ليش تتمنى ترجع طفل ؟
غالباً احنه نَحن لطفولتنه لان نشعر انه بدأنا نتقوقع داخل صندوق وضعتنه بي الحياة وما نگدر نكسره ونطلع لانه نخاف على صورتنا بعيون غيرنا حتى لا تخرب ، الطفل هو الكائن الوحيد الي مسموح لهُ ما لا يُسمح بهِ لغيره ، لاحظ الاطفال بـ كل الاصناف الاحيائية ان كان انسان او حيوان دائماً يُعامل بحنية حتى من يخطأ ، شوف اشبال الاسد شگد تلعب و تزعج الام و الاب بس يطبطبون عليهم بكل رفق لاحظ اطفال البشر شگد يبچون ويگلبون البيت بس محد يحاسبهم ، و كأنه الكبار دائماً عدهم ايمان انه هذا الطفل الآن عايش حياة وردية خلي يستمتع لان راح يجي اليوم الي يتعلم بي انه هذه افضل اوقات حياته
تگول الروائية احلام مستغانمي في رواية ذاكرة الجسد : أحسد الأطفال الرضّع ، لأنهم يملكون وحدهم حق الصراخ والقدرة عليه ، قبل أن تروض الحياة حبالهم الصوتية ، وتعلِّمهم الصمت
رد مع اقتباس
المشاركة الأصلية كتبت بواسطة زنـہوبـہهہ
