هنا

[افول]

افتتاح موفق
الله يرحم الوالد برحمة الواسعه ويجعل مثواه الجنة

[انسان ثاني]

افتتاح موفق
الله يرحم الوالد برحمة الواسعه ويجعل مثواه الجنة

تسلميلي اختي الغالية
الله يرحم امواتك

[عـــلي]

خنسولفلكم عن سوسن محمود
طبعاً سألت الي طلب مني اسولف عنها شمعنى سوسن ؟ يگول لانها غامضة وتقريبا ماعدها اصدقاء وما معروف عنها اي معلومة

زين استريح صديقي او صديقتي يلا نبلش ؟

سوسن معلمة متقاعدة ، بغدادية اصيلة ، عدها اصدقاء قلائل الي اعرفه هو اني وسامر و سوزان بس هي بطبيعتها خجولة و رسمية اغلب الوقت يعني لا تتوقع منها تگعد وتسولف وياك بالساعات ، تستغل تواجدها بالمنتدى بالاجراءات الادارية و المشاركات من خلال نشر المواضيع و الردود ، ما عدها ميانة ويا الاعضاء ابداً تتعامل بـ بيروقراطية الا مع الي ذكرت اسمائهم فوك و احتمال عدها غيرنا اصدقاء واني ما اعرف

طبعا من المواقف الانسانية الي مرت بيها هي وفاة شخص عزيز عليها ، هزها هل موقف بس گدرت تتقبل الموضوع و تعدية من خلال تنشيط تواجدها بالمنتدى لساعات اطول و محاولة النسيان ، ما ادري اذا چانت تحب تتحدث عن هل موضوع او لا بس عادي بحكم الميانة اگدر اصرح من عندي هههه

طبعا من خلال علاقتي بيها ما شفت عدها اي ميول سياسية او دينية متطرفة ، يعني ما تقحم روحها بـ اي نقاش وما تظهر تحيزها لـ اي جهة ، ما ادري هل شي اساساً بيها لو استخدمته بحكم منصبها الاداري بمرور الزمن

چانت مراقبة عامة لمدة سنوات طويلة ، و لحد هسه اذكر سوزان من حبت تسويها نائبة ، سوزان بطبعها من تخلي شخص ببالها تريد تصعده اداري تبقى تراقبه لفترة طويلة ، شون يتصرف شنو علاقته بـ اعضاء ، اذا صعد الاعضاء راح يتقبلوه لو لا ، و تسأل المقربين منها شنو رأيك بفلان ؟ زين تشوفه راح ينجح اذا صعد بالسلم الاداري ؟

فـ اذكر من اجت تسألني عن سوسن تريد تجمع اراء ، في وقتها چانت سوسن بسبب تعاملها الجاف ويا الاعضاء مو الكل مرحبين بصعودها لمنصب نائب المدير ، بس مثل ما ذكرنا سابقا عن سوزانا الي ابالها تسويه ، و فعلا هي چانت حاطة ابالها تصعد سوسن لان تشوفها تملك الكفاءة لهيج دور ، بعدها سوسن اثبتت نفسها بهل منصب و لحد هذا اليوم ، اعتبرها من بين افضل النواب

اما عن الاشياء الي تحبها ، سوسن عدها روح مرحة تضحك و تتشاقة بس مثل ما گلت مو ويا الكل ، نتشارك اني وياها هواية تجريب المطاعم ههههه دائما تسالني عن مطاعم جديدة و اني هم اسالها تبادل معلومات استخباراتية هههه


هذا الي خطر ابالي عن سوسن ، ايجوز تبدولك جافة او مغرورة بس الي يعرفوها عن قرب يدرون انها ما تنطبق عليها هل مواصفات ، بس مثل ما كلت ما تحب تنطي ميانة ويا اي شخص ، هي شخصيتها هيچ وهل شي ما يعيبها كل انسان يتصرف بالطريقة الي تريحه

نتشارك اني وياها هواية تجريب المطاعم ههههه دائما تسالني عن مطاعم جديدة و اني هم اسالها تبادل معلومات استخباراتية

عااا
حلوة
+
مدونة حلوة
+
والله يرحم ابوك ويغمد روحه بالجنة يارب

~

[Suzana]

خنسولفلكم ع النقاشات و الطلايب الي تصير بالمنتدى
طبعا اول ما دخلت للمنتدى چان سامر مسافر يدرس و تارك المنتدى لبعض الزملاء يديروه و سوزان كانت منسحبة بس بعدين رجعت ، الي اذكره منهم (اركي و گاردي) ، همه اسلوبهم ما يقبلون بـ اي كلمة ممكن تثير البلبلة لذلك تقريبا انعدمت النقاشات في عهدهم و كان المنتدى ذو طابع (صدري) بـ امتياز لانه اكو كم زميل يحب التيار هم الي مسيطرين ع جو العام فـ بذاك الوكت اكفر ولا تنتقد التيار ، من صرت اني مشرف اتفقت ويا سامر و سوزان انه محد يتدخل بـ ادارة النقاشات السياسية ، و انه المشاكل و النقاشات هي الي تجلب متابعين ، اذا المنتدى هدوء منو الي يصيرله واهس و يتفاعل ؟
وماكو اي خط احمر سوى الانبياء و الائمة و اقتنعوا بوجهة نظري وفعلا بلش عهد جديد و بلشت اطبق سياستي على اهم قسمين السياسي و النقاشات الجادة و سامر و سوزان انطوني كامل الحرية و الدعم ، ما يخلى هذا العهد من بعض المنتقدين الي اعتبرهم من المحافظين الي يكرهون التغيير ، بس اعتبر فائدة هل تغيير لحد الان نجني ثماره بتعدد الافكار و التوجهات

هذا مدخل حتى ابلش اسولف عن بعض الشخصيات الي كانت مؤثرة بالنقاشات

صح دورك كبير كان بهذه المرحلة وبداية التمهيد لمرحلة جديدة من حرية التعبير وانتقاد كافة الشخصيات بلا خوف .
كان كل عضو عنده شخصية يعتبرها خط احمر ويقدم بلاغ عنه في حالة تم انتقاده من طرف اخر ويزعل ويدير وجه ويترك المنتدى
الحمد لله الوضع كولش تغير حتى بلاغات ماكو
صارت حرية اكثر ،صاروا الاعضاء تنتقد بلا خوف وصارت تتقبل المخالف الها بالفكر وهذه دلالة على زيادة حجم الوعي والثقة الكبيرة بالنفس.

[انسان ثاني]

عاااا
حلوة
ههههههههههه
+
مدونة حلوة
+
والله يرحم ابوك ويغمد روحه بالجنة يارب

~

يرحم امواتك اخويه
حياك الله

صح دورك كبير كان بهذه المرحلة وبداية التمهيد لمرحلة جديدة من حرية التعبير وانتقاد كافة الشخصيات بلا خوف .
كان كل عضو عنده شخصية يعتبرها خط احمر ويقدم بلاغ عنه في حالة تم انتقاده من طرف اخر ويزعل ويدير وجه ويترك المنتدى
الحمد لله الوضع كولش تغير حتى بلاغات ماكو
صارت حرية اكثر ،صاروا الاعضاء تنتقد بلا خوف وصارت تتقبل المخالف الها بالفكر وهذه دلالة على حجم الوعي والثقة الكبيرة بالنفس.

اي والله ذكرتيني بسالفة الابلاغات
و المشكلة چانت الادارة تتخذ اجراء ع كل ابلاغ يعني تنزل موضوعك منا تجي وره دقيقتين تلكاه مغلق ههه

چانوا عبالك بدولة البعث واحد يكتب تقارير ع ثاني

بس تذكرين من چنت اگلج والله فترة و تعدي وبعد محد راح يصرف وقت ويكتب تقرير ! لان چنتي تعانين بكمية التقارير الي مالها داعي

وصار كم سنة بعد مدا نسمع بقضية فلان كتب تقرير

والله ايام حلوة كلها اكشن و بوليسية ههه

[ملكةه]

ربي يرحم الوالد ويجعل قبره روضه من رياض الجنه


مدونه جميله
متابعه

[انسان ثاني]

ربي يرحم الوالد ويجعل قبره روضه من رياض الجنه


مدونه جميله
متابعه

الله يرحم امواتج زنوبة
و تدللين ابشري تاخذين الي طلبتيه من عيوني ههههه

[Suzana]

هسة خلي نحچي عن ميزات سوزان
صديقة رائعة ، ممكن تجدها وياك في المصائب ، ما انسى موقفها ويايه طيلة فترة مرض والدي و ابتعادي عن المنتدى بقت تتواصل ويايه و تطمئن عليه ، و بعد الوفاة حاولت تواسيني و اصرت انه تنزل الخبر بالمنتدى لكن رفضت بالبداية لان ما چنت اگدر اتقبل موضوع ان اخذ عزاه و لكن جبرتني ع هل شي وما ردت ازعلها ، هذا موقف واحد ويايه و غيره اكو كثير

موقف ثاني خلي يسمع ابن الاشتر ^_*
سوزان كانت تقدم دعم مادي للحشد الشعبي من جيبها الخاص و حاولت تجمع تبرعات للمقاتلين مع انها عمرها ما ذكرت هل شيء بس موقف يحترم لأمراة كثير من الرجال ما گدروا يسوه

سوزان گلبها طيب الى درجة ممكن تطرد شخص وجهلها اهانة لكن بعد فترة تسامحه وترجعه للمنتدى ، بحجة ماتريد تخسر احد من افراد الدرر و هو اعتذر و هي قبلت الاعتذار



نجي ع عيوبها

تقريباً اكثر النساء عاطفيات ، و لكن سوزان عدها العاطفة شوي زايدة ، تتخذ قرارات خاطئة مثلا ممكن اذا حبت شخص تخلي بمكانة حقيقةً ما يستحقها ، طبعا هنا اني جاي احچي عن دورها كمديرة للمنتدى الامور الشخصية ما اريد اطرقلها ، وهل شي وگعنا بمشاكل كـ اعضاء الدرر من تجيب اشخاص ماعدهم عقلية متفتحة او متطرفين و تنطيهم سلطة يبلشون يفرضون رأيهم ع اعضاء و يدمرون الاجواء وهل شي حصل اكثر من مرة و هي تعترف بهل شي بس هم ما تتعض ^_^

اضافة لهذا ممكن تنغث من كلمات بسيطة و في بعض الاحيان تشوفها تعبر هواي شغلات ، يعني مزاجية او مثل ما يكولون (مودية) تعبر الي ع مزاجها

و هم النه رجعه ثانية لأم السوز ،،،،،،

بهذاك الوقت اتذكر جانوا الحشد ع الساتر و داعش يبعد عنهم بس النهر يعني تقريبا ١٠٠ متر وبوقتها صايمين ورمضان واللي وصلي الحجي كال ترة دناكل صمون يابس بوقتها راتبي جان مقطوع لمدة سنتين يعني مريت باهواي امور سيئة سعيت انه يرجع راتبي والحمد لله رجع وحولتله مبلغ مالي جيد اشتروا بيه طحين وتمن وزيت ومعجون وخير من الله وصورلي المشتريات ولحظات اعدادهم للفطور ،الحمد لله جانت فرصة انه الواحد يكدر يقدم شي باللي يكدر عليه.

[المستشار القانوني]

خلي ابلش اول شي اطلب من كل اصدقائي الاحبة يهدون ثواب سورة الفاتحة لـ والدي الحبيب الذي فارق هذا العالم في تاريخ 6/10/2021
















اتمنى ان لا تفجعون بحبيب او قريب و حفظ الله ابائكم و امهاتكم من كل مكروه
و يرحمهم الله ان كانوا فارقوا هذه الحياة

الله يرحمه برحمته الواسعة ويسكنه فسيح جناته ويلهم أهله الصبر والسلوان.. الفاتحة لروحه الطاهرة

[انسان ثاني]

بهذاك الوقت اتذكر جانوا الحشد ع الساتر و داعش يبعد عنهم بس النهر يعني تقريبا ١٠٠ متر وبوقتها صايمين ورمضان واللي وصلي الحجي كال ترة دناكل صمون يابس بوقتها راتبي جان مقطوع لمدة سنتين يعني مريت باهواي امور سيئة سعيت انه يرجع راتبي والحمد لله رجع وحولتله مبلغ مالي جيد اشتروا بيه طحين وتمن وزيت ومعجون وخير من الله وصورلي المشتريات ولحظات اعدادهم للفطور ،الحمد لله جانت فرصة انه الواحد يكدر يقدم شي باللي يكدر عليه.

هههه هسه يجي ابن الاشتر و يكول اول مرة اسمع بعثية و تتبرع للحشد هههه

والله و كفو منج و موقفج موقف اخت رجال والنعم منج ومن اصلج

الله يرحمه برحمته الواسعة ويسكنه فسيح جناته ويلهم أهله الصبر والسلوان.. الفاتحة لروحه الطاهرة

الله يرحم امواتك يا حبيبي
ممنون الك اخويه الغالي