حرامات وللهالمشاركة الأصلية كتبت بواسطة انسان ثاني
العملات الرقمية و النقدية
سنة 2012 ، صارت عندي كم فلس زائدة عن الحاجة و لأني مغامر بالفلوس فـ دائما احب ادخل مجالات جديدة ، رحت للأردن و سويت حساب مصرفي اگدر من خلال اتعامل ببيع وشراء الاسهم و العملات الرقمية و النقدية ، طبعاً چان هل شيء ما منتشر عدنا بالعراق ، بلشت بـ 1.000$ ، طبعاً من رجعت ياهوه يسمعني يضحك عليه انت شدسوي بروحك و هذا خبال ، اني عجبتني القضية وصرت مدمن ع تلفون نهار كله اباوع بالشاشة و اشتغل ابيع واشتري بالعملات ، چان اكو قناة اسمها العقارية نهار كلها اشوفها لان تسولف عن اخبار الاقتصاد وبلشت احلل و استنتج و ع ضوءها اشتري وابيع
اشتغلت خوش شغل ع عملة (ين) لان چانت امريكا تحاول ترفع قيمتها حتى تصير اسعار البضائع غالية من تتصدر و اليابان يحاول يخفض قيمة عملته حتى يستفادون ويصدرون اكثر ، خلال شهر تقريبا صارت فلوسي اكثر من 10.000$ بدون اي روافع اقتصادية ، بس عندي مشكلة ما اگدر ادخل هل فلوس للعراق لان مصدرهن مجهول بالنسبة لحكومتنا الذكية هع بعتبار ماعدنا قانون للتداول فـ يعتبروه غسيل اموال ، گمت اروح لعمان و اسحب كاش و اصرفهن مابقيت واحد اعرفه ما عزمته
وره فترة طمعت بالمكسب و خططت اكسب اول مليون دولار ، طبعا الطمع يعمي ، گمت اشتغل بروافع اقتصادية و سيست اموري
الروافع هي عبارة عن قرض تاخذه من شركة التداول مثلا انت عندك 10.000$ ينطون رافعة 1.000.000 ، بحيث بحيث من تشتري وتبيع يبين عندك رصيد كبير ، بس بالخسارة من تخسر فلوسك الحقيقية يسحبون كل القرض منك ، اذا ما فهمتوني يعني ما اتحمل خسائر من الشركة بس بنفس الوقت اذا ربحت راح اخذ الربح كله الي و يكون مضاعف
المهم طمعت وكمت اشتغل رافعات بالملاين ، بالبداية ربحت بس وراها امريكا گدرت ترفع الين و كلش تاذيت رجع حسابي اقل من 5.000$ كلت خلي اروح اسحبهن و استمتع بيهن افضل ما يرحن ذني هم
بهل اثناء شافني صديق اردني و سألني عن هل شغل ، شرحتله ، چانت بيتكوين هستوها بنصف طريق الانتشار ، و سعر العملة الوحدة اقل من 5$ ، هو من عائلة كلش ثرية فـ گتله يا اخي انت شخسران اشتريلك بقيمة 10.000$ و اعتبر نفسك خسرتها بگعدة قمار ، فعلا قنعته و اشترى ، اليوم الصبح تخابرنا و گعد يسولفلي لان صار سنين ما حاچين ، گلي تذكر هل موقف ! هسه صارن قيمة العملات الي انت اشتريتلياها ملاين الدولارات لو انت مشتري مثلي مو احسنلك من التسرع ^_^
قيمة الاستثمار الي بسنة 2012 خليته يشتري 2000 عملة بقيمة ما يقارب 10.000$
اليوم صار سعر العملة الوحدة 19.103$
يعني سعر 2000 عملة 38.000.000 $
طبعاً في وقت من الاوقات صارت سعر العملة الوحدة اكثر من 60.000$ بس هي كل فترة تصعد وتنزل فـ قيمة مكسب الولد اكثر من 38 اتوقع هيج و اكيد باع منهم لان گلي هسه دا يشتغل بغير عملات هم و صار هذا هو عمله الخاص بس اني انطيتكم فكرة عن تضخم الاسعار بشكل مختصر
ما ندمان لان نصحته يشتري ابداً ، بس ندمان لان سحبت حسابي بوقتها و صرفتها ع ونسة وما فكرت استثمر بـ بيتكوين علماً چانت كل المؤشرات تگول حترتفع قيمتها ، بس اكيد مو قسمتي و الله يرزق الجميع
ربي يعوض
يعني صاحبك هسه صار ملياردير
رد مع اقتباس
