" يا راكضات من الخيم
.. ذاك الحسيـن اگبالچـن "
زينب اعلى التل صيحت .. محد بقى من ازلامچـن
مـذبوح وشفافه زرگ .. طايح اگبال اعيونچـن
اتعبرنه ليش ابـلا فـكر .. ماتعرفنه اشمالچـن !
ياحيــل عدچن للركض .. يهدم الحيل اركاضچن
كل نوگهم هزلة الاجت .. نوخت كلها ابابچـن
رگضت الخيل اعلى الخيم .. نيشنت حتى اثيابچـن
فرفح حسين اعلى الأرض .. من وصل يمه اصياحچـن
" ياراگضات من الخيم
.. ذاك الحسيـن اگبالچـن "
فرفح حسين اعلى الأرض .. من وصل يمه اصياحچن
بس توصـلن يمه اوعـلي .. تطلـع ابساع ارواحچـن
لحگن ينسوان الحسين .. حسين شال اوعافچـن
ممدود جـوه الغايـرات .. انـطفت ذيچ اديارچـن
لـهناك رگضن للـحـمگ .. عباس ذاك الجابچـن
رگضن لحد راعي العلم .. بلكت يفز بـركـاضچـن
غـارت الخيـل العالية .. وخافـن اتـدوس اطفالچـن
" يا راگضات من الخيم
.. ذاك الحسيـن اگبالچـن "
كلـمات + آداء : مُـلا حـَسن خريـبط
كلمات القصيدة حصرية لموقع دُرر العراق
Zahraa
رد مع اقتباس
