درر العراق

دكتورة اسنان · 24/July/2022

شلونكم دررنا الحلوين

موضوعنا اليوم عن عيادة طبيب الأسنان (عيادتي ان شاء الله

)

راح يشمل 3 اجزاء :
_تحچون حالاتكم الي مرت بيكم باسنانكم ونستفاد منها وشلون عالجتوها
_سؤال عدكم يخص الأسنان اذا گدرت اجاوبكم لان باعتبار بعدني مرحلة ثالثة

_بوقت فراغي انزل معلومة عن طب الأسنان سواء للمرضى او للطلاب تساعدهم بدراستهم

اتمنى عجبكم الموضوع بصراحة اني حبيته لان اتعمق باختصاصي اكثر

راح ابدي اني انزل موضوعين بسيطات حتى افتح الموضوع
وطبعا المعلومات الي انزلها هي المعلومات الي قريتها اني وفادتني يعني من مواقع مختلفة

تحياتي
Dentista

عضوية محجوبه · 24/July/2022

بتوفيق يروحي عاشت ايدج مساعدة منج هيج حيل حلوه

دكتورة اسنان · 24/July/2022

استبدال حشوه معدنيه قديمه ب حشواه بيضاء تجميلية ليش اخر فتره كثرت استبدال الحشوات المعدنيه و بده اطباء الاسنان يفضلون او حتى يمتنعون عن استخدام الحشوات المعدنيه ( الاملغم) ؟
لسببين :
١-لان اخر الدرسات و من ضمنها دراسه صرحت بيها منظمه الصحه العالميه WHO انه حشوه واحده معدنيه كفيله ان تنتج ما بين ٣-١٧ ميكروجرام من الزئبق يوميا ، فهي المصدر الرئيسي للتعرض للزئبق وهو من العناصر السامه للانسان .
اكثر الدراسات بينت انه نسب الزئبق تكون مرتفعه بشكل ملحوظ بدم الاشخاص الي يكون عدهم حشوات معدنيه لذلك دول مثل المانيا منعت استخدامها بشكل نهائي
لذلك بالدول المتقدمه المراجع و طبيب الاسنان من يزيل الحشوه المعدنيه يلبس عده كامله للوقايه من
الابخره و الشضايا الي تنتج اثناء ازالتها

٢- اضافه الى ان عمر الحشوات المعدنيه افتراضيا قليل لكونها معرضه لل صدأ و التكسر بشكل اكبر من الحشوات البيضاء

دكتورة اسنان · 24/July/2022

المشاركة الأصلية كتبت بواسطة ايٰوشه الہٰعنزيٰه

بتوفيق يروحي عاشت ايدج مساعدة منج هيج حيل حلوه

عمري انتي فدوة لگلبج

دكتورة اسنان · 24/July/2022

طريقه إختيار غسول الفم حسب حاجة المريض:
اولاً : اذا كان لغرض علاج التسوس يكون غسول فم يحتوي على فلورايد.

ثانياً : للتخلص من رائحة الفم ، يكون غسول يحتوي على كحول.

ثالثاً : إذا كان لغرض التبييض يكون غسول يحتوي على hydrogen peroxide.

رابعاً : لألتهابات اللثة اكتبله غسول فم يحتوي على cetylpyridin.
خامساً: إذا كان لغرض العناية الشخصية نختار cosmatic mouthwash.