هنا

[المستشار القانوني]

حسب العقليه والتفكير ..
اني بالنسبه اليه اشوف تبليغ شخص واحد من كل عائلة يكفي ..
بس تبقى مرات همة الاخوان في ما بينهم زعل وما يتحاجون وهنا تنلاص الوضعيه

هههههههه هاي هم طلابه... الاخوان واحد خربان ويه الثاني... والافندي مسيطر بلغ واحد منهم... هذا غلس... يجوز مايريد يفضح روحه زعلان ويه اخوه... فيغلس... وتشوف الاخو الثاني لايوصل ولا يدري... وتتيه السالفه... من يصير المعاتب... ينكشف المستور.. إذن.. يكون الرأي القائل بتوجيه دعوه لكل شخص على حدة... هو الغالب.. لمعالجة هذا الأشكال
اسعدني مرورك غلاي استاذ احمد

[المستشار القانوني]

حلو الموضوع
اشوف واحد كافي وكون مرح واجتماعي هذا اخوته مزعلانين عليه ويكدر يوصل الدعوة للكل

صحيح هذا الشخص يكون أكثرهم مرونة ودبلماسية... وطرافة... ومحبب للآخرين كما وصفتيه... أستاذة سوزان... فعلا... مثل هذه المواصفات تصلح لمن توجه له الدعوة الجماعية لأخوته..

اسعدني جدا مرورك العطر أستاذة سوزان

[المستشار القانوني]

بحسب ما اعتقد
اذا كان الاشخاص يحتاجون الى عزيمة
فيجب ان توجه لكل واحد منهم دعوة خاصة
سواء بالتلفون او عن طريق طباعة كارتات الدعوة
فلو افترضنا ان الدعوة تتم عن طريق توجيه كارت الدعوة
فهل تطبع بالكارت الواحد ارجو حضورك انت واخوتك
ام ان كل كارت بأسم شخص ؟
وبهذا راح تقطع عنك اساليب العتب
الي قد تواجهها من بعض الاشخاص
وصارت معي مرة من المرات مناسبة فرحت لجاري وطرقت
عليه الباب فطلع ابنه وقال لي ابوي ما موجود فبلغت الابن بالدعوة
ان يوصلها لابوه
اخر الوقت والاب لم يحضر فرحت مرة ثانية للبيت وطرقت الباب
فطلعت زوجته وقالت ما موجود فبلغتها بالدعوة
وايضا لم يحضر الجار
وبعد عدة ايام التقيت بجاري بالشارع وقلت له مريت عليك مرتين بس ماكو
فقال لي لو مخابرني عندك رقم تلفوني كان حضرت
فالقصد يا صديقي التلفون ما يجعل للمقابل اي عذر بعد الاتصال المباشر

بس هذا جارك شكد صعب... يعني دگيت بابه عدة مرات.. وبلغت زوجته.. وبلغت ابنه... وهاي كلهه... ويعتب يريد تلفون.. هههههههه (هذا اليخربك ويه الصديج).. هذا قصر بالحضور.. ورادديفرهه عليك... يگللك ليش مو بالتلفون هههههههههه عداك العيب يخوي يالرميثي تكطعت رجليك من الروحه والرده الك... وماراضي الأفندي هههههه

ممتن لمرورك العطر يالغالي..... تحياتي لك ولجارك العزيزة هنياله عليك والله مدلله..
دمت لي

[المستشار القانوني]

لو تشعل الصوبين شمع
هم يطلعلك واحد صفح ويبقى يتزعل

اني اشوف
انو بالافراح والاحزان
العالم التحب من صدك تجي بدون عزيمة

فعلا... فرضا الناس غاية لاتدرك...

لكن حته الموروث الشعبي يگول.. اليجي بلا عزيمة... يگعد بلايه فراش...

اسعدني مرورك العطر... شاعرنا الغالي.. استاذ فقار..

[المستشار القانوني]

والله يااستاذنا موضوعك رغم بساطته لكن الجماعه ماقصروا بمجاملتك بالردود بصراحه وكلشي ماخلونه حتى نسولف بيه وهاي هيه وسلامتك يخوي

الموضوع صح بسيط.. لكنه اجتماعي معاصر تتباين به الاراء...
ممتن جدا لمرورك العطر... وأكتفائك بماطرح الاعزة الغالين... تحياتي عزيزي الغالي... أستاذ عدنان

[عضوية محجوبه]

مازالت ولحد الآن جاري هذا الوضع ومتابعه الردود انا صغيره أهلي الاقرباء بناتهم اهلهم ايو أهم شي تجي عزيمة بدون عزيمة اكيد الحضور واذا ماجتني دعوه واسالهم يكولولي انتي بدون شي تجين وبتالي أحب أحضر
شكرا الك استاذ موضوع بسيط وكلش حلو عاشت ايدك

[انسان ثاني]

احنه عدنا عُرف مُتبع كـ مجتمع الاسر النجفية (ولد الولاية)

بعتبارنه عائلة كبيرة جدا من عمام و عمات

فـ متعودين من احد يريد يعزمنا بالنجف يتصل بـ اكبر اعمامي و عمي يبلغ الجميع ، و من تجينه عزيمة من بغداد (بعتبار والدي ساكن بغداد) يتصلون بوالدي الله يرحمه وهو يبلغ عمامي و حاليا يتم الاتصال بيه اني و ابلغ عمامي

اما اذا نريد نعزم احد فـ يتولى هذا الموضوع اصغر عمامي

و تقريباً كل الاسر النجفية تمشي بهذا النظام ، ما اعرف شنو الطريقة المُتبعة بباقي المحافظات

[الرميثي]

بس هذا جارك شكد صعب... يعني دگيت بابه عدة مرات..
وبلغت زوجته.. وبلغت ابنه... وهاي كلهه... ويعتب يريد تلفون.. هههههههه (هذا اليخربك ويه الصديج)..
هذا قصر بالحضور.. ورادديفرهه عليك... يگللك ليش مو بالتلفون هههههههههه عداك العيب يخوي يالرميثي
تكطعت رجليك من الروحه والرده الك... وماراضي الأفندي هههههه

ممتن لمرورك العطر يالغالي.....
تحياتي لك ولجارك العزيزة هنياله عليك والله مدلله..
دمت لي

والله يا استاذي كل انسان وقناعته
وانت سيد العارفين يجب ان تتعامل مع الناس حسب سعت عقولهم
بقدر ما تستطيع لكي تستوعب الناس التي عايش بوسطها
كما قال النبي الكريم محمد صل الله عليه واله وسلم
( نحن معاشر الانبياء امُرنا ان نعامل الناس على قدر عقولهم )
فقد يكون لكل شخص طريقته الخاصة
او قد يكون لكل مجتمع طريقته الخاصة ايضا
كما تفضل الاخ انسان ثاني في طريقتهم النجفية للدعوة
اسعدني تعليقك الجميل استاذ عماد .

[Laraa]

حسب العلاقة ويه الاشخاص
اللي يعرفون بي يزعل يخابروا حتى ليزعل
ولو اني اشوف حتى يخلصون من هذه المشكلة يسوون كروب ع الواتساب ويفضوها
ويا دار مدخلك شر