هنا

[ناصر اسماعيل الموزاني]

بقلمي-شمتانيه شمتانيه

{شمتانيه}
................
شمتانيه
شمتانيه...
الفجر فتّح بوبه
والهور... ردّ لجنوبه
كلها أجَت
حته الطيور الهاجرت
أتذكرچ...؟
ذكرة غريب لگاعه
أتذكرچ..
أتذكر بكل ساعه
وبكل دقيقه وثانيه
شمتانيه
شمتانيه
خلينه نرجع للهوه
ونفتح روازين الضوه
بلچن ترّد...
ذيچ الشمس
ومن البعد...
يرجع أمس
دمي أحسه محترگ
گلبي أحسه مختنگ
شما أظم..أوراق الحزن
وأفرح چذب
ياخذني للشوگ وأحن
هذا الگلب
أنتي الوصل
وأنتي الجفا
وأنتي الجرح
وأنتي الشفا
وأنتي عليه الجانيه
شمتانيه
شمتانيه...
لا تكتلين الحلم
وأنتي الحلم...
خايف عليچ...؟
خايف آنا... يصير
كتلچ من أديچ
بلهفه ناطر.. جيتچ
گلبي يون
بروحي بعد أحچايتچ
أجمل لحن
گلتيلي أحبك... گلتيها
خايف يحلوه أنسيتيها
موهيچي ياحلوه اليحب
يگطع الجيه ومايمر
حته الورود البدرب
ذبلن ومابيهن عطر
صرت بدروبچ...
محطات استراحه
متاني طير الشوگ..
يمي يجيبچ...؟
لاشوگ جابچ...لادرب
ماعندي غيرچ ...بالگلب
دوّله بخيالي انتي
وأنتي هرم مملكتي
وأنتي خيالچ صحراء
عن الهوى مابانيه
شمتانيه
شمتانيه
............
كلمات
ناصر اسماعيل الموزاني

[بركان حبك ياعلي]