اعشگ مثل متريد عشگك عشگ خسران
گبلك عشگنه اهواي محد طلع ربحان
عالمصلحه وعالجاه حب دنيه مو لله
استنگي التحبه زين مو تحب ياهو الچان
اسألني " شگد جربتهم وغدرو بيه
اسألني" حلوه الوجوه ودغش بالنيه
مليت من كثر الوفه التعبني
مليت من گلبي العليهم ذبني
ما تلگه صدگ مثل أبو اليمه
ما تلگه عاشگ وقدم للعشگ دمه
كون اليحب إنسان مو بس حچي بلسان
كلمة أحبك كون دم تجري بالشريان
والي يحب الحسين بس هذا حب ربحان
وشيقدم لهلحب لا والله مو خسران
امشيلة " وطعم المحنه اتضوگه بالحسره
امشيلة " وهناك تشم ريحة الزهره
مفتوح بابه بكل وكت الاحبابه
وما يوم كلف واحد ودگ بابه
خسران كلمن عاشره بوجهين اي خسران
يحب روحه ويگول انه
احب الحب الحسين تره خسران
خدام الك يحسين لو ردت اعددهم
مثل النجم واكثر ياربي زيدهم
من مرتضى لعمار وقحطان صاحبهم
مشتاگه هاي الناس تسمع قصايدهم
مشتاگه لصوتك يباسم يا دوة جروحي
مشتاگه وبعيد الدرب روحي
لفاقد ومسلم والحناجرهم
مالك وحيدر والمشاعرهم
ثگيله جروحي خادمكم انه الحلفي
مشتاگين الفتلاوي صوت وللجرح يشفي
يهل المواكب ها بالخدمه لتقصرون
تحضركم الزهره وتفرح من تلطمون
بفد لطمه وبفد صوت بالمستهل تقرون
يبن امي عالتربان لو گلي يالميمون
خدامك هنيالهم يحسين خدامك
خدامك يكعدون بالجنات كدامك
عبدالرضا حمزة ووطن كلهم
خدامك تلمهم وتشكرهم
يحسين لا تنساني وياهم
خادمك انه وعلى مسراهم
حُــســين حُــســين حُــســين
تحميل MP3
رد مع اقتباس
المشاركة الأصلية كتبت بواسطة الْوَضِيئَة الْمَلِيحَة ツ
