هنا

[شاهر]

اسعد الله مساؤكم


اليوم نرى انصار التيار الصدري يقتحمون حرم الدولة
هل وصلنا لهذا الحد من البلطجة ؟
في الامس كان الرداء مدني (مايسمى بثورة تشرين)
و اليوم الرداء ديني و تتصدره عمامة سوداء
ايعقل اننا مخترقون لهذه الدرجة ؟
تتصارع الاجندات الاسرائيلية التطبيعية مع من ضحوا بدمائهم
ايعقل ان يجازى الحشد المقدس و قادة النصر بهذا التنكيل ومن منْ !
اسفي على شعب جاهل مسير خلف قيادة لا تعي ما تفعله بشعبها
اياكم و الانجرار شعبنا الباسل اياكم و التصديق بما يروجون له


سؤالي لكم
الى ماذا يطمح سائق البطة ؟
و هل ستنطلي حيلهم على اشراف هذا الشعب
تحياتي لكم
انا شاهر

[مصطفى العراب]

صراحة حماة العرض والطول يستحقون الإهانة لان اطلقو على نفسهم حماة العرض

يحسسونا كأنما العراقي ماعنده غيرة ع ارضه وعرضه وينتظر صليماني وابو مندي يحمون عرضه خخخخ

اما عن سائق البطة فيريد السلطة الة لوحده حتى يبطش بالناس كيفما شاء

[انسان ثاني]

صديقي العزيز اولا اني ماعندي اي تحفظ ع كل الي تفضلت بي بس للتنويه كلامك هذا بي تهجم واضح ع قطاع كبير من الشعب يؤمنون بـ مباديء التيار الصدري لذلك موضوعك هذا حيزعجهم

نرجع ع موضوعك

اعتقد بعد تجاوزنا سالفة حماة الاعراض و الخط الاحمر و ولد الشايب وهل كلاوات ، الحشد بحد ذاته محد ينكر تضحياته بس اكو هواي نقاط سوداء ع الي يتسترون بأسم هذه الجهاز الي ضحى و قاتل بشرف

الي يسترزقون بدماء الشهداء اخذوا كل مغانم الحرب والشهيد اهله كلشي ما محصلين ، لذلك طرحك مابي اي موضوعية لا من قريب ولا من بعيد ، انت ما تختلف عن الي تتحدث عنهم لأنك تتحرك لنصرة اجندة معينة دون غيرها

يعني هسه راح يجيك واحد صدري ويكلك رمتني بدائها وانسلت

[Suzana]

حاليا متابعة
واثناء متابعتي اتذكرت حماة العرض اثناء ثورة تشرين وهمه بغرفة العمليات

[ابن الوطن]

الحقوق التي يثيرها شخص ويخمدها شخص لا اثق بوطنيتها

[علي الواسطي]

التيار الصدري ماعنده احترام للدولة او للشعب عنده السيد القائد وبس شيكللهم ينفذون .
فشل بتشكيل الحكومة كال اخربها وعليه وعلى اعدائي .

اذا التيار الصدري عنده جمهور فالشعب مو كل توجهاته مع الصدريين ولكن منو يوكف بوجههم لأن اللي يتكلم ويصير ضدهم مصيره معروف .

اما اللي يقلد عالحشد ويستهزء مو جديدة الاعلام صارله سنين يحاول ينتقص منهم ومن بطولاتهم وفشلوا عادي اخاف زعجتكم انتصاراتهم بدماء شهداءهم الابطال تحرر العراق

[شاهر]

الاخوة مصطفى العراب و الانسان الثاني

اسفي على شبابنا حين يتجردون من وطنيتهم

يصفون الاباء المؤسسون بهكذا اوصاف

لا اختلف معكم هناك من عاث فسادا بمقدرات الشعب

ولكن من هو ؟

هل من حمل روحه على كفيه من اجل تحريركم ؟

انتم الان تكتبون وتعبرون عن رأيكم

لكن تخيلوا فقط لثواني لو ان داعش احتلت كامل العراق

هل ستبقون متمتعين بهذه الحرية

ان تنتقدون وضع سياسي شيء و ان تنكرون تاريخ جهادي شيئا اخر تماما



اسفي على شباب لا يميز بين المجاهد و المتاجر

حزين جدا لما وصلنا اليه

[شاهر]

سوزانا

هل تعتقدين فعلا ان من ضحى بنفسه وماله في سبيل تحريركم سيقتل شبابا طائش

لا اعتب على الخليجي العميل حين يتهم الحشد بالارهاب و هناك عراقين يطبلون لهذه النظرية

[شاهر]

ابن الوطن

و اتمنى ان تكون كذلك

هناك رجال ضحوا و هناك سائق بطة يجمع الغنائم

[شاهر]

علي الواسطي

احيانا صوت الحق يرعب الخونة

و ذكر الله يثير الشياطين

برداً و سلام على حشدنا المفدى

و الخزي و العار لمن باعوا الارض و العرض للاماراتي و السعودي

ويلهثون خلف اسيادهم من بني صهيون