هنا

[ابو مناف البصري]

*⚫قصيدة معنى كربلاء⚫*

*كربلاء* يعني ركض فوق التراب
*كربلاء* يعني مصاب بصف مصاب
*كربلاء* يعني ألم يقطع الروح
*كربلاء* جروح وجروح وبس جروح

*كربلاء* يعني مرأه ثكللى تنوح
*كربلاء* يعني ابو اليمه ذبيح
*كربلاء* يعني جريح بصف جريح
*كربلاء* يعني مرأه تقوم وتطيح
ومن تطيح يحل عالناس العذاب

*كربلاء* يعني طفل خايف هواي
لايذ بامه وهي مشدوها راي
*كربلاء* عبدالله ضامي يريد ماي
تاري يتروى بدم نحر المصاب

*كربلاء* يعني شبيه المصطفى
يعالج بروحه وبدر وجه انطفى
ويم ابوه يصيح على الدنيا العفى
بعد عينك يا علي يابن الاطياب

*كربلاء* يعني عرس بين الصفوف
والعروس بعنيها المنظر تشوف
جاسم العريس ما بين السيوف
مخظب من دماه وكسف خير الشباب

*كربلاء* يعني وفاء ما له حدود
يعني رايه ويعني غيره ويعني جود
كربلاء يعني كفين مقطوعه وعامود

*كربلاء* يعني حسين الكبرياء
مخظب من دماه وتسيل الدماء
ميت الف اه من رزية كربلاء
ميت الف اه من رزية كربلاء

*كربلاء* يعني بنات مدللات
وبعد والديهن بقن متحيرات
فاطمه تقول لرقيه حسين مات
صوبه بسهم فيه بثلاث شعاب

*ميت الف اه من رزية كربلاء*

*ساعد الله قلبك سيدي يا ابن الحسن وأعظم الله لكم الاجر بحلول شهر الحزن، شهر محرم الحرام*

[خالدالسعد]

احسنت النشر و عظم الله لك الاجر