نادت زينب و كَلبي انشكَـ
ما أظم راسي لو صار الطكَـ
ابن عمارة واحجي معلكَـ
شايل غيرة ..الدم يعركَـ
كافل للمرقد لوانا قائدة الكافل
بالركَب زينب أمانة من ابو فاضل
أنقل وصور مباشر ..واضرب الحاصل
خاسر اليوصلهة خاسر ...بشر القاتل
من راد يسبيها بعد
زينب ولك مو أي احد
بالسيف من جد وجد
تلكَاها لو تلكَاني
معلم وميت كَلب
ساحكَها راسك والحرب
حد سيفك عمرك ينحسب
ولجيتك آنة متاني
ماكَول تعرفني السما
بـــــس شيعي وابن الموزمة
متربي بحضان الحرب
وجفوفي حيل معلمة
%%%%%%%%%
نادت زينب و كَلبي انشكَـ
ما أظم راسي لو صار الطكَـ
ابن عمارة واحجي معلكَـ
شايل غيرة ..الدم يعركَـ
أسأل الكَاع وأهلها تسولف آثاري
اي وحكَـ دين الكفلهة توّنس اخباري
كربلائي الثار بية وماطفت ناري
زينبي لحد المنية بثاري وأشعاري
ماهدد ويحجي والفعل
ماأسكت ولو ينزعل
مي نار دمي ويشتعل
ياتالي الك ياتالي
تسبيها تهجم ع الكَـبر
عدلين وكـ مانحتضر
من يمنة مانحتاج أمر
تهدالة انة تهـدالي
مشدود راسي بغيرتي
موزونة رزنة حجايتي
وشوية ماعندي صبر
ديوان هالجف رايتي
%%%%%%%%%%
نادت زينب و كَلبي انشكَـ
ما أظم راسي لو صار الطكَـ
ابن عمارة واحجي معلكَـ
شايل غيرة ..الدم يعركَـ
وحكَـ حماي الفواطم ثابت أسلامي
أرجع من الحرب غانم تشهد ايامي
ترابهة عفة وكرامة ومصدر الهامي
بدمي اجيبلهة السلامي بكَلبي الضامي
عباس يامعنى الزلم
من كَبرك لزينب شهم
لا زينبك ماتنظلم
ولى الزمان الماضي
أجنودك احنة بكل شبر
كل طلقة محسوبة بـكَبر
لا تظن منهة نعتذر
عباس كونك راضي
ماينشبع منك وفى
ترجف حنين العاطفة
من خوتك يابو الفضل
ماي العطش بيدك صفى
%%%%%%%%%%%
نادت زينب و كَلبي انشكَـ
ما أظم راسي لو صار الطكَـ
ابن عمارة واحجي معلكَـ
شايل غيرة ..الدم يعركَـ
رايتك ع الكَبة صارت تعلنك حاضر
جفوفك وحماية دارك تعرف أصاير
يابو الغيرة واخوهة بكَلبك العاشر
ردوا بجفك لكَوهة الكافل الصابر
يازلمـــــــة لحدودك يطب
والموت منك ينشرب
الخوف واكَف بالدرب
وانتة بمكانك غافي
ماضيعوا بيك العرف
الموت بيك ينعزف
الزلم بعدك تنحذف
حد المراجل شافي
ثكَلت جدام الـلاكَتة
الموت الأحمر ضاكَتة
ها اجوا ما جنهم اجوا
بايعتة روحة الجابتة
%%%%%%%%%%%
نادت زينب و كَلبي انشكَـ
ما أظم راسي لو صار الطكَـ
ابن عمارة واحجي معلكَـ
شايل غيرة ..الدم يعركَـ
رد مع اقتباس
المشاركة الأصلية كتبت بواسطة husaam
