلشي وليك تندار
تدري لهسه يحرگ گلبك الصار
شافت نار رگضت طفت النار
ما تگدر تره اتگوم بس رگضت عليهه
بالطف گالت ازغار طفتهه باديهه
گوه تگوم چانت بس تجيلك
وصباح الخير يالما شح مثيلك
اتگلك كل صبح لمن يطر نوره
وبشيلتهه تمسح جامة الصورة
محد حاچي وياهه اعله الخيام
وچانت ما تحط افراش وتنام
تحچي وي الاطار تگله شي ضام
صدر حسين وينه ووين الاسهام
زحمه اگبالي والعين ما تگدر تشوفه
خافن جرحه مفتوح وما واحد يروفه
هنه اهواي بي بس ما شفتهن
ولا مديت ايدي وطلعتهن
حتى ضلوعه چانت كلهه مكسورة
وبشيلتهه تمسح جامة الصورة
يالكلشي برحمتك صار مقرون
ارزقني مثلهه دموع وعيون
تلمس شيبتك ودگلك شلون
وجه الله وعليه وادم يصعدون
هيچ اتمنى تهم بيك واتجرع عذابك
مثل ما همهه تبچيك ما طلبت ثوابك
الگالت يا ثواب انه السمعته
من حدر الحوافر صاح لخته
لا تطلع يتامه حسين معذورة
وبشيلتهه تمسح جامة الصورة
وين انه وين هذيچ ام الجرح وين
التحط حدر الضلع من تنعه چفين
كلهه تصب دمع مااعرف منين
من دگول بعد عيوني يحسين
بعد عيوني وتطيح وتسمعك تگلهه
اسم الله وتفرح اهواي يا خادم مثلهه
هنياله التملك هيچي فطره
بصورتك لو عثر يمك تحضره
محسودة البريه بهيچ منظورة
وبشيلتهه تمسح جامة الصوره
تحميل MP3
رد مع اقتباس
المشاركة الأصلية كتبت بواسطة ملوكة
