من باب الحقائق العلمية
هل تعلم هذة سنة ظهور المخلوقات الي تشجع برشلونة
من باب الحقائق العلمية
هل تعلم هذة سنة ظهور المخلوقات الي تشجع برشلونة
يارامي انا بنظري هذة المشاهدات والبحث من المحرك قليلة .المشاركة الأصلية كتبت بواسطة انسان ثاني
من باب الحقائق العلمية
هل تعلم هذة سنة ظهور المخلوقات الي تشجع برشلونة
موضوعك ساحر عنوانه يحب الواحد يتطفل عليه ومواضيعه دسمة مفيدة وممتعة .
فيه نقاش وفيه نكته وفيه تاريخ وفيه وطنية .؟
.............
بس الصراحة انا اشوف الوطنية فيه عورة .
ولو لبستها مناضر او اصلحت العين الاخرى يمكن يصل للملايين ويمكن يدخل اعضاء جدد من اجل
التآزر معك .
بس للاسف خربوك العرب . خلوك تخلط الرذيلة والفضيلة بداخل جدر واحد .
لازم تحرّك روحك وهذا عقلك اللي يقبل الجديد واللي فيه خزين من المعلومات اللهم صل ع النبي وتدخل احساس العراقي المضطهد وتكتب عن تاريخه القريب
والذي نحن نعيش على مخلفاته وتحت امرت نفس رجاله .
مااعرف ليش عندما تصل الى هذا التاريخ تحرف مسار الكتابة .
وتخنق الافادة وتقلبها الى ترفيه وهذة شطارة .لكن انا اشوفها خسارة لنا .
فموضوعك هذا مميز مختلف عن اي موضوع وكأنه جديد على طول .
فلاتستغرب من كثرة المشاهدات .
حياك الله وقواك ويارب تعود باحساسك لنا .لاتبقى مغترب كفاية تمسيد على ظهر العربان المستفيدين
من دمارنا .؟
من باب الحقائق العلمية
هل تعلم هذة سنة ظهور المخلوقات الي تشجع برشلونة
٢٠٢٨ شنو الحدث يلي ح يصير
قبل كم سنة شفت هذه اللوحة للرسام ماكس ساوكو ، صفنت بيها ما حسيت انه اكو شهوة بين الرجل و المرأة ، گلت اكيد اكو شيء وره هذه اللوحة ، دورت و عرفت القصة الحقيقية و طلع اسم اللوحة (مُرضعة ابيها)
يگلك يامحفوظ السلامة و البگة ، هذا الرجل كان مسجون و مانعيه من الطعام والشراب يردوه يموت ، و لكن نوع من المكرمة خلوه كل يومين يلتقي بـ بنته ، اعتقدوا انه خلال ايام بسيطة راح يموت و يخلصون منه ، بس بعد كم اسبوع حاروا هذا ليش مدا يموت ؟ بعدين اكتشفوا انه بنته بكل زيارة ترضع ابيها حتى يبقى عايش وحارمة طفلها ، بحيث ابنها تمرض من قلة شرب الحليب ، بعدين سامحوا الرجل و افرجوا عنه
هنا يبينلك مدى ضعف الانسان امام الموت ، الاب خاف يموت ويترك بنته ، و البنت خافت تخسر ابوها لذلك اقدمت ع فعل محد كان يتخيل انه يصير ، دوستويفسكي بكتاب الجريمة و العقاب يگول (الانسان جبان امام الموت لكن سافل منْ يصفهُ بالجبنِ لهذا السبب !)
التعديل الأخير تم بواسطة انسان ثاني ; 22/December/2022 الساعة 9:54 pm
شايف من تگعد تخطط لـ هواي اشياء و تگول كلهن حسويهن بالمستقبل ، و تبقى تخطط وتخطط ، وتالي تكتشف انك بس جاي تخطط و العمر يمشي بيك ، بهاي الرحلة راح تفقد الشغف ، راح تفقد لذة النجاح ، اذا ما نجحت بالوقت المناسب بتحقيق اهدافك ، بعد ما راح تفرح حتى لو حققتها مُستقبلاً ، حاول لا تخلي هواي خطط انت مو دولة و تشتغل بنظام الخطة الخمسية ، خلي اهداف ممكن تحققها ، ويا كل هدف راح تحس انك صعدت سلمة ، لا تخلي هدفك بالطابق العاشر وانت اصلا ما عندك درج
خليك واقعي ، ماراح يطلعلك عفريت ويحققلك كل احلامك ، حياتك اليوم هي جزء من خطط البارحة ، استغلها ولا تنتظر ......
شوف صديقي الحياة تشبه القطار كلش بمسيرتها ، الها بداية تنطلق منها ، والها نهاية تنتهي بيها الرحلة ، و بين البداية و النهاية هواي محطات ممكن تتوقف بيها لفترة ، حاول تخلي ذكرى بكل محطة تتوقف عدها ، مثلا صداقة او معرفة او حتى الاحسان لمن لا تعرفهم ، و حاول تختار الي يشاركوك هذه الرحلة بعناية ، مو كل واحد عنده نفس اهتماماتك بهذه السفرة ، اذا تختلفون عن بعض راح تعاني بيها هواي ، لذلك خليك واقعي و خلي دائرة لنفسك تحيطك بـ اشخاص تحب تكمل وياهم و يكملون وياك ، و تذكر محد راح يكمل وياك للنهاية اذا ما يكون يحبك صدكَ و مؤمن بيك ، لذلك لا تزعل اذا شخص قرر يتركك بنص الطريق و يختار طريق آخر هذا يعني انك ماكنت صائب بـ اختيار و حاول مرة ثانية
اكو محطات بحياتك مهما كانت بسيطة بس راح تبقى تذكرها وتبتسم ، اول يوم بالمدرسة ، اول ملابس عيد اشتريتها و سمعت اطراء من الي حولك ، اول شهر رمضان انت فاطر واهلك صايمين ، اول بنية انعجبت بيها بالمدرسة وما چنت تعرف شنو هذا الشعور بس مجرد تهتم بيها ، و اول حب بحياتك ، اول يوم بالحياة الجامعية ، اول يوم الك بالعمل ، اول شيء اشتريته من فلوسك الخاصة ، دائماً البدايات الها لذة خاصة و تعيش بداخلك ، نصيحة اذا شفت نفسك بلشت تنساهم حاول تدونهم بورقة وقلم ، لان هذه حياتك مهما كبرت لازم فد يوم تحن وترجعلها ، خليك تندل الطريق الى نفسك ولا تضيع بيوم بسبب الشيخوخة او مشاغل الحياة ، استمتع بالبدايات ياصديقي لان النهايات ماراح نعرف موعدها
والله لو تشوفون السجلات العندي اللي جنت ادون بيهن يومياتي اول باول .. قبل لا اعرف النت.. ولهسه محتفظه بيهن وارجع اقراهن..شعور لا يوصف الصراحة عبالك ترجع تعيش نفس الاحداث ..
هنيئاً لكِ ام عبوسيوالله لو تشوفون السجلات العندي اللي جنت ادون بيهن يومياتي اول باول .. قبل لا اعرف النت.. ولهسه محتفظه بيهن وارجع اقراهن..شعور لا يوصف الصراحة عبالك ترجع تعيش نفس الاحداث ..
لا تصير مكروه اجتماعياً ، يعني مو بكل طلعه لازم تشكي لجماعتك عن سوء الاحوال المادية لانهم ماعايشين بغير كوكب ويعرفون كلشي ، لا تبقى بكل طلعة مطعم تگلهم ماشايل خردة تره همه من يدفعون حسابك ديسوه حتى لا يحرجوك والا همه مو زواج ، لا تستغل محبتهم ويومية رايحلهم لبيوتهم وما تحب تعزمهم ابيتك حتى لا تخسر ، من تنعزم بمطعم تعلم تطلب شيء بـ اقل من قيمة طلب صاحب العزيمة او بنفس القيمة لا تطلب اكثر ، من تگعد ويا اصدقاءك لا تجيب طاري خوات او اهل صديقكم الغائب تره راح يگولون مثل ما حچه عليه يحچي علينه ، من تشوفهم يحبوك ويتقبلون شقاك لا تلح وياهم و تحسسهم انك المُسيطر ، تعلم صير انسان قبل كل شيء ، تره الانسانية كلمة عظيمة تحوي هواي معاني جميلة
رد مع اقتباس
