هنا

[سجاد ال كركاس]

سالفه ورباطثلثين الولد ع الخال
جان اكو شاب
نشمي وشهم وشجاع
لكن داكه العوز
هذا الشاب جان يحب بنية من عربهم واهلها ميسورين الحال
مشه عليها خطابه لكن اهلها طلبوا منه مهر عالي وغالي جدا
وهو ما عنده ولا اكو احد يعينه
قرر هذا الشاب يسطي على شيخ معروف وياخذ فرس الشيخ الاصيله ويبيعها ويتزوج بيها
دخل الشاب قصر الشيخ وحاول يفتح قفل الفرس لكن النواطير حسوا بيه ولزموه
اجاه الشيخ واولاده الأربعة
وجان هذا الشاب مجتف
والشيخ واولاده واكفين كباله
سأل الشيخ اولاده وكاللهم شنسوي بهذا الحر..امي
كال الاول اكضة بالمسحاة واكرضة كرض
كال الثاني اهطرة بعامود الخيمة واكسر ظهرة
كال الثالث اوهك بيه بيدة الهاون واطحنه طحن
كال الرابع والله يا شيخ الشور شورك والراي رايك وبأيدك تحاسب وبأيدك تعفي
بس يمحفوظ شفنا حرامية هواي حاسبتها الشيوخ بس ما سمعنا ولا شفنا بشيخ يكرم الحرامي الي داس عتبت بيته ومن كون نكرمه نسوي شي محد مسويه واسمنا يعلى بين الطوايف والحمايل ونحصل على الغانمة
رد الشيخ وسأل الشاب الحرامي
وكاله انت شتكول
كاله الشاب الله يطول عمرك يمحفوظ اني مقصر ومعتدي وانت بكيفك بس اسمحلي اكلك بخوال ولدك واصلهم
الشيخ كاله كول واحنا نسمعك
الشاب كاله الاول
خواله فلح
الشيخ كاله شمدريك
الشاب كاله لان اول ما بدر بذهنه بس الكرك والمسحاه
والثاني خواله
رعيان لأن اول ما فكر بعامود بيت الشعر وهذا منزل الرعيان
والثالث خواله
عبيد ودكاكين كهوه لان اول ما ركض على يدة الهاون
والرابع خواله
من عمامه شيوخ ولد شيوخ واصايل
انبهر الشيخ بكلام الشاب وركض عليه وحل جتافه
وكاله والله ما نطقت غير الصدك ويعلم الله انك اصيل
وابن اجاويد
دنك الشاب من المستحه وسولف قصته للشيخ
عاد الشيخ اكرمه وانطاه الفرس رغم ان الفرس الاصيله قد تكون اغلى من المال والولد عند خيالها
وراعيها وراح وياه خطاب وجابله البنت الي رايدها وزوجه
جبناها على طيب الاصل وتأثير الخوال على اولاد الاخت ليس بالشكل فقط
ويكول ابو المثل
(ثلثين الولد على خاله ) فان ابنائكم كخوالهم
وكيف ماتكون الام
تكون ابنتها
وثلث تنعام من كال
خوالي من عمامي
وثلث تنعام من كال
خوالي شيوخ
وغانماتهم دوم ترفع الراس
وثلث تنعام من كال خوالي كرام واصلاء ورفعة راس بسمعتهم الطيبه وافعالهم الزينه ومسكين اي والله مسكين
اللي سمعة خواله تكسر الوجه
ومايستحقون حتى كلمة خال
وثلثين الولد ع الخال...#وسلامتكم

[IMG]

[/IMG]

[❥ اوليڤَيــــــا✿┊❥]

حلوة
وخاصة من راح وياه يخطبوله..
عاشت ايدك عالنقل

[سجاد ال كركاس]

حلوة
وخاصة من راح وياه يخطبوله..
عاشت ايدك عالنقل

واني اشكرج ع تفاعلج الحلو