هنا

[أبن الاشتر]

باسم الكربلائي و اثارة الفتنة




اني من طبعي ما احكم ولا احچي عن الحدث الا بعد ما تنتهي الضجة عليه و يتبينلي الموقف بشكل صحيح حتى لا اتندم ع تسرعي فيما بعد ، من بحثت في اصل كلمة العصابة لگيتها موجودة في حديث نبوي ورد في صحيح مُسلم

روى مسلم في صحيحه من حديث عمر بن الخطاب قال: لما كان يوم بدر نظر رسول الله - صلى الله عليه وسلم - إلى المشركين، وهم ألف، وأصحابه ثلاثمائة وتسعة عشر رجلاً، فاستقبل نبي الله - صلى الله عليه وسلم - القبلة، ثم مد يديه فجعل يهتف بربه: "اللهم أنجز لي ما وعدتني، اللهم آت ما وعدتني، اللهم إن تهلك هذه العصابة من أهل الإسلام لا تعبد في الأرض" فما زال يهتف بربه ماداً يديه، مستقبل القبلة، حتى سقط رداؤه عن منكبيه، فأتاه أبو بكر، فأخذ رداءه فألقاه على منكبيه، ثم التزمه من ورائه، وقال يا نبي الله! كفاك مناشدتك ربك، فإنه سينجز لك ما وعدك[2].. الحديث.

هنا يظهرلنه ان الرسول (ص) هو اول من استخدم كلمة عصابة وحسب بحثي عن المقصودين بهذه الكلمة لگيت يقصد الاقارب بعتبار الحرب قامت بين ابناء العم و القبيلة الي فيما بعد منهم منْ دخل الاسلام و سُمي بالصحابي ، هنا وضحتلنا فكرة العصابة و ما هو القصد منها

نجي لجانب التاريخ الحديث ، هل كان يقصد باسم نفس قصد النبي (ص) هنا ما اگدر اجزم ، احتمال ردد كلام النبي و احتمال يريد يمس الخلفاء ، هاي امور ما نگدر نجزم بيها لان قرات القصيدة وما گدرت افهم المن يقصد ، و لأنه الرسول (ص) يگول احمل اخاك المؤمن على سبعين محمل فـ راح نعبرها لباسم هل مرة

بس نجي ع نقطة كلش كلش كلش مهمة ، ليش انثارت هذه القصيدة حالياً ؟ علما هي قديمة ومحد اعارلها اهمية في وقت صدورها !

بـ اعتقادي باسم خسر جمهوره بسبب طمعه و عشقه للمال (هذا شيء مو صادم بالنسبة الي) خاصة بعد ما قرا في مجلس عمار الحكيم ، لذلك الشارع صار ينتظره ع اقل زلة

شغلة ثانية ، منو الي راح يستفيد من التفرقة ؟ سياسيين الشيعة و السُنة ، حتى يتحقق حلم المالكي و تصير مرحلة قتال وكلمن يسلح اهله و ناسه و يقاتل ، ويتحقق حلم الحلبوسي و ابو مازن و الخنجر و يصير اكو اقليم سني


الخُلاصة يا صديقي القاريء ، الموضوع لا يمي ولا يمك وما بينا احد يهتم لـ عُباد الاموال الي انذكروا فوگ ، هذا الوضع هو مكسب الهم لان يفتحلهم طرق جديدة للسرقة ، و الخسران هو علي و عمر المساكين الي انضحك عليهم قبل 15 سنة و بلعوا الطعم ، بس ابنائهم هسه حسين و حفصة كبروا و درسوا و فهموا الحياة صح و عرفوا واحدهم يكمل الثاني العائلة ما تلتم الا بوحدتهم ، حبهم لبعض وتمسكهم ببعض و وعيهم اتجاه المغرضين صار سد منيع مراح يگدر يهزه اي واحد

عيشوا اخوتي عيشوا و استمتعوا بحياتكم باسم و السياسيين يرحون فدوة الكم

حياك الله رامي
هاي طروحاتك من اي جهه تجيها مفيدة وتشكر عليها .
ياريت تستمر ان شاءالله فنكون دائما على انتظار شيء جديد.
...........
هسة انسولف وياك بهذا الفصل بس ..؟
ــــــــــــــــــــــ
اول الحكاية . يجب ان تعرف وان تأمن بأن الحياة بطبيعتها لاتهدأ من نشوئها الى يوم القيامة . وخاصتا بالعراق .؟
لاسباب عدة ونذكر منها سبب واحد .
هل يذكر نبي بالتاريخ لم يعارضه قومه وحتى منهم .ومن شدة المحاربة .واحد منهم اختفى . .؟ كلش ضاع .؟ مدري وين
يعني تكدر بعقلية بسيطة ونية صافية تقول . الله احتار بكفر مخلوقه الانسان . وماخلّص نبيه الا رفعه للسماء .
واعتقد هذة حكمة حتى نعرف بأن طبيعة الدنيا حروب وفتن ومن خلال هذة الفتن التي تخرج من دون ان تحسب لها حساب
تضطر (تتعنصر) اوتدافع عن قومك بدون مراوغة .(اقصد بصورة عامة ) والا تروح بالرجلين .؟
الحياة قال عنها ال البيت ع .
احلى مابيها من دبر نحلة ........ ابشرفك اللي حلاوته من الدبر شنو قيمته عندك .؟
فالعراق ياسيدي اختزلت الرسالة المحمدية عند ال البيت ع .بمعنى لازال النبي ينشر رسالته (واهل الغي يريدوا تسويفها)
وال البيت ع يعتبروا انهم من سكنة العراق كما يشهد الواقع . واذا اقتنعنا بهذا
معناها يبقى العراق يغلي وهنيئا لماَ كان بالمعسكر الصحيح .
فلا يغرك هذا الحجي وتعتبر من هيّع وصيّح في وجه باسم العظيم (اللي انت اتسميه صاحب فلوس لان من كربلا ) افه .من هسة تبريت من قومك .؟
يااخي اسال قرّاء .القرآن . عن الشيطان ومحادثة الرب معه .
يقول لك .انه حي الى يوم يبعثون . والله منتظره هناك . طيب اذا هدأت الدنيا واستقر العراق بالشكل الذي نتصوره .
فماهو عمل الشيطان ولماذا موعود بالنار .؟
النتيجة يارامي .
بباسم اوغيره لازم اكو فتيل وجذوة نار عليه .
.يبقى دعائنا اوتماسكنا بحبل الله .فمره تغور الفتنه ومرة تتصاعد .حسب ايماننا بالله والعراق .؟
................
هسة نرجع الى كلمة باسم رضا الله عنه .
خل اسولفك سالفة من النوع اللي يعجبك .؟ السالفة حقيقية .؟
اكو واحد رجل كبير رحمه الله .
مرة يسولف .
ايكول اكو واحد راعي ابعشيرتنا .هذا الراعي معتني بمظهره اكثر من مظهر الشيخ نفسه .ومعروف بالكشخة والنفخة .
وعندما يدخل المضيف او يمشي في مكان .
يحمل معه خنجر انكليزي (الرجل يقول يلهث)
يحمل خنجر وبندقية ومسدس .يعني شكله رهيب مهيب .
لكنه مثلي .اي سلبي .وبشكل مفضوح .
في يوم من الايام سأله الشيخ . يارجل انت تعتبر مخنث مثلي .
العيب يمشي معك من الاصل فلماذا
تحمل هذة الاسلحة معك .
أجاب (والله شيخنا شايلهن للعيله )
يعني اذا واحد تدحج بيّه (عال فيني)استخدمهن . فقال له الشيخ وماهي اخطر واكبر عيلة تفحمك .
قال له . سب عرضي مااتحمل فأستخدمهن وأقتل من سب عرضي .
.....................
الزبدة .
هذا المنافق والناعقين ورائه انه يريد ان يوقظ فتنه والا اجيبلك وانت وكل العرب ومن كل الاطياف يعرفوا هناك
موجودة يوتوبات كثير اقوى واقوى واقوى من تعبير باسم السريع .فيكذب من يبرر على انه رادود اوغيرها
كذلك هناك كتب ومن التاريخ فيها فصول اخزى واكثر مذمة لبعض من عاصر النبي ص كان مسلم عادي او قريب كصحابي .
فالهوسة اكلاوات بتعبيرنا ولها بصمة من الشيطان .وطبعا الظروف مهيأة .هيئها الشيطان منذ سنين .
فاعتقد هو وزن شعر وجاء بهذا الشكل اشدعوة .
المنافقين شايلين اسلاحهم وينتظرون العيلة .
..........
تسلم يارامي وقواك الله على هذا المتصفح الكبير والرائع والمفيد ننتظر جديدك
تحياتي




















....................

[فـرح]

صار سنين ما سامع قصيدة عجبتني لهذا الحد




الرادود ما اعرف اسمه و هذه اول قصيدة اسمعها اله كلش حبيتها

خلي نستعرض شنو الاشياء الحلوة بهل قصيدة اصدقائي

اول شي هو الجمع بين النمط النجفي (الدگة البطيئة) وهذه تعتبر من عادات و قيم المجالس النجفية ، مع مزجها بالطريقة الشيرازية او الكربلائية (السريعة) ، هذا بالنسبة للبناء الهيكلي للقصيدة اتوقع ترضي الذوقين

موضوع القصيدة ، اتوقع اول مرة اسمع قصيدة حسينية تتناول موضوع المواكب على طول طريق كربلاء ، وسلطت الضوء على كرم الضيافة للعراقين ، موضوع قليل الي تطرقوله علماً ممكن تنكتب عنه هواي قصائد تصف هذه الملحمة بالتضحية في الاموال و الجهود لمن ضحى بنفسه من اجل احقاق الحق

كذلك تناولت القصيدة موضوع مهم ، ذكرت كل الطوائف و المذاهب المتواجدة في العراق و وصفت حزنهم على الحسين و ما خصصت هذا الحزن للشيعة فقط ، بل اظهرت ان الحسين للأنسانية دون تخصيص

كذلك نقطة مهمة ان القاريء كان يركز على مخارج الحروف و كتبت الترجمة حتى توصل لـ اكثر شريحة ممكنه عدها فضول تسمع عن قضية كربلاء ، اضافة لنقطة طريقة الالقاء العاطفية تارة و الحماسية تارة آخرى

وهم نقطة في نظري اكد عليها الكاتب و حتى القاريء هي نبذ الطائفية و المساس بـ رموز المذاهب الاخرى ، القصيدة كانت للعراق كله اولاً و للانسانية كلها ثانياً

اني اشوف هاي من القصائد القلائل (حديثا) تمتلك الكمال لتروي لمن لا يعرف قضية الحسين ، لماذا ضحى بنفسه و ماذا يقدم الشعب العراقي لضيوفه القاصدين لزيارة ابى الاحرار


ختاماً اليوم يصادف موعد اربعينية سيد شهداء اهل الجنة ، الامام الحسين ابن علي بن ابي طالب عليها السلام ، عظم الله اجوركم في ذكرى اربعينه و جعلنا و اياكم من الثابتين على طريقه و طريق جده

تخبل

[انسان ثاني]

اعترفلك بشي . احسدك على خلڪك و تڪعد تكتب هالڪد بالفون متدوخ .؟! بس بڪد خلڪك عندي فظول اقرا شنو تكتب ... رأيك بهذه القصيده نفس رأيي و الرادود اسمه حيدر البياتي اتوقع اغلب قصائده بهذا النمط ...

و عظم الله اجوركم بذكرى اربعين سيد الشهداء "ع"

درر الوردة
نورتيني صديقتي

حياك الله رامي
هاي طروحاتك من اي جهه تجيها مفيدة وتشكر عليها .
ياريت تستمر ان شاءالله فنكون دائما على انتظار شيء جديد.
...........
هسة انسولف وياك بهذا الفصل بس ..؟
ــــــــــــــــــــــ
اول الحكاية . يجب ان تعرف وان تأمن بأن الحياة بطبيعتها لاتهدأ من نشوئها الى يوم القيامة . وخاصتا بالعراق .؟
لاسباب عدة ونذكر منها سبب واحد .
هل يذكر نبي بالتاريخ لم يعارضه قومه وحتى منهم .ومن شدة المحاربة .واحد منهم اختفى . .؟ كلش ضاع .؟ مدري وين
يعني تكدر بعقلية بسيطة ونية صافية تقول . الله احتار بكفر مخلوقه الانسان . وماخلّص نبيه الا رفعه للسماء .
واعتقد هذة حكمة حتى نعرف بأن طبيعة الدنيا حروب وفتن ومن خلال هذة الفتن التي تخرج من دون ان تحسب لها حساب
تضطر (تتعنصر) اوتدافع عن قومك بدون مراوغة .(اقصد بصورة عامة ) والا تروح بالرجلين .؟
الحياة قال عنها ال البيت ع .
احلى مابيها من دبر نحلة ........ ابشرفك اللي حلاوته من الدبر شنو قيمته عندك .؟
فالعراق ياسيدي اختزلت الرسالة المحمدية عند ال البيت ع .بمعنى لازال النبي ينشر رسالته (واهل الغي يريدوا تسويفها)
وال البيت ع يعتبروا انهم من سكنة العراق كما يشهد الواقع . واذا اقتنعنا بهذا
معناها يبقى العراق يغلي وهنيئا لماَ كان بالمعسكر الصحيح .
فلا يغرك هذا الحجي وتعتبر من هيّع وصيّح في وجه باسم العظيم (اللي انت اتسميه صاحب فلوس لان من كربلا ) افه .من هسة تبريت من قومك .؟
يااخي اسال قرّاء .القرآن . عن الشيطان ومحادثة الرب معه .
يقول لك .انه حي الى يوم يبعثون . والله منتظره هناك . طيب اذا هدأت الدنيا واستقر العراق بالشكل الذي نتصوره .
فماهو عمل الشيطان ولماذا موعود بالنار .؟
النتيجة يارامي .
بباسم اوغيره لازم اكو فتيل وجذوة نار عليه .
.يبقى دعائنا اوتماسكنا بحبل الله .فمره تغور الفتنه ومرة تتصاعد .حسب ايماننا بالله والعراق .؟
................
هسة نرجع الى كلمة باسم رضا الله عنه .
خل اسولفك سالفة من النوع اللي يعجبك .؟ السالفة حقيقية .؟
اكو واحد رجل كبير رحمه الله .
مرة يسولف .
ايكول اكو واحد راعي ابعشيرتنا .هذا الراعي معتني بمظهره اكثر من مظهر الشيخ نفسه .ومعروف بالكشخة والنفخة .
وعندما يدخل المضيف او يمشي في مكان .
يحمل معه خنجر انكليزي (الرجل يقول يلهث)
يحمل خنجر وبندقية ومسدس .يعني شكله رهيب مهيب .
لكنه مثلي .اي سلبي .وبشكل مفضوح .
في يوم من الايام سأله الشيخ . يارجل انت تعتبر مخنث مثلي .
العيب يمشي معك من الاصل فلماذا
تحمل هذة الاسلحة معك .
أجاب (والله شيخنا شايلهن للعيله )
يعني اذا واحد تدحج بيّه (عال فيني)استخدمهن . فقال له الشيخ وماهي اخطر واكبر عيلة تفحمك .
قال له . سب عرضي مااتحمل فأستخدمهن وأقتل من سب عرضي .
.....................
الزبدة .
هذا المنافق والناعقين ورائه انه يريد ان يوقظ فتنه والا اجيبلك وانت وكل العرب ومن كل الاطياف يعرفوا هناك
موجودة يوتوبات كثير اقوى واقوى واقوى من تعبير باسم السريع .فيكذب من يبرر على انه رادود اوغيرها
كذلك هناك كتب ومن التاريخ فيها فصول اخزى واكثر مذمة لبعض من عاصر النبي ص كان مسلم عادي او قريب كصحابي .
فالهوسة اكلاوات بتعبيرنا ولها بصمة من الشيطان .وطبعا الظروف مهيأة .هيئها الشيطان منذ سنين .
فاعتقد هو وزن شعر وجاء بهذا الشكل اشدعوة .
المنافقين شايلين اسلاحهم وينتظرون العيلة .
..........
تسلم يارامي وقواك الله على هذا المتصفح الكبير والرائع والمفيد ننتظر جديدك
تحياتي




















....................

انت ظلمتني بشيء ، اني انتقد باسم مو لان ما احبه بعتباره كربلائي ، لا باسم اني من قبل احب صوته و اسمعله قصائد لكن هو شخصيا ما احبه ، بطبيعتي اكره الطماع و باسم اي واحد يعرفه عن قرب راح ينبذ بي هذه الصفة ، بداية من قصة زواجة وصولاً الى الاجور (الي يطلبها) ع مجالس

اما بقية كلامك اتفق بي وياك حجينا

تخبل

انتِ الي تخبلين

[أبن الاشتر]

درر الوردة
نورتيني صديقتي

انت ظلمتني بشيء ، اني انتقد باسم مو لان ما احبه بعتباره كربلائي ، لا باسم اني من قبل احب صوته و اسمعله قصائد لكن هو شخصيا ما احبه ، بطبيعتي اكره الطماع و باسم اي واحد يعرفه عن قرب راح ينبذ بي هذه الصفة ، بداية من قصة زواجة وصولاً الى الاجور (الي يطلبها) ع مجالس

اما بقية كلامك اتفق بي وياك حجينا

انتِ الي تخبلين

لا كفانا الله شر الظلم .
بس انا قياسي على من اطلق الدعايات على ملة باسم .
اعرف منهم واستطيع ان اشير عليهم واعرف من سايرهم .
لانه نكدر انا وانت نحسبها بالعقل .
احنه بالذهن عدنا كل من يدعي الى الله يفترض ان يكون غير متخم بالمال . هذا متفق عليه .
ونعرف ان باسم لم يصل درجة مرجع مثلا او مفروض عليه يكفل ايتام مثل رئيس حكومة او مرجع كبير .
كذلك نعرف الاختلافات بين النفوس . مثلا واحد سيد ومحترم وابن اصول ..... لكن يشرب خمر .
فنحترمه على طيبته وباقي المواصفات .اشعلينه بيه يشرب او لا ..فلما يسكر ويعربد بالشارع انحاسبه .يشرب وينام
هو وربه .
......
واحد عنده المام وقدرة بالقراءة على المنبر وهو صادق النية .. لكن يحب كثرة الاموال ... اشلون يعني .انطرده من المنبر لانه يحب الفلوس .
فباسم ما من حقنا انا وانت نكرهه اونعاديه لانه يجمع فلوس .هاي شغلة حسد في رأيي .؟
ثم شمعنى المثلي ومثلك نوبة (ندك ام كلثوم ونوبة نسمع قرآن) نرفضه لهذة الحالة .
وهو لااتجاه ولاميول عنده غير الهتاف باسم الحسين عليه .
خليه يساوم هذة حسنة اوسيئة تعود له وعليه .
بعد وحده نسيتها .
يعني كاظم الساهر ابد مايوم حسبنا وراه .راح اتكول هذا مطرب يمتهن لغة الكواولة وهذا رادود يمتهن لغة ال البيت ع
فلازم مايساوم .
والصراحة انا سمعت منه شخصيا مستحيل يساوم . هم اهل العزى ينطوه ويأخذ الرجل .
الزبدة من تهمتي . هاي التهمة لازكة ويانا انت تاهمني مستفيد من رفحا وانه متهمك ماتحب الكربلائي ورطة .
هههههههه
اولا عندي سالفة بهاي العنصرية النجفية والكربلائية المقدستين . ناسهم خو مو الاضرحه استغفر الله .
فسالفتي من الاخير .
عندي اقارب من اهل النجف واسمع منهم دائما يقارنون أي رادود نجفي افضل من باسم ولما اعمق معهم اهجسها مجرد
تعنصر بس .؟
فقست على هذا والصراحة كلامي مو طمغة وكله صحيح مجرد تهميش من هنا ومن هناك .
استمر بموضوعك ترى الجميع متابع .
لاتتقاعس واجاك اعتقد موضوع جديد وهو العلاقة الاجتماعية الظاهرة مابين النجف وكربلاء .
بس ها دير بالك ترى نقرا وراك الموضوع حساس .؟

[انسان ثاني]

ههههه حجينا اني باسم اعرفه معرفة شخصية و اعرف قضية طلبه للمال مقابل اقامة العزاء يعني صدگني ما افتري عليه

خلافي وياه و مع امثاله انه يطلق ع نفسه لقب خادم الحسين ، شو اني اجدادي كلهم خدام الحسين ماطلبوا شيء من احد ! ، قصيدة ياحسين بضمايرنا لـ الشاعر عبد الرسول وهو ابن عم جدي اشگد اشتهرت بس ما فد يوم لا هو ولا ورثته طالبوا بحقوق !

باسم لو يگول انا رادود حسيني و بسسسس راح احترمه بس من يگول خادم للحسين و يطلب من موكب البصرة 30.000 $ مقابل القراءة هذا ما يتسمى خادم للحسين صار حاله حال كاظم الساهر ^__^

اما قضية اهل النجف يقارنون بـ باسم ، انت غلطان لان اهل النجف اصلاً يشوفون الطريقة الشيرازية هي اقرب للاغاني لان كلها لحن و ايقاعات (يسموها دگ ورگص) ، الثقافة النجفية يحبون الثگل بالقراءة

و للعلم اني اشوف قراءة وطن و شيخ ياسين الرميثي مزعجة شگد ما بطيئة

اما قضية العنصرية ، اهل النجف عنصريين مو بس ويا الكربلائيين ، اذا انفتح موضوع بهل خصوص راح اكتب بشكل اوسع (بس تره اني مو مثلهم)

[وسـام]

ذكرتني بيك انت هم كبرجوازي من الطبقة المخملية

[انسان ثاني]

ذكرتني بيك انت هم كبرجوازي من الطبقة المخملية

هذا الي يوازيك ع ان تكتب عن عنصرية النجفيين هههه

خل اروح اكتب و ارجع

[انسان ثاني]

العنصرية في المجتمع النجفي





مدينة النجف الاشرف هي من المُدن الحديثة اذا قارناها بتاريخ العراق ، اما ربط النجف في الكوفة و هو الحاصل في اذهان الكثير فهو ربط خاطئ ، الكوفة اقدم من النجف ، اسلاميا الكوفة هي عاصمة الدولة في عهد الامام علي ، اما النجف هي عبارة عن صحراء ، و شُيدت بسبب دفن الامام علي بها ، و اسباب دفنه في النجف يُقال كان خوفاً من الامام الحسن على جثمان ابيه و حرصاً على عدم نبش قبره من الخوارج لذلك اختار مكان بعيد عن الكوفة و اختاره ضريحا لـ امير المؤمنين

بقت صحراء قاحلة لعشرات او مئات السنين و بعدها شُيدت المدينة القديمة (داخل السور) و بلشت بالتوسع في اواخر خمسينات القرن الماضي و اول الاحياء الي وزعت هي الحنانة و حي السعد

بـ اعتبار النجف عاصمة و مركز للفكر الشيعي تعودت منذ القدم على استقبال الطلبة ، لذلك كان يسكنها عدد كبير من المواطنين و الاجانب الي ما ينتمون للنجف بـ أسرهم ، من ذاك الوقت بلشت عنصرية النجفين من يريد يتزوح او يزوج بنته اول شيء يسال عن اصل الاسرة ، مشهدية لو لا (المشهدي تعني ابن المدينة القديمة اب عن جد)

اما قضية التراث الاسري ، النجف ذات طابع مدني صرف ، مابيها عشائر و قبائل ، يعتبرون الكلام بالعشائر هو تخلف و رجعية ، لذلك في النجف يتسمون ع اسماء اسرهم او اسماء مهنهم ، مثلا آل الصائغ آل الصدر آل الحكيم...... الخ ، هذه كلها اسماء اسر نجفية وليست عشائر ممتدة في محافظات الجنوب

نجي ع جانب الاقتصادي ، اغلب مجتمع النجف يعملون بالتجارة و كانوا يستهينون بالشخص اذا يعمل في وظيفة حكومية ، هذا الفكر بلش ينتشر خاصة بعد فترة تاميم النفط العراقي بعتبار زادت ثروات النجفيين

ليش النجفيين زادت ثرواتهم و صاروا من اغنياء العراق ؟ بـ بساطة لان اهل النجف قليلين كلش مقارنة بـ باقي المدن ، اقل من مليون نسمة بكثير ، و النجف عبارة عن منجم ذهب للصناعات مثل استخراج النفط و الرمل و الاسمنت و غيرها ، لذلك توزعت هذه الثروات على تجار النجف و ظهرت هذه الطبقة من الاغنياء ، اصحاب المصانع و رؤوس الاموال

اما قضية وجود الحوزة الدينية ، چانت مصدر دعم للنجفي يعتبر نفسه متميز عن غيره لانه يملك مركز التشيع ، النجفي ما ينظر للمرجع بقدسية مثل باقي المدن وانما يعتبر المرجع شخص عادي يعمل في مؤسسة (الحوزة العلمية) و يروح مرجع يجي غيره المهم الحوزة هي الباقية ، بمعنى النجفي في حياته اليومية يعاشر المراجع و يشوف اسرهم و يعرف تفاصيل حياتهم بشكل دقيق فـ تروح منه هاي الرهبة من شخص يشوف مرجع عن بعد


اما قضية العنصرية ، بلشت مع (المعدان) ، النجفي من يريد يسخر على شخص يسميه معيدي (مُعادي للتحضر) واي شخص يتكلم بالعشائر يسموه هذا معيدي بمعنى ما عرف يتحضر ويعيش مثل المجتمع المدني ، بعدها تطورت القضية واصبحت مادية ، يعني النجفي ما يحب يفيد غيره بالاموال ، يگلك اني اشارك بس النجفي ما اريد ادخل غريب ، مو لانه بخيل وانما يشوف نفسه (كـ نجفي) احسن من غيره

وصل الحد انه النجفي ينظر للكوفي (اهل الكوفة) ع انهم معدان و اقل منه بالطبقة الاجتماعية ، بحيث لحد الان اسر النجف ما تحب تناسب اهل الكوفة ، و امتدت هذه العنصرية و الطبقية لباقي المحافظات ، وصلت الى كربلاء بعتبار كربلاء كذلك بيها حوزة علمية ، اهل النجف يشوفون كربلاء اقل منهم منزلة لان النجف هي الاصل و كربلاء تابع الهم

وامتد الامر الى ايران بعتبار ايران تريد تسيطر ع عالم الشيعي ، بينما النجف تگلك اني مصدر التشيع و علماء ايران تخرجوا من حوزتي يعني همه تابعين الي

اهل النجف اكثر المجتمعات الي تطبق مقولة ناصر اخاك ظالماً او مظلوماً ، يعني بيناتهم اكو خلافات و انطي مثال خلافهم مع محمد محمد صادق الصدر ، اكثر النجفين مايعترفون بمرجعيته وانما شعبيته ظهرت في الكوفة و كان يطلقون عليه اهل النجف (مرجع المعدان) ، بس من ابنه مقتدى الصدر حاولت تعتقله امريكا في حرب النجف ، حتى الي يكره مقتدى وقف معاه نصراً لـ ابن مدينتهم ، و كان تعليلهم للموضوع هذا ابن ولاية و الي يمسه معناها يمس المشاهدة (اهل المدينة القديمة) ، لذلك معروف عن مجتمع النجف ما ينطي بـ ابناءه امام الغرباء ، و يجمد اي خلاف شخصي اذا حس انه هذا الخلاف راح يسبب فتنة داخل مجتمعه

مشكلة العنصرية راح تجدها بكل الاجيال ، اني شخصياً لمستها بكثرة في اسلوب جدي رحمه الله و اقل منه والدي رحمه الله و بقية اعمامي ، و لمست شيء مهم انه النجفي يبقى يحمل موروثاته وياه وين ما سكن ، يعني مثلا جدي غادر النجف منذ الثمامينات الى خارج العراق و والدي منذ بداية السبعينات سكن بغداد ، بس بقى عدهم هذا العرگ النجفي الي يطلع عدهم في حالة العصبية


بالنهاية حتى الخص الموضوع ، النجفي يشوف نفسه قوي لانه يمتلك القوة الدينية و الاقتصادية ، و حاليا دا يصير شيء جديد يروج اله خفية وهو سحب القوة السياسية و وضعها في النجف ، لو تلاحظون حاليا الاعلام ما يذكر اسم مقتدى الصدر في الخلافات السياسية بل يذكر اسم (بيان صادر من الحنانة) ، و اني كـ نجفي دا اشوف انه اكو مساعي لاعادة تجربة تكريت المدينة الصغيرة الي حكمت العراق ، و محاولة جعل النجف هي الحاكم الجديد


رأيي الشخصي بعتباري نجفي ، احيانا اجد مبرراتهم مقنعة من يگول هذا شخص ما يفقه شيء و اصلا ما اريد اناقشه لانه راح يعتقد بنقاشي معه انه هو يفتهم بس احيان اخرى و هي الاكثر اشوف اكو مبالغات و هذا شيء منبوذ مجتمعياً ، اعتقد اني ما احمل هاي الصفات الي تنطبق ع المجتمع النجفي (التكبر و الغرور و العنصرية و الطبقية) بل انبذ هيج صفات و اتمنى تبقى النجف هي القلب الذي يسع كل الانسانية بعيداً عن التطرف و التحزب

[أبن الاشتر]

احسنت
اهل مكة ادرى بشعوبها .
هذا الموضوع سوف يندرج بعقل القارء كتاريخ مختصر للنجف الاشرف .
واذا دخل نجفي اوكربلائي وخالفه فلااعتقد ينفيه كليا جائز فقط الهيبة الدينية مابينهم
وهذا يستحق الواحد يفتخر به حتى اذا مو من اهل النجف (معيدي مثلا)
شكرا لك ولطرحك الرائع
............
اكو شغلة اموت عليها عند النجفي من يحسب من الواحد للعشرين .
بس يوصل .اهدعش ينقلب بلبل عند مسامعي .

[أبن الاشتر]

هاك رامي راح اقلد عليك بالكتابة .
اهدعيييييييش اثنعيــــــــــــــــــــ ـــــــــــــــــــــــــ ـــــــــــــــــــــــــ ش