هنا

[انسان ثاني]

كتاب (سايكلوجية الجماهير) المؤلف الطبيب الفرنسي جوستاف لوبون




عمرك سألت نفسك ليش الطواغيت نجحوا في الوصل لـ قمة الحكم ؟

من بلشت اوعى سمعت انه صدام طاغية ، و من بلشت ابحث لگيت مو هو وحدة ، بل جمال عبد الناصر و القذافي و حتى نابليون

و لأني ما احب امشي ويا رأي الجميع و احب ابحث و اتقصى بنفسي ، بلشت اقرا عنهم و بلشت اجمع بعض الخيوط و لگيت مشتركات بينهم اهمها انهم چانوا اذكياء بالسياسة جداً

طبعاً هل شيء صعب ع اعدائهم ان يعترفون بي ، دائما تجد الانسان متعصب في بغضه ، تگله ليش تكره فلان يگلك لان ما استفدت منه لو لان قتل ابويه او اخويه ، زين جربت تشوف دوافعه ؟ جربت تتجرد من مشاعرك و تفكر شون صار هيج حتى تگدر مستقبلاً تتلافى هيچ شخصيات ؟ اني متاكد قليلين جداً الي مفكرين هيچ لان ماعدنا ثقافة القراءة و البحث ، غالبية مجتمعاتنا من الجهلة

زين خلي نسولف شون اكتشفت انهم اذكياء ، من بلش نابليون يسيطر ع فرنسا و الدول المجاورة اله اشتغل ع فكرة انه كاثوليكي متعصب ومن راح لـ ايطاليا قنعهم انه مسيحي وسطي متدين ، ومن دخل مصر روج فكرة انه مُسلم او في اسوء الاحوال انه مستشرق و كلش يحترم شخصية النبي ويقدر دينه و چان يگول من اخلص من مصر اروح احتل المجتمعات اليهودية و اوعدهم انه ارجعلهم هيكل سليمان ، بكل المجتمعات الي دخلها عرف منين يسيطر على شعوبها ، كذلك لو نطبقها ع عبد الناصر و البقية حنشوف عزفوا ع لحن القومية و فلسطين الخ....

هنا بلشت ابحث اكثر اريد اشوف شون گدروا يعرفون مكامن الضعف بالمجتمع و دخلوا منها ، واكتشفت انه اكو كتاب اسمه (سايكلوجية الجماهير) المؤلف الطبيب الفرنسي جوستاف لوبون و گدر يجاوبلي عن كل تساؤلاتي

خل اگلكم شنو حچه هذا الكتاب بشكل موجز ع گد ما اگدر





يگول اولاً طبيعة الشخص انه يحب ينخرط ضمن مجموعة من الجماهير لانه يحس بالجمعة يصير اقوى و ينهاب من الخصم اكثر ما يكون بمفردة و بهل حالة الطاغية يصنع ناس يطبلولة و يظهرون نفسهم ع انهم جمهور عادي يلمون المواطنين حولهم لتمجيد القائد ، اكو صفات عند كل الجماهير مثلاً سرعة الانفعال و احيانا تتحول الى الهمجية مثلا من يعزفلهم القائد ع وتر حساس مثل الدين او تهديد بمؤامرة خارجية راح تصير عدهم ردة فعل يحسون داخلين حرب وجودية ولازم يتوحدون تحت راية قائدهم (مثل ما صار مع عبد الناصر بعد النكسة 1967) ، كذلك اكو صفة السذاجة الجمعية مثلا الفرنسيين چانو يعتبرون نابليون رمز للمحبة والسلام و رمز لـ الليبرالية لانه هو صدر هيچ فكرة ، وهذا التفكير ممكن يمتد لمئات السنين لان لحد الان اكو منْ يعتبر نابليون قائد عظيم (مثل ما اكو جماعة صدام عدنا) ، كذلك الكاتب شبه الجماهير بعقلية البنات (الي عدهم عواطف جياشة) لذلك اكثر الجمهور يلتف حول الشعارات الرنانة الحرية و الانتقام من المحتل وهاي الكلاوات ، كذلك وجود صفة الاستبداد عند الجمهور و يوضح بهل نقطة انه الجمهور بطبيعته يحب يثور على السلطة الضعيفة و المهتزة ولكن من يشوفون سلطة قوية يرضخون و على عكس تفكيرنا انه اغلب الجمهور عدهم الحس الثوري و لكن بالحقيقة كلنا يمينيين محافظين من حيث لا نشعر و نريد ان نعيش بنمط واحد اذا گدر احد يوفرلنا هذا النمط




الكتاب مطول كلش بس ذكرتلكم جزء كلش كلش بسيط منه ولي حاب يطلع عليه اتوقع موجود بي دي اف انصحكم بقراءته .....

[انسان ثاني]

من طرائف عمي في مُضيف شيوخ آلبو عامر




هاي القصة قبل سقوط النظام ، والدي رحمه الله چان صديق الشيخ ضاري الفياض رحمه الله ، و تربطنا بيهم علاقة اسرية قديمة جداً و شركائنا في العمل ، چان والدي دائما يتردد على مضيفهم الي صاير شمال بغداد (الراشدية) بحكم الصداقة ، و دائما يعتبون عليه ليش مايجيب عمي وياه لانهم يحبوه ، عمي رجل اكاديمي استاذ جامعي واصل لدرجة الاستاذية (فول بروفيسور) ما يعرف اي شيء عن عادات العشائر ، بس اهم ميزة بي حشاش طراز اول و يسولف النكات بطريقة مُضحكة

بيوم من الايام والدي ماخذ عمي و رايحين هناك ، گاعدين هواي شيوخ فـ صار كلام انه العشيرة الفلانية تعاركت ويا العشيرة الفلانية و صار اكو اصابات ، عمي اندمج وركز يريد يعرف ليش هاي الحرب ، گللهم زين شنو سبب هاي المشكلة ؟ گلوله والله يادكتور السالفة انه واحد طالع بسيارته و ساحگ دجاجة و اجه ابو الدجاجة يريد يفصله ومتعاركين

عمي صافن و فر بـ ايده چان يگول والله زواج اهل العگل ههههه

ابويه يگول اني ما صدگت هذا شحچه ! الگاعدين كلهم لابسين عگل و شيوخ و عمي عال بيهم بمضيفهم ، يگول من الفشلة ما ادري شحچي همه هم صفنوا هذا شگال ؟ هههههه

بعدين شيخ ضاري گام يضحك گلهم هوه الدكتور هيچ شقاه بعدين الكل بلش يضحك واخذوها بروح رياضية

ومن يومها ابويه مايقبل ياخذ عمي لهيج مجالس هههههه

[انسان ثاني]

حادثة اختطاف عمي سنة 2004





بعد سقوط النظام صارت عملية استهداف للمثقفين الدكاترة و الاساتذة من قبل احد المليشات الحالية ^_* ، ع اثرها تم اختطاف عمي ، مثل ماسولفتلكم بالمشاركة السابقة انه عمي رجال كلش لطيف ابو نكته وما يهتم لشيء بالدنيا ، اهم شيء عنده دراسته و بحوثه ، تم اختطافه و تواصلوا العصابة مع عمي الصغير حتى يساوموه ع دفع الفدية ، المهم استمرت المساومات كم يوم وطبعا يوميه يگولون احنه جاي نعذبه و نضربه اذا تردون تخلصوه دفعوا المبلغ بسرعة

بعد ما انتهى كلشي و دفعنا الفدية و رجعلنه عمي ، الكل انصدم عمي مابي اي شيء متغير ولا عبالك چان مخطوف ، فگلهم ليش مستغربين اصلا طلعوا فد ناس محترمين ، اول ما دخلوني للبيت الي حاجزيني بي گتلهم اول شي اني ما احب الحر گالوا لتخاف مجهزيلك غرفة مكيفة ، گتلهم زين اريد ادويتي مال السكر كتبتلهم وراحوا اشترولياها ، و كونت علاقة وياهم يومية نسهر نسولف وصرنه اصدقاء ، علمتهم ع تتبيلة الدجاج المشوي لان ميعرفون يتبلوه و گمنا يومية نتعشه مشويات و واحد منهم يكلي رحمة الله والديك اهلي يتشكرون منك ع هل تتبيلة لان سويتلهمياه و حبوها ههههه ، و بعدين رئيس العصابة تمرض انقهرت عليه وكتبتلهم ع ادوية وبقيت سهران يمه لصبح اقرا ع راسه والحمدلله گام بالسلامة

و گتلهم اني عازمكم ع كباب شوي ع سلامته ، تذكرت ماشايل فلوس فـ گتلهم يلا جيبولنه انتوا و زيدوها ع فلوس الفدية ماتوا ضحك ههههه ، ومن دفعتولهم كلش انقهروا لان راح اروح تعلقوا بيه و كلش اتعذروا مني ع هل موقف بس خطية همه محتاجين و اني بريتلهم الذمة و گتلهم راح احسبها صدقة لوجه الله ، الله يوفقكم و تلگون شغل شريف ههههه

[دُرر الطائي]

حادثة اختطاف عمي سنة 2004





بعد سقوط النظام صارت عملية استهداف للمثقفين الدكاترة و الاساتذة من قبل احد المليشات الحالية ^_* ، ع اثرها تم اختطاف عمي ، مثل ماسولفتلكم بالمشاركة السابقة انه عمي رجال كلش لطيف ابو نكته وما يهتم لشيء بالدنيا ، اهم شيء عنده دراسته و بحوثه ، تم اختطافه و تواصلوا العصابة مع عمي الصغير حتى يساوموه ع دفع الفدية ، المهم استمرت المساومات كم يوم وطبعا يوميه يگولون احنه جاي نعذبه و نضربه اذا تردون تخلصوه دفعوا المبلغ بسرعة

بعد ما انتهى كلشي و دفعنا الفدية و رجعلنه عمي ، الكل انصدم عمي مابي اي شيء متغير ولا عبالك چان مخطوف ، فگلهم ليش مستغربين اصلا طلعوا فد ناس محترمين ، اول ما دخلوني للبيت الي حاجزيني بي گتلهم اول شي اني ما احب الحر گالوا لتخاف مجهزيلك غرفة مكيفة ، گتلهم زين اريد ادويتي مال السكر كتبتلهم وراحوا اشترولياها ، و كونت علاقة وياهم يومية نسهر نسولف وصرنه اصدقاء ، علمتهم ع تتبيلة الدجاج المشوي لان ميعرفون يتبلوه و گمنا يومية نتعشه مشويات و واحد منهم يكلي رحمة الله والديك اهلي يتشكرون منك ع هل تتبيلة لان سويتلهمياه و حبوها ههههه ، و بعدين رئيس العصابة تمرض انقهرت عليه وكتبتلهم ع ادوية وبقيت سهران يمه لصبح اقرا ع راسه والحمدلله گام بالسلامة

و گتلهم اني عازمكم ع كباب شوي ع سلامته ، تذكرت ماشايل فلوس فـ گتلهم يلا جيبولنه انتوا و زيدوها ع فلوس الفدية ماتوا ضحك ههههه ، ومن دفعتولهم كلش انقهروا لان راح اروح تعلقوا بيه و كلش اتعذروا مني ع هل موقف بس خطية همه محتاجين و اني بريتلهم الذمة و گتلهم راح احسبها صدقة لوجه الله ، الله يوفقكم و تلگون شغل شريف ههههه

ههههههههههههههه .. هنيالك على هالعم اللطيف .. الله يحفضه و يخليه .. خطفوا و كون صداقه وياهم

[انسان ثاني]

من طرائف ابو سارة




بـ ايام الطائفية چان يصير حظر تجوال من وكت فـ نروح اني واصدقائي لقاعة نيتورك بداخل منطقتنا حتى نلعب كاونتر او ميدل او بلي ستيشن ، ابو القاعة اسمه ابو سارة ، هذا چذاب اگشر ، عنده قانون من يجي ويحب يسولف لازم كلنه نوقف اللعب والا يطردنا بسبب اساءة الادب وعدم الاستماع اله ، بس اذا تفاعلت وياه بالسالفة ممكن يحبك وما ياخذ منك فلوس من الاساس ، فـ چنه كلنه نعززله من يسولف (نطبله) حتى نلعب ببلاش

حچالنه موقف ، يگول بحرب ايران چنت اني جندي (مع العلم هو مواليد نهاية سبعينات يعني بالحرب عمره اقل من عشر سنين) ، چان عدنا معركة ع قاطع ديالى ، فـ اجاني امر انقل الجنود للجبهة بسيارة (نسيت اسمها بس مثل السكس ويل) يگول السيارة بيها مشكلة انه لايتاتها ما متقسمه صح فـ العالي مالتها يضرب بالسماء

دنيا ليل و مصعد الجنود بالبدي ، بس شفتهم نفسيتهم منكسرة فـ گلت خلي ارفع معنوياتهم ، شغلتلهم سارية السواس بس اسمع مني يلي مجنني (سارية السواس بحرب ايران ! هههههه) الجنود گاموا يهزون و غيرت نفسيتهم ، لهناك وچان تجي طيارة مقاتلة مال جماعتنا نزل ابو الطيارة ع ارتفاع واطئ وگام يصيح بمكبر الصوت ، ابو ساااااارة طفي العالي انعمينه مدا نشوف شي من الدرب

المهم وصلنه للجبهة ، و چان ننضرب صاروخ ابادوها للسيارة و اني خسرت رجلي ، واحد من الگاعدين گله بس ابو سارة رجلك مابيها شي ! ، گله شنو يعني اني جذاب ؟ تره هاي رجلي زرعوليها بعملية بـ الاتحاد السوفيتي وتكرمت لاني جريح حرب ، بس انتوا مو مال احترام ومو مال واحد يسولفلكم يلا طلعوا بره عزلنه هههه

رجعنه لبيوتنه و نمنا ^_^

[انسان ثاني]

ههههههههههههههه .. هنيالك على هالعم اللطيف .. الله يحفضه و يخليه .. خطفوا و كون صداقه وياهم

ههههه
الله يحفظج يا وردة

[دُرر الطائي]

ههههه
الله يحفظج يا وردة

الذين يشاهدون الموضوع الآن: 7 (4 من الأعضاء و 3 زائر)

الله يحفظلك هالمتابعين

[دُعےـــآء]

طبعا كلش حبيت عمك الله يحفظه يصير نخطفه كم يوم ونرجعه لكم ومانطلب فديه ؟! هههه
وطلعتوا انتوا صدگ ماتستاهلون ابو سارة يسولفلكم ..

[الرميثي]

كلها تنحمل بس مال ابو الطيارة ينزل عليهم
ويكَلهم طفوا اللايت انعمينا هاي يرادلهة عقل يستوعبها ههههه

[انسان ثاني]

الذين يشاهدون الموضوع الآن: 7 (4 من الأعضاء و 3 زائر)

الله يحفظلك هالمتابعين

امين

طبعا كلش حبيت عمك الله يحفظه يصير نخطفه كم يوم ونرجعه لكم ومانطلب فديه ؟! هههه
وطلعتوا انتوا صدگ ماتستاهلون ابو سارة يسولفلكم ..

اهم شي توفروله غرفة مكيفة هههه

اي ابو سارة ثروة وطنية

كلها تنحمل بس مال ابو الطيارة ينزل عليهم
ويكَلهم طفوا اللايت انعمينا هاي يرادلهة عقل يستوعبها ههههه

هههههه كارثة ابو سارة