تمنيتك نجم كل ليلة اباوع بيك
واضوج هواي لمن
تكرب الغبشة
وانام من الصبح احلم بطاريك
وساعات النهار تصير وحشة
ويرد الليل يرجع واني أرد ليك
مثل طير بمسية ويرجع العشة
واذاجاسك برد بعيوني ادفيك
عين اتغطة بيهة وثانية الفرشة
واذا حاول نجم فديوم يندك بيك
شد جنحان بكتوفي واكمشة
احتاج الدموعي يجوز ترويك
اصير دموع الك بغروبي اطشة
يلمع ثوبك ويضوي ويحلليك
واضواء النجوم الباقية النقشة
تساقط مطر وتغيب وابجيك
قطرات المطرتتساقط مجرشة
ملك من الجمال الي يناديك
وجمع كل الجمال وبيك رشة
ربك بيدة ابدع من يسويك
وصنع ربك بعد ياهوا اليغشة