القصيدة كُتبت حصريًا لموقع درر العراق zahraaalobaidi
أخذ اربع كتب مني .. نزل بيهم وحي حزني
حـرز من نـور .. لعطش عاشور ..اخذ اربع كتب مني
*********************
1
علي لنور العدل آدم ..وانه الستر الوفة حوه
وگبل اولادي اخرس جان .. وصيت الخوه مايسوه
انكسر صبري الضلع فاطم .. وشعلت ابكل ضلع نخوه
الفحول الناس نسبوني .. نسبني الباري للصفوه
انه دعوة وصي حاير .. يريد انصار للعاشر
نذرت ابدور .. لعطش عاشور .. اخذ اربع كتب مني
*************************
2
گلب ام وعليك ايخاف .. الخطر لو مسك إيحسه
درع مني إخذ عثمان .. زبوري الطولك إيحرسه
مزاميره إعله لحم الموت .. ترتل والحرب عرسه
وفده عبدالله الك توراة .. يقدم طاعتي ونفسه
حكم طالوت واسراره .. جمعها ابنـار بتاره
العمر منذور .. لعطش عاشور .. اخذ اربع كتب مني
*********************
3
وبعد عندي إلك يحسين .. أمانة أنجيل من حيدر
ذخر شيبي الحوه اعلوم .. المناية خادمك جعفر
ابمينك خاتم اسليمان .. وعصى موسى وعذب كوثر
يحضرلك عـرش بلقيس .. ويحطم سد الإسكندر
المطر والريح طوع امره .. وسحاب الواقعه مُهره
ابگلب مجمور .. لعطش عاشور .. اخذ اربع كتب مني
***********************
4
نبي وقزآنك العباس .. آياته الرعب والدم
هذا الفاني بسم الله .. ذاته وبسمك الاعظم
فرات اوظله صار انسان .. جره بعين الدهر زمزم
تنزل بالملك والروح .. صبح فرقانك المحكم
المُحال إن ردته من عِنده .. يـجيبة ابـسورة السجده
الگمر مذخور .. لعطش عاشور .. اخذ اربع كتب مني
**************************
5
مشيت وعيسى روح اللي .. نفـخ بيها الحزن آيه
وصليبي الفرگة والمصلوب .. دلالي الفگد رايه
الحواريين دمعي وغربتي .. السكته الصبر رايه
مثل راسك مشه بيها .. السبي من ولايه لولايه
جرح يغفى وجرح يسهر .. وجرح گد غيبتك يكبر
وجرح مسجور .. لعطش عاشور .. اخذ اربع كتب مني
***********************
6
الهي لكولشي سوه اكتاب.. ابعلمه من الازل مسطور
كتاب الخلق كتاب الموت .. ابخزانة صدرك المكسور
المبين انتَ الحكيم انتَ .. المفصل ع الثرى المنحور
كتاب الواقعة المكنون .. العليه كِل الرزايا اتدور
الجفر والجامعة اعلومك .. الصحيفة ذاعت اهمومك
ابچبد مفطور .. لعطش عاشور .. اخذ اربع كتب مني
للشاعر الدكتور السيد: سـيف الذبـحاوي
"اضغط هنا"
لتحميل mp3
رد مع اقتباس
المشاركة الأصلية كتبت بواسطة مِـيهہرَمــآهہ ♬✿
