السلام عليكم.
اني طالب سادس اعدادي ،الخوف سيطر علي وشفت ع الانستا وحده ناشره خيره والله ما اثق بس هالمره ما ادري رحت الها كلتلي دز رصيد واسم امك ومواليدك واسمك وكشفت عني ،كلتلي انو ما انجح لو اعيد دور ثاني لو اعيد السنة صدك كلامها لو لا مدا اكدر ادرس شي
صح كلامها راح اعيد سنة وارسب؟
عليكم السلام
طلاب السادس هواي دراما وأوفر انتم .. ترى ماله داعي .. الضجة الي ديسووها الناس والتخويف والترهيب من السادس مجرد كلام ماله داعي لأن السادس حاله حال اي مرحلة من المراحل الي درستوهن مجرد السادس يتطلب معدل حتى يدخلك كليه زينه ... أول شي لازم تقتنعون بالكلام أعلاة .. بالمناسبة كُلنا مرينا بمرحلة السادس أني وحده من الناس الي وقتها چنت تاركة الدراسه من الرابع ادبي ورى 4 سنوات تقريبا رجعت امتحنت خارجي ورأسا سادس ولا عندي خبرة ولا اعرف بشي بفترة وجيزة كدرت ادرس واراجع وامتحن وانجح بالتمهيدي وبالوزاري ودرجات حلوة وزينه لأن ماخفت ونظمت وقتي وتركت كل المعيقات والملهيات وخليت هدفي بالمقدمة ولا بجيت ولا لطمت ولا سطرت الناس عبالك بس اني سادس وماعندي سالفة .. وهالشي اساسا يأثر ع النفسيه ويخليك تتراجع وتنتكس وتتكاسل .. يبعدك عن هدفك الحقيقي وينحرف طريقك عن النجاح .. رجاءا ك طلاب سادس اتركوا كلشي وحتى هرموناتكم خلوهن ع صفحة وادرس وركز ع دراستك وامتحانك وتوكل ع الله بلاش لطم وكلام ماله معنى غيركم طن طلاب خاضوا هالرحلة وطلعو منها باأفضل النتائج ومحد سمع حسهم شمعنى انتم متكدرون وصعبه عليكم وبس ملاطم .. اكو مثل يكلك أعمل بصمت ودع نجاحك يتحدث عنك .. هاي اصدق مقولة عرفتها بحياتي .. وبالنسبة للخيرة والكشافة للاسف بس الجهلة يصدگون بهالكلام لأنه محد يعلم الغيب وكلامهم مجرد تسفيط وناس دتترزق براس العميان .. اترك كلامهم جانبا وركز ع هدفك لان هواي انحرفت عنه
بالمناسبة الجامعه اصعب من السادس بأضعاف المرات اذا بالسادس دگ ملاطم بالكلية شحتسوون
وبالتوفيق
والله مادري شگلك
الواحد يخجل من كونه بشر لما يشوف ناس هيج تفكر ، باچرعگبة شنگول لاللله مو حتى خزيتونا
ام الخيره شافتك فاتح نت ٢٤ ساعه وفاتح انستا ف كالت لك ما تنجح
وفعلا ما تنجح ولا تجيب معدل اذا تبقى ع هل الوضع، أغلب طلاب السادس تارسين مواقع التواصل يبجون ويلطمون ويصيحون صعبه الأسئلة وهو اذا تفتح الأحياء تسأله عن تعريف يصفن بوجهك!
...
عوفوا النت واقروا تجيبون معدل
وعليكم السلامالي يشتغلون هالشغلات على مواقع التواصل الاجتماعي
أولاً خلينا نكون متفقين على نقطة الأشخاص
مشكوك بكلامهم دائماً لذلك لا تصدگ بيه
فأنت دائماً توكل على الله وابدأ قرايتك ولا تخلي مثل هالأشخاص يأثرون عليك
ثانياً انتَ هسه محتاج تعزل نفسك وتصفي ذهنك للقراية وتطلع من السادس فأبتعد شوية من النت
أهم شي هسه تروح قاري ومخلص المهمات
بعدين انتَ طول السنة تعبان ونفسيتك تعبانة من الامتحانات ليش تضيع السنة عليك؟ وليش تأجل وانتَ تگدر تقرأ ببساطة وتعبر هالمرحلة
شجع نفسك كلما حسيت بالأحباط.. أقرأ دعاء أو مناجاة هواي رح تخفف من توترك وقلقك
*أستخدم طريقة البومودورو ٢٥ دقيقة اقرأ و ٥ دقائق استراحة.. والأفضل ٥٠ دقيقة ب١٠ دقائق استراحة
حتى تبقى مركز وماتضيع الوقت
تفاهات وخرابيط وكذب واستغلال ابد ابد لاتمشي بهالطريق الفاشل
اتوكل على الله واقرا سوي التكدر عليه واتعب واجتهد وان شالله ميضيعلك تعب
بالتوفيق يارب
اي راح تعيد السنة وترسب للاسف
حاول السنة التجي وبالتوفيق
وعليكم السلام ورحمة الله و بركاتهالمشاركة الأصلية كتبت بواسطة بحار تائه
........
تقبل ماضيك دون ندم ، تعامل مع حاضرك بثقة ، واجه مستقبلك دون خوف. - ديل كارنيجي
رد مع اقتباس