المن جاي كل محتار يصيح وياي
المن جاي يحسين الوادم مو ماي
المن جاي باچر تنشف ويگطعون
وينحز نحرك مدري شلون المن جاي
المن جاي
______
انا المنتظرة جيتك بس اريد اترد
والك مفتوحه اديه منين ما تگصد
صار الخوف للملگه اويه طولك ند
يريتك ما تجي وياريت ما تبعد
اريدك بس اريد تظل افضل وانت التفضل
اليحب إنسان ويحضنه ويموت بحضنه شيحصل
كلشي يصيح
وياخذ يمك صوتي الريح كلشي يصيح
كلشي يصيح
باچر فوگ ارمالي تطيح كلشي يصيح
وخياله اعليك يعبرون ... ينحز نحرك مدري شلون
المن جاي
______
ذبل غصن الصدگ والمو صدگ خضر
ونزل سرب المنايا العالظعن يفتر
الگالولك تعال افعالهم تزغر
مثل دخان بس وكت الحرگ تظهر
فراغ وكلشي مابيهم چذب چانت محاچيهم
ينطوك رمح عالي وانت الرحمه منطيهم
منتظرين
وگفت ناسک محتارين منتظرين
صوت يحشم عطشانين منتظرين
ينزل دمعك ويشمتون ينحز نحرك مدري شلون
المن جاي
______
تجي ليا ناس يالتعرف نواياها
وداعت ريحتک مو هيه تلگاها
عكس ممشاك راح يصير ممشاهه
عاگو و ورد ما ترهم وياهه
يالبس الورع يمك بهيچ عقول شيفهمك
ينسمه لا تمر بيهم ظلم هالوادم اتشمك
كون اتغيب
عن وادم ما تعرف طيب كون اتغيب
كون اتغيب
بس نار وخياله اتجيب كون اتغيب
والماله أنصار يغدرون ينحز نحرك مدري شلون
المن جاي
______
اذا توصل يهزني الشوگ وأتألم
يصير اسمي لنزيفك كربلاء والدم
عليك إسهامهم من كل كتر تلتم
ويوجع بالفواطم حرگ المخيم
يشوفن ضيم ويسمعن الگبل ما طلعن يطلعن
تنزل راية الكافل ورماح الروس يرتفعن
تنمد ايد
من ضعنك بس انت بعيد تنمد ايد
تنمد ايد
ببس توصل يحيسن تريد تنمد ايد
وبسوط اعداك يمنعون ينحز نحرك مدري شلون
المن جاي
______
الشمس بديارهم ما تلگه في مثلك
ولا يگدر الشاف عيونك يبدلك
حسين الگال اقبل واليحب گلك
بس سار الضعن حضر سهم طفلك
هزل تتنظر ضعونك صور مأساة لعيونك
لا توصل بعد يحسين بس توصل يبيعونك
ما ينقاس
بالواقع مكتوب الناس ما ينقاس
ما ينقاس
بالحافر صدر الإحساس ما ينقاس
عالم جاهل بالمضمون ينحز نحرك مدري شلون
المن جاي
______
تجي وتمشي برمح وايتامك تشاهد
واحد عن ضماك يسولف لواحد
ويخنگ بالفواطم كلمن يناشد
اشعنده حسين يم راس الرمح گاعد
وتكبر بيهن الحيره لو چف رمحك ايديره
تسد عيون رضعانك عن المالهم غيره
هذا الچان
لو گالو تبچي الرضعان هذا الچان
هذا الچان
حاميكم راسه اعله الزان هذا الچان
وگبال الراس يضحكون ينحز نحرك مدري شلون
المن جاي
______
تدويني ^^
تحميل MP3
رد مع اقتباس
المشاركة الأصلية كتبت بواسطة مِـيهہرَمــآهہ ♬✿
