هنا

[علي الواسطي]

علاوي اني لحد اخر رد جنت ماخذها شقة بس حسيت انت صدگ گلبك محترك ع وضع و تعتقد انك صح واني مو ضد اعتقادك بالنهاية هاي وجهة نظرك واحترمها

بس خلي ابينلك اني شنو اعتقادي بهل موضوع

اولا قضية سبايكر الوحدة بـ امرها هذه مقولة عسكرية ، اليوم من يغلط فصيل لو سرية لو فوج لو فرقة لو قوة كاملة اني ما احاسب الجندي هذا شخص بسيط مو تقليلاً منه بس ما دارس وما فاهم وجاي يريد يعيش بلگمة حلال ، اعتب ع القادة ، و بالعسكر اذا عندك معلومة القائد العام للقوات المسحلة يتحمل كل اخفاق عسكري و المالكي يتحمل دماء الشهداء لانه چان هو ع هرم القوات المسلحة

نجي ع موضوع عبد المهدي مراح اكلك اني اكره الانسان المتلون بعتباره چان شيوعي بعدين صار بعثي بعدين صار مجلس اعلى وراها صار مستقل ، بس اكو موضوع بالقسم السياسي الي نزلته اول ما صار عادل رئيس وزراء واستبشرت خير لان اجه كـ مستقل ، بس ويا اول قطرة دم نزلت بساحة التحرير خلص سقطت شرعيته بعد لتكلي اشتغل وسوه اخويه لو يكون رجل وكد منصبه والمسؤولية لو لا يجي انت صدك تحجي عن يا عقد تريدني ادافعله وهو انقتل بعهده فوك 800 شهيد لو الي راحو دجاج هم چان صار تعاطف وياهم مو هنوب بشر وكلهم صغار كل الي رادوه وطن ، اني اعرف مو عادل الي امر بقتلهم بس الهرم چان عاجل وهو مسؤول لان ماعرف يحميهم


اما قضية الكاظمي و سالفة الدولار ، بسنة 2014 احمد الچلبي الله يرحمه (السياسي الوحيد الي احترمه) اقترح نرفع سعر الدولار الى 1445 ، لان بسبب سياسة المالكي الاخرق بمنح التعيينات والامتيازات فلس الميزانية وصارت كلها تشغيلية

فـ الچلبي كال منا لعشر سنوات اذا ما رفعنا الدولار و دعمنا القطاع الخاص راح نفلس وما نگدر ننطي فلوس رواتب

يعني القضية مو من اليوم ، وكلنه نعرف الي جان مستفيد من الدولار هو المالكي وربعه بمزاد العملة الي مسويه بشارع الكفاح


هسه تعبت بعدين عود اكملك

بس لتغثني وتدافع عنهم تره احچي ع مالكي واغثك

صباح الخير عندي تعقيب على كلامك مالحكت البارحة اكتبه لأن نعست .

اكيد يتحمل المسؤلية ووصمة عار بوجهه بصفته اعلى سلطة بالبلد هذا منختلف علي

بس انت مجاوبتني على اسئلتي
الامر بدأ بفتنه لو لا من خلال بث الدعايات والاشاعات وخلا العالم تتخبل والاهالي يتصلون على ولدهم ارجعوا ؟
اللي بقه بداخل القاعدة احد انقتلوا لو لا ؟
منو اللي اسر الجنود وقتلهم ؟

ولو اشك مراح تجاوب خوفا على مشاعر البعض وكذلك سياسة عدم تجريح المقابل تمنع ذكر شيئ .

[زهرة اللوتــس]

بعيداً عن سياسـة العنف والحرگ ماأحبها.. زين خلي نتبرع بيهم لدول الجوار محد يريدهـم؟!!!
زين نبسط بيهم ومنو من الدول محتاج نكد او اكشن يشتريهم طبعـاً بأبخس ثمن والا ذوله مايجيبون سعر...
والله ياخويـة اشوفهم راح يبقون على گلوبنــا مادام احنه الشعب مامتصافين بيناتنا ومو گلب على گلب ومستعدين نتمالخ بيناتنه على مود هالشكولات.. ماراح نفتك منهم...

[محمد علي نعناع]

مشكلتنا احنه واكعين بصراعات شخصية عالسلطة وعالزعامة وعالمصالح الشخصية والشعب هو الضحية
يعني البلد مابي بس المالكي ومقتدى ؟
اثنيكم بالحكم صار ١٩ سنة واثنينكم مجربين ومصالحكم مشتركة وواحد ميقبل يبتعد حتى لا الثاني يستفاد كافي ملينا منكم اثنينكم .




خطية فقار راد يكون وطني زيادة عن اللزوم بس ماكدر

المهم اخذوه الجماعة يلعبوا بالسرسيحة





انتم بعيدون عن الفتنة
قادتكم مايزرعون الفتن ؟؟ ماتحرقوهم ليش دائما التظاهرات والمشاكل بمناطق معينة وهي الضحية دائما العراق للجميع والدفاع عنه كلاً من مكانه مو تدفع جهة معينة حتى تكون كبش فداء نيابة عن البقية


خوش تهديد
اي واضح كلش والدليل بعد ما تم السيطرة على بعض المناطق انقطعت المفخخات .

واحرقوا قادتنا ايضا امتثالا لنظرية ال٧×٧

[Suzana]

صارت كلها تحرق
هو اليموت حرق مو يكولون شهيد خو انتو نطيتوهم منزلة رفيعة على هذا حجيكم
ماكو غير الحرق؟
مجرد التفكير بالموضوع مؤلم شلون لو نشوف الجماعة شايلين كلناتهم ويركضون وره فلان وفلان

[الرميثي]

مادام الموضوع للاخ فقار
فراح يكون كلامي معاه
امس بالليل شفت وسمعت بالتلفزيون
بأحد القنوات العراقية
واحد معمم من قيادات التيار الصدري
يكَول
الصلاة الموحدة هي عرس وطني حتى بأوربا ما صايرة

صحيح الصلاة الموحدة حتى بأوربا ما صايرة ؟؟

ننتظر جوابكم المفرح وبفارغ الصبر اخ فقار

[علي الواسطي]

صارت كلها تحرق
هو اليموت حرق مو يكولون شهيد خو انتو نطيتوهم منزلة رفيعة على هذا حجيكم
ماكو غير الحرق؟
مجرد التفكير بالموضوع مؤلم شلون لو نشوف الجماعة شايلين كلناتهم ويركضون وره فلان وفلان

هذا حرك بالدنيا قبل الاخرة كلها محظرة جداحاتها

[ȺӀì βąҍӀì]

اعتقد سياسات الاحزاب مشتقة من نفس سياسة صدام مع الشعب ، من صعد صدام للحكم وهو مدوخ الشعب وخصوصا فترة التسعينات من 1991 الى وقت السقوط بهل الوقت كل يوم كام يطلع سالفة من كهرباء والراوتب القليلة الي ما يكفي راتب الموظف يشتري بيه دجاجة واكثر شيء دوخ بيه الشعب هو جيش القدس بحيث نص الشعب حضرهه لتحرير القدس
نفس جماعتنا هسه ونفس الاحداث بس بصورة مختلفة ،، لما برايمر راد يزود. رواتب الموظفين اعترضوا ربعنا وكالوا اذا انطيت للعراقي تفاحة راح يطالب بالسلة ، كل هاي الامور حتى يضل العراقي دايخ بعيشته وميكدر يفكر لان ما ملحك ياكل شلون يفكر
هاي هم سبب من الاسباب الي طولت بعمر هاي الحكومات

[أبن الاشتر]

اعتقد سياسات الاحزاب مشتقة من نفس سياسة صدام مع الشعب ، من صعد صدام للحكم وهو مدوخ الشعب وخصوصا فترة التسعينات من 1991 الى وقت السقوط بهل الوقت كل يوم كام يطلع سالفة من كهرباء والراوتب القليلة الي ما يكفي راتب الموظف يشتري بيه دجاجة واكثر شيء دوخ بيه الشعب هو جيش القدس بحيث نص الشعب حضرهه لتحرير القدس
نفس جماعتنا هسه ونفس الاحداث بس بصورة مختلفة ،، لما برايمر راد يزود. رواتب الموظفين اعترضوا ربعنا وكالوا اذا انطيت للعراقي تفاحة راح يطالب بالسلة ، كل هاي الامور حتى يضل العراقي دايخ بعيشته وميكدر يفكر لان ما ملحك ياكل شلون يفكر
هاي هم سبب من الاسباب الي طولت بعمر هاي الحكومات

هذا هو الذي يتسمى امتداد لحكم صدام .
لان الحكومة الصدامية الماضية والحكومة العراقية الحاضرة
سياستها من نفس المصدر .

[ȺӀì βąҍӀì]

هذا هو الذي يتسمى امتداد لحكم صدام .
لان الحكومة الصدامية الماضية والحكومة العراقية الحاضرة
سياستها من نفس المصدر .

اكيد لكن امتداد هؤلاء اكبر واوسع في خلق التفكك بين الشعب ، والسبب كان صدام شخص واحد
اما هم فمئات ، ولا اظن انهم اصحاب هذه الافكار ، لان تأسيس الحكومة على شكل كتل واحزاب هذه فكرة عبقرية
وهؤلاء لا يمتلكون هذه العبقرية

[فقار الكرخي]

مادام الموضوع للاخ فقار
فراح يكون كلامي معاه
امس بالليل شفت وسمعت بالتلفزيون
بأحد القنوات العراقية
واحد معمم من قيادات التيار الصدري
يكَول
الصلاة الموحدة هي عرس وطني حتى بأوربا ما صايرة

صحيح الصلاة الموحدة حتى بأوربا ما صايرة ؟؟

ننتظر جوابكم المفرح وبفارغ الصبر اخ فقار

من شفت السيد بجيت بجيت