كُتبت القصيدة حصرياً لموقع دُرر العراق
ZahraaAlobaidi
المأتم ثقافتنه العريقه
وعين الدمع عين الحقيقه
كل واحد ابدربه وطريقه
طريقي ..حُسيني
1
نشوف ابن آدم بفكاره تاه
يدور عن درب الاله
كل يوم وعنده اتجاه
بعيد
ونشوف واحد يندل الله وين
لخص رايه بكلمتين
باب الله باب الحسين
اكيد
من اصل عقايدنه المهمه
الرايد الله يبدي من الايمه
حسين حسين
كلهم السفن لله الامينه
لاچن اسرع واوسع سفينه
حسين حسين
عشنه ابزمن شفنه العجايب
والوادم اديان ومذاهب
وديني المجالس والمواكب
وجودي...حُسيني
المأتم ثقافتنه العريقه
وعين الدمع عين الحقيقه
كل واحد ابدربه وطريقه
طريقي ..حُسيني
2
عجيب الوادم تفعل ماتشاء
كلمن حر بالانتماء
محد يبدي الاستياء
حرام
وعجيب بس انا الوادم تريد
اسكت حتى ارضي البعيد
الرد عــالجـاهل مايفيد
سلام
گالو الجزع ماهو حضاري
والدمع شعاري وافتخاري
حسين حسين
اليرضى واللي مايرضى اشعلينه
ابـ هالبچــي ابرسول الله اقتدينه
حسين حسين
عالمدمع اليجري اعله خدي
ابگد الرمل ادلة عندي
آدم إلى الحُجة المهدي
حزنهم...حُسيني
المأتم ثقافتنه العريقه
وعين الدمع عين الحقيقه
كل واحد ابدربه وطريقه
طريقي ..حُسيني
3
تراث صار ابـ هالعالم يسود
ماله اصل ابـ هالوجود
النه جابوه اليهود
دخيل
وتراث جبنا من آل الرسول
يقنع اصحاب العقول
مبني حكمه اعله الاصول
اصيل
غيري دينه متروس ابوساوس
ديني حفظته هاي المجالس
حسين حسين
كلمن ابشكل راد انحرافي
وانا بس لبو اليمه طوافي
حسين حسين
اشما دارت اعليه الدوائر
محفوظ انا ابحفظ الشعائر
هالخدمة من تقوى الضماير
ضميري...حُسيني
المأتم ثقافتنه العريقه
وعين الدمع عين الحقيقه
كل واحد ابدربه وطريقه
طريقي ..حُسيني
4
عيون تضحك بالدنيا وتنام
ولاچن تبچي بالختام
ماوفت ويه الامام
عهود
وعيون كحلها ارماد الخيام
تبچي اوماهمها الملام
موعدها ابدار السلام
خلود
چم نبي اللي تهموه ابجنونه
من اجه ابفعل مايفهمونه
حسين حسين
وحاشا عنه يعگوب التخلف
من بده اعله يوسف التأسف
حسين حسين
بعض البشر باقي ابعناده
اليشرب جهل يعطش زياده
مايدري هالدمعة عباده
ثوابي...حُسيني
المأتم ثقافتنه العريقه
وعين الدمع عين الحقيقه
كل واحد ابدربه وطريقه
طريقي ..حُسيني
5
غرام اكثر هالوادم سراب
تراب وعاشگله تُراب
الحب الما بي بس عذاب
ضلال
وغرام فهمني معنى الحياة
لا مو حب الغانيات
حب الميـت عالفُرات
كمال
كل عشگ اله نقطة نهاية
وعشگي الف سنة وبس بالبداية
حسين حسين
هالعشگ أباً عن جد اجاني
ميت ومُـحرمك حـياني
حسين حسين
لو افتر ابكل العوالم
اجمل حياتي ابـ هالمآتم
ماكو مثل لذة الخادم
شعوري...حُسيني
كـلمات الشاعر: عــادل اشـكنــانـي
MP3
رد مع اقتباس
المشاركة الأصلية كتبت بواسطة زنوبة&
