هنا

[أبن الاشتر]

شوف قضية الكهرباء الحمدلله محلولة تقريباً من 2015 و احنه كهربائنا الوطنية 24 ساعة ما تنطفى الا بحالات العطلات
الله يچرم سولنياها نظام الخصخصة اذا سامع بي يعني يصير اسعارها اغلى من الاسعار الحكومية بس المهم كهرباء وطنية وما تنطفي

اما قضية الطفرة فـ ما اتوقع اكو عراقي سامحتله فرصة للشردة وما شرد ، بعدين اني اشوف نفسي ذو قيمة كبيرة وميصير نكون اني و واحد من حزب الدعوة لو اي حزب حالي بنفس الكفة او نملك نفس ميزة المواطنة لان كلهم ادنى مني

ع عموم شگد تاخذ (اكثر ما اخذت من فلوس نفطاتنا) و تسويلي لجوء وياك حتى اجي يمك و نبقى نتناقش بسالفة حزب الدعوة ؟

بس ع شرط النقاشات بس الظهرية ، بليل كون تعزمني بالديسكوات و اذا جبت طاري ربعك نخرب ، اني رجال ابو مزاج تسولفلي بالمالكي لو برفحاء حتى نفسي تنسد

الديسكوات صارت مال عيال كبرنا عليها وفقدت قيمتها .
اعزمك على مكانات تاريخية لم يخطر على بالك الوقوف عليها .
هاي انتهت .
اما سالفة حزب الدعوة والمالكي اعرف ليش تسد نفسك منهم .
واحد من طوريج والثاني مثالي .
هاي ماتمشي لازم الا من محافظتنا .لو بسيط .
فلا تهتم لااسلوفك بالمثالي ولااجيب طاري اطوريج .وهاي العلة .....؟
اسلوفلك على الدورة وتكريت واريح اعصابك وافتح نفسك لان تكون ضيفي
والضيف امير يحل على المضيّف .
تعال واشبعك من ابو الحصان والعصى .

[↫روشة.•]

الزوار صارو كثار شقد موضوعك قيم يله حسدتك

[↫روشة.•]

المثلية الجنسية او الشذوذ ، مجتمع الميم




موضوع كلش مهم و راح نشوفه بكثرة في الايام القادمة لأن اكو توجه اعلامي و اقتصادي و فني عدى السياسي لدعم هذه الفئة من المجتمع ، بس خلي ناخذ الموضوع من بداية ظهوره تأريخياً ، طبعاً ما عدنا ادلة تاريخية على وجود الشذوذ سابقاً غير من القصص الدينية الي ذكرت قوم سدوم الي ترجع قصتهم لـ ما يقارب 2000 سنة ق.م ، مكان تواجدهم في الاردن و بعث الله اليهم النبي لوط عليه السلام ، اعتقد هذه هي اقدم قصص الشذوذ وما يحتاج اسولف عن قوم لوط لأن كلكم تعرفوها

نجي للعصر الحديث و منين بلشت تنتشر فكرة دعم مجتمع الميم ؟

بلشت بالثمانينات من امستردام من تظاهروا مجموعة من الشواذ و بعدين الحكومة اعترفت بيهم ، انتقلت العدوى الى شواذ باريس و كذلك صار اعتراف بيهم ، بعدها الى امريكا و كذلك تم الاعتراف بيهم ، بعد دعم الحكومات بلشت الشركات العالمية تتقرب من هذا المجتمع لغرض استهداف شريحة جديدة و في نفس الوقت لأظهار انهم داعمين الاقليات (حقوق انسان وكذا)

بنهاية الثمانينات ظهر كتاب اسمه (آفتر بول) بعد الكرة للكاتب الامريكي الطبيب النفسي مارشال كيرك و يعتبر هو اول كتاب روج للمثلية و طلب من المجتمع تقبلها بعتبارها لا تصنف كـ مرض و انما طبيعة فطرية و احتوى هذا الكتاب ع اسس تم العمل عليها لاحقاً ، من هذه الاسس الي روج الها

صدمة المجتمع و التكلم بشكل عالي عن هذه الظاهرة كي تجابه فكرة الخوف من الكلام بـ هذه المواضيع و جعل الامور تتطبع في ذهنية الفرد


تصوير المثلية على انهم ضحايا للعنصرية و الكره المجتمعي ، وعدم احترام ميولهم و التدخل في حياتهم الخاصة

تبرير المثلية طبياً ، من خلال ارساء معلومات تنفي ان الشذوذ مرص نفسي و اجبار المجتمع على تقبلها بشكل طبيعي و يجب حمايتهم من خلال سن القوانين

تحسين صورة المثليين من خلال الترويج للشخصيات المثلية المشهورة و بذلك راح تثبت ان المثلي شخص طبيعي و مبدع في حياته و ممكن يكون فنان ناجح او سياسي او رجل اعمال

اظهار اعداء المثلية بصورة التخلف و العنصرية و العقول المتحجرة الي ترفض ان تواكب تطور المنظومة المجتمعية

الترويج المكثف من خلال الدعايات و الاعلانات عن فكرة المثلية بشكل مستمر حتى يبلش يصير واقع حال گدام الجميع


اعتقد كل الي انذكر بهذا الكتاب تحقق حالياً و تگدر تشوفه بشكل ملموس ، نتفلكس و دزني و هواي شركات بلشت تخلي دعم المثلية في اولوية نتاجاتها

اني كـ شخص اعشق كرة القدم و اتابع اقوى دوري لكرة القدم في اوربا الي هو بريمرليغ (الدوري الانگليزي) گاموا يفرضون عليه ان اشوف اعلام الميم من خلال اجبار اللاعبين على ارتداء اعلامهم و تخصيص جولة كاملة من ضمن الجولات الـ 38 لدعم هذا المجتمع ، و كلنه شفنا الموسم الراح المشكلة الي صارت للاعب المسلم ادريسا غايا غي لاعب باريس سانت جيرمان من قدم اعتذار عن لعب مباراة في الدوري الفرنسي و كان السبب المعلن انه مريض ، لكن بعدها صارت هجمة عالمية عليه و تم التحقيق معه من قبل الاتحاد الفرنسي بتهمة معاداة المثلية ! بس لانه رفض ان يلعب حتى لا يرتدي علمهم !

هنا بالدرر بيوم من الايام تعرفت على شخص كان طبيعي في باديء الامر ولكن بلشت الاحظ تصرفات غريبة منه و بلشت اشك ، الى ان كتب في احد المواضيع انه من مجتمع (ريمبو العراق) طبعاً الاغلب ما فهموها بس الريمبو يعني علم قوس القزح (رمز المثلية) و بعدها بلش يصرح انه مثلي و يريدنا نتقبله بشكل طبيعي ! ، طبعا ما صرفلي الحچي و سمعته كلام و زعل وما ادري وين اختفى


الي اريد اگوله بالنهاية ، اني من حقي ان ارفض او اقبل اي شيء في حياتي ، مادام انا امثل الاغلبية (السليمة) ولا تطلب مني تقبل هذه الظاهرة المقرفة ، اتركك من الدين هسه مو الكل متدينين بس القضية نفسية يا اخي شون اقبل هيچ اشخاص ممكن يلوثون عقل اطفالي مستقبلاً ! لو كان الموضوع مو مرض نفسي و فعلاً فطري لعد ليش كل المجتمعات ع مر العصور رفضته ! ، لا تگلي انت رجعي و متخلف و تفرض هيمنتك و لازم تتقبلهم ، ماكو شيء اسمه لازم و اذا اكو فـ انا هم اگول لازم نزيلهم من المجتمع ليش حلال الك و حرام عليه !

الشذوذ آفة اذا ما حصنا اجيالنا القادمة منها راح تخرب كل المعايير و القيم الاخلاقية ، و خلي الانفتاح و التسامح يفيدكم ......

حجيت الي بقلبي عاشت يدك

[انسان ثاني]

الديسكوات صارت مال عيال كبرنا عليها وفقدت قيمتها .
اعزمك على مكانات تاريخية لم يخطر على بالك الوقوف عليها .
هاي انتهت .
اما سالفة حزب الدعوة والمالكي اعرف ليش تسد نفسك منهم .
واحد من طوريج والثاني مثالي .
هاي ماتمشي لازم الا من محافظتنا .لو بسيط .
فلا تهتم لااسلوفك بالمثالي ولااجيب طاري اطوريج .وهاي العلة .....؟
اسلوفلك على الدورة وتكريت واريح اعصابك وافتح نفسك لان تكون ضيفي
والضيف امير يحل على المضيّف .
تعال واشبعك من ابو الحصان والعصى .

لا شوف المكانات التاريخية وقتها صباحاً اما النقاشات الظهر
بس تدري عندك حق احنه اهل النجف من اكثر المدن الي تتعامل بعنصرية و طبقية ، و اكيد تعرف عدنا عداء تاريخي ويا اهل كربلاء واحد ما يرتاح للثاني ، ايجوز جزء من كرهي للمالكي انه كربلائي وهل شيء موروث بسبب العادات الي ورثناها

و بعتبارك طلعت كريم و هيچ تعزم لعد خوية افتحلنه ميز مشكل يا لوز و احفظ لمكة هيبتها ، بربك هيج گعدات مو احسن من سوالفك ع وقت الحصار ؟

بس اني اخاف منك بشغلة ، مشكلة ابو عكازة من تشربه تطلب وياك حنية خاف بثاني بيك و ترجع تذكر ايام المعتقل و نگضيها بچي وچنك يابو زيد ما غزيت

الزوار صارو كثار شقد موضوعك قيم يله حسدتك

گدامج الموضوع و صاحبه

حجيت الي بقلبي عاشت يدك

الگلوب سواجي

[أبن الاشتر]

لا شوف المكانات التاريخية وقتها صباحاً اما النقاشات الظهر
بس تدري عندك حق احنه اهل النجف من اكثر المدن الي تتعامل بعنصرية و طبقية ، و اكيد تعرف عدنا عداء تاريخي ويا اهل كربلاء واحد ما يرتاح للثاني ، ايجوز جزء من كرهي للمالكي انه كربلائي وهل شيء موروث بسبب العادات الي ورثناها

و بعتبارك طلعت كريم و هيچ تعزم لعد خوية افتحلنه ميز مشكل يا لوز و احفظ لمكة هيبتها ، بربك هيج گعدات مو احسن من سوالفك ع وقت الحصار ؟

بس اني اخاف منك بشغلة ، مشكلة ابو عكازة من تشربه تطلب وياك حنية خاف بثاني بيك و ترجع تذكر ايام المعتقل و نگضيها بچي وچنك يابو زيد ما غزيت

گدامج الموضوع و صاحبه

الگلوب سواجي

عمي هاي اذني الك
طلعت امجرب وحكيم بنفس الوقت وجنك اتشوف الصورة .
وحكَ ربك اذا ذكرت شيء ابذيج الساعة اكلبها مناحة .
هههههههههه

[↫روشة.•]

لا شوف المكانات التاريخية وقتها صباحاً اما النقاشات الظهر
بس تدري عندك حق احنه اهل النجف من اكثر المدن الي تتعامل بعنصرية و طبقية ، و اكيد تعرف عدنا عداء تاريخي ويا اهل كربلاء واحد ما يرتاح للثاني ، ايجوز جزء من كرهي للمالكي انه كربلائي وهل شيء موروث بسبب العادات الي ورثناها

و بعتبارك طلعت كريم و هيچ تعزم لعد خوية افتحلنه ميز مشكل يا لوز و احفظ لمكة هيبتها ، بربك هيج گعدات مو احسن من سوالفك ع وقت الحصار ؟

بس اني اخاف منك بشغلة ، مشكلة ابو عكازة من تشربه تطلب وياك حنية خاف بثاني بيك و ترجع تذكر ايام المعتقل و نگضيها بچي وچنك يابو زيد ما غزيت

گدامج الموضوع و صاحبه

الگلوب سواجي

لا هيج اني خجلت فدوة خجلتني بكرمك

[انسان ثاني]

باسم الكربلائي و اثارة الفتنة




اني من طبعي ما احكم ولا احچي عن الحدث الا بعد ما تنتهي الضجة عليه و يتبينلي الموقف بشكل صحيح حتى لا اتندم ع تسرعي فيما بعد ، من بحثت في اصل كلمة العصابة لگيتها موجودة في حديث نبوي ورد في صحيح مُسلم

روى مسلم في صحيحه من حديث عمر بن الخطاب قال: لما كان يوم بدر نظر رسول الله - صلى الله عليه وسلم - إلى المشركين، وهم ألف، وأصحابه ثلاثمائة وتسعة عشر رجلاً، فاستقبل نبي الله - صلى الله عليه وسلم - القبلة، ثم مد يديه فجعل يهتف بربه: "اللهم أنجز لي ما وعدتني، اللهم آت ما وعدتني، اللهم إن تهلك هذه العصابة من أهل الإسلام لا تعبد في الأرض" فما زال يهتف بربه ماداً يديه، مستقبل القبلة، حتى سقط رداؤه عن منكبيه، فأتاه أبو بكر، فأخذ رداءه فألقاه على منكبيه، ثم التزمه من ورائه، وقال يا نبي الله! كفاك مناشدتك ربك، فإنه سينجز لك ما وعدك[2].. الحديث.

هنا يظهرلنه ان الرسول (ص) هو اول من استخدم كلمة عصابة وحسب بحثي عن المقصودين بهذه الكلمة لگيت يقصد الاقارب بعتبار الحرب قامت بين ابناء العم و القبيلة الي فيما بعد منهم منْ دخل الاسلام و سُمي بالصحابي ، هنا وضحتلنا فكرة العصابة و ما هو القصد منها

نجي لجانب التاريخ الحديث ، هل كان يقصد باسم نفس قصد النبي (ص) هنا ما اگدر اجزم ، احتمال ردد كلام النبي و احتمال يريد يمس الخلفاء ، هاي امور ما نگدر نجزم بيها لان قرات القصيدة وما گدرت افهم المن يقصد ، و لأنه الرسول (ص) يگول احمل اخاك المؤمن على سبعين محمل فـ راح نعبرها لباسم هل مرة

بس نجي ع نقطة كلش كلش كلش مهمة ، ليش انثارت هذه القصيدة حالياً ؟ علما هي قديمة ومحد اعارلها اهمية في وقت صدورها !

بـ اعتقادي باسم خسر جمهوره بسبب طمعه و عشقه للمال (هذا شيء مو صادم بالنسبة الي) خاصة بعد ما قرا في مجلس عمار الحكيم ، لذلك الشارع صار ينتظره ع اقل زلة

شغلة ثانية ، منو الي راح يستفيد من التفرقة ؟ سياسيين الشيعة و السُنة ، حتى يتحقق حلم المالكي و تصير مرحلة قتال وكلمن يسلح اهله و ناسه و يقاتل ، ويتحقق حلم الحلبوسي و ابو مازن و الخنجر و يصير اكو اقليم سني


الخُلاصة يا صديقي القاريء ، الموضوع لا يمي ولا يمك وما بينا احد يهتم لـ عُباد الاموال الي انذكروا فوگ ، هذا الوضع هو مكسب الهم لان يفتحلهم طرق جديدة للسرقة ، و الخسران هو علي و عمر المساكين الي انضحك عليهم قبل 15 سنة و بلعوا الطعم ، بس ابنائهم هسه حسين و حفصة كبروا و درسوا و فهموا الحياة صح و عرفوا واحدهم يكمل الثاني العائلة ما تلتم الا بوحدتهم ، حبهم لبعض وتمسكهم ببعض و وعيهم اتجاه المغرضين صار سد منيع مراح يگدر يهزه اي واحد

عيشوا اخوتي عيشوا و استمتعوا بحياتكم باسم و السياسيين يرحون فدوة الكم

[majeed_k_g]

باسم الكربلائي و اثارة الفتنة




اني من طبعي ما احكم ولا احچي عن الحدث الا بعد ما تنتهي الضجة عليه و يتبينلي الموقف بشكل صحيح حتى لا اتندم ع تسرعي فيما بعد ، من بحثت في اصل كلمة العصابة لگيتها موجودة في حديث نبوي ورد في صحيح مُسلم

روى مسلم في صحيحه من حديث عمر بن الخطاب قال: لما كان يوم بدر نظر رسول الله - صلى الله عليه وسلم - إلى المشركين، وهم ألف، وأصحابه ثلاثمائة وتسعة عشر رجلاً، فاستقبل نبي الله - صلى الله عليه وسلم - القبلة، ثم مد يديه فجعل يهتف بربه: "اللهم أنجز لي ما وعدتني، اللهم آت ما وعدتني، اللهم إن تهلك هذه العصابة من أهل الإسلام لا تعبد في الأرض" فما زال يهتف بربه ماداً يديه، مستقبل القبلة، حتى سقط رداؤه عن منكبيه، فأتاه أبو بكر، فأخذ رداءه فألقاه على منكبيه، ثم التزمه من ورائه، وقال يا نبي الله! كفاك مناشدتك ربك، فإنه سينجز لك ما وعدك[2].. الحديث.

هنا يظهرلنه ان الرسول (ص) هو اول من استخدم كلمة عصابة وحسب بحثي عن المقصودين بهذه الكلمة لگيت يقصد الاقارب بعتبار الحرب قامت بين ابناء العم و القبيلة الي فيما بعد منهم منْ دخل الاسلام و سُمي بالصحابي ، هنا وضحتلنا فكرة العصابة و ما هو القصد منها

نجي لجانب التاريخ الحديث ، هل كان يقصد باسم نفس قصد النبي (ص) هنا ما اگدر اجزم ، احتمال ردد كلام النبي و احتمال يريد يمس الخلفاء ، هاي امور ما نگدر نجزم بيها لان قرات القصيدة وما گدرت افهم المن يقصد ، و لأنه الرسول (ص) يگول احمل اخاك المؤمن على سبعين محمل فـ راح نعبرها لباسم هل مرة

بس نجي ع نقطة كلش كلش كلش مهمة ، ليش انثارت هذه القصيدة حالياً ؟ علما هي قديمة ومحد اعارلها اهمية في وقت صدورها !

بـ اعتقادي باسم خسر جمهوره بسبب طمعه و عشقه للمال (هذا شيء مو صادم بالنسبة الي) خاصة بعد ما قرا في مجلس عمار الحكيم ، لذلك الشارع صار ينتظره ع اقل زلة

شغلة ثانية ، منو الي راح يستفيد من التفرقة ؟ سياسيين الشيعة و السُنة ، حتى يتحقق حلم المالكي و تصير مرحلة قتال وكلمن يسلح اهله و ناسه و يقاتل ، ويتحقق حلم الحلبوسي و ابو مازن و الخنجر و يصير اكو اقليم سني


الخُلاصة يا صديقي القاريء ، الموضوع لا يمي ولا يمك وما بينا احد يهتم لـ عُباد الاموال الي انذكروا فوگ ، هذا الوضع هو مكسب الهم لان يفتحلهم طرق جديدة للسرقة ، و الخسران هو علي و عمر المساكين الي انضحك عليهم قبل 15 سنة و بلعوا الطعم ، بس ابنائهم هسه حسين و حفصة كبروا و درسوا و فهموا الحياة صح و عرفوا واحدهم يكمل الثاني العائلة ما تلتم الا بوحدتهم ، حبهم لبعض وتمسكهم ببعض و وعيهم اتجاه المغرضين صار سد منيع مراح يگدر يهزه اي واحد

عيشوا اخوتي عيشوا و استمتعوا بحياتكم باسم و السياسيين يرحون فدوة الكم

عاشت ايدكهذا تصفيق مال اسبوع

[انسان ثاني]

صار سنين ما سامع قصيدة عجبتني لهذا الحد




الرادود ما اعرف اسمه و هذه اول قصيدة اسمعها اله كلش حبيتها

خلي نستعرض شنو الاشياء الحلوة بهل قصيدة اصدقائي

اول شي هو الجمع بين النمط النجفي (الدگة البطيئة) وهذه تعتبر من عادات و قيم المجالس النجفية ، مع مزجها بالطريقة الشيرازية او الكربلائية (السريعة) ، هذا بالنسبة للبناء الهيكلي للقصيدة اتوقع ترضي الذوقين

موضوع القصيدة ، اتوقع اول مرة اسمع قصيدة حسينية تتناول موضوع المواكب على طول طريق كربلاء ، وسلطت الضوء على كرم الضيافة للعراقين ، موضوع قليل الي تطرقوله علماً ممكن تنكتب عنه هواي قصائد تصف هذه الملحمة بالتضحية في الاموال و الجهود لمن ضحى بنفسه من اجل احقاق الحق

كذلك تناولت القصيدة موضوع مهم ، ذكرت كل الطوائف و المذاهب المتواجدة في العراق و وصفت حزنهم على الحسين و ما خصصت هذا الحزن للشيعة فقط ، بل اظهرت ان الحسين للأنسانية دون تخصيص

كذلك نقطة مهمة ان القاريء كان يركز على مخارج الحروف و كتبت الترجمة حتى توصل لـ اكثر شريحة ممكنه عدها فضول تسمع عن قضية كربلاء ، اضافة لنقطة طريقة الالقاء العاطفية تارة و الحماسية تارة آخرى

وهم نقطة في نظري اكد عليها الكاتب و حتى القاريء هي نبذ الطائفية و المساس بـ رموز المذاهب الاخرى ، القصيدة كانت للعراق كله اولاً و للانسانية كلها ثانياً

اني اشوف هاي من القصائد القلائل (حديثا) تمتلك الكمال لتروي لمن لا يعرف قضية الحسين ، لماذا ضحى بنفسه و ماذا يقدم الشعب العراقي لضيوفه القاصدين لزيارة ابى الاحرار


ختاماً اليوم يصادف موعد اربعينية سيد شهداء اهل الجنة ، الامام الحسين ابن علي بن ابي طالب عليها السلام ، عظم الله اجوركم في ذكرى اربعينه و جعلنا و اياكم من الثابتين على طريقه و طريق جده

[دُرر الطائي]

صار سنين ما سامع قصيدة عجبتني لهذا الحد




الرادود ما اعرف اسمه و هذه اول قصيدة اسمعها اله كلش حبيتها

خلي نستعرض شنو الاشياء الحلوة بهل قصيدة اصدقائي

اول شي هو الجمع بين النمط النجفي (الدگة البطيئة) وهذه تعتبر من عادات و قيم المجالس النجفية ، مع مزجها بالطريقة الشيرازية او الكربلائية (السريعة) ، هذا بالنسبة للبناء الهيكلي للقصيدة اتوقع ترضي الذوقين

موضوع القصيدة ، اتوقع اول مرة اسمع قصيدة حسينية تتناول موضوع المواكب على طول طريق كربلاء ، وسلطت الضوء على كرم الضيافة للعراقين ، موضوع قليل الي تطرقوله علماً ممكن تنكتب عنه هواي قصائد تصف هذه الملحمة بالتضحية في الاموال و الجهود لمن ضحى بنفسه من اجل احقاق الحق

كذلك تناولت القصيدة موضوع مهم ، ذكرت كل الطوائف و المذاهب المتواجدة في العراق و وصفت حزنهم على الحسين و ما خصصت هذا الحزن للشيعة فقط ، بل اظهرت ان الحسين للأنسانية دون تخصيص

كذلك نقطة مهمة ان القاريء كان يركز على مخارج الحروف و كتبت الترجمة حتى توصل لـ اكثر شريحة ممكنه عدها فضول تسمع عن قضية كربلاء ، اضافة لنقطة طريقة الالقاء العاطفية تارة و الحماسية تارة آخرى

وهم نقطة في نظري اكد عليها الكاتب و حتى القاريء هي نبذ الطائفية و المساس بـ رموز المذاهب الاخرى ، القصيدة كانت للعراق كله اولاً و للانسانية كلها ثانياً

اني اشوف هاي من القصائد القلائل (حديثا) تمتلك الكمال لتروي لمن لا يعرف قضية الحسين ، لماذا ضحى بنفسه و ماذا يقدم الشعب العراقي لضيوفه القاصدين لزيارة ابى الاحرار


ختاماً اليوم يصادف موعد اربعينية سيد شهداء اهل الجنة ، الامام الحسين ابن علي بن ابي طالب عليها السلام ، عظم الله اجوركم في ذكرى اربعينه و جعلنا و اياكم من الثابتين على طريقه و طريق جده

اعترفلك بشي . احسدك على خلڪك و تڪعد تكتب هالڪد بالفون متدوخ .؟! بس بڪد خلڪك عندي فظول اقرا شنو تكتب ... رأيك بهذه القصيده نفس رأيي و الرادود اسمه حيدر البياتي اتوقع اغلب قصائده بهذا النمط ...

و عظم الله اجوركم بذكرى اربعين سيد الشهداء "ع"