اجاني طلبين بالهمسات
يردون اسولف عن سوسن محمود و كات
يلا خنسولفلكم،،،، ههههه
اجاني طلبين بالهمسات
يردون اسولف عن سوسن محمود و كات
يلا خنسولفلكم،،،، ههههه
الله يرحم الوالد ويجعل مثواه الجنة
ينطي شبه ل وسماء الروس
..
متابعة
شنو جان الدواعش هناالمشاركة الأصلية كتبت بواسطة وسـام
متابع بشوق
مدونة جميلة جدا عاشت ايدك عزيزي
خليها بدون عنوان افضل
ورحم الله الوالد
خنسولفلكم عن كات
نسيت اسمها الحقيقي بس هو چان اسم مميز يعني اتوقع ع اسم شاعرة او هيچ شيء ، المهم ، كات اني ماعندي علاقة شخصية بيها ، بس اكيد عشرة سنين بالمنتدى (6 سنوات) و جمعتنا هواي مواقف ، اگدر اكون صورة عنها بالتالي بس كلامي حيصير ع مرحلتين
المرحلة الاولى ، شخصية عدوانية ، عدائية ، متمردة ع عادات و تقاليد المجتمع ، مثل البزونة الي تهاجم اي شخص يتقربلها ، حتى لو ما يسيء الها بشيء خلص هي قررت تكرهه و بس ، عدها گروبها الخاص الي همه دكتور نصير العراب و اية غانم و نانسي و نسيت اكو بعد بنية هم ، چانن هذني الشلة مسويات عصابة الي يتقرب لوحدة بيهن يعلنون عليه الحرب هههه ، طبعا چانن مراهقات و تقريباً كلهن بنفس العُمر و التوجه الفكري
صار تحول عدها في فترة ما من مؤمنة الى اللادينية ، ما اعرف شنو سبب هل تحول او منو وراءه ، بس چانت عدائية جداً اتجاه الدين ، طبعا چانت تكرهني بدون سبب هههه ايجوز لانه چنت اختلف وياها ، بس عدائها مو ظاهري يعني عادي مرات نحچي و اذكر كم مرة تراسلنه خارج المنتدى يعني ماكو قطيعة
هاي اول مرحلة
في وقت ما صار بحياتها حادث اليم جداً ، احتمال ما تحب اكتبه بس هو موقف انساني ، توفت والدتها الله يرحمها وهي صغيرة بالعمر و وفاة مفاجئة على ما اذكر گلتلي انها راجعة من الحج و صار حادث وياها ، طبعا موقف مؤلم جدا لشابة بعمر 17 او 18 سنة
هي چانت تكابر و تتواجد بس اختلفت بهواي امور ، احسها صارت اهدء ، كذلك صعب على البنت بهيچ عمر تنكسر ، چنت كلش متعاطف وياها و حاولت اواسيها بس بنفس الوقت حسيت حتنزعج اذا ابقى احچي وياها بهل موضوع وهي تريد تنسى الي صار ، لذلك حاولت ما افتح وياها هل موضوع
الله يكون بعونها و يصبر قلبها و يرحم والدتها
بعد هل موقف تقريبا كلش قل تواجدها و بصراحة ما اذكر شفتلها عركة بالمنتدى ، احتمال انكسر واهسها بالنت او شغلتها الدراسة ، بس كات تبقى دائما قلب طفلة ، و الها مكانة خاصة بقلوب اصدقائها
قبل يومين شفت موضوع تخرجها من الكلية و انصدمت شون عدت الايام بسرعة واني اخر مرة حجيت وياها چانت بالسادس
الله يوفقها بحياتها العملية
الله يرحم والدتج كات و يسعدج بحياتج
هههه اي هو چان وسيم فعلاً الله يرحمه
الله يرحم امواتك
حياك الله حبيبي اتشرف بيك
الله يرحم الوالد برحمته الواسعه ويسكنه فسيح جناته
مدونة حلوة وشيقة
متابعة
الله يرحم امواتكمالله يرحم الوالد برحمته الواسعه ويسكنه فسيح جناته
مدونة حلوة وشيقة
متابعة
اتشرف بيج الف هلا
خنسولفلكم عن سوسن محمود
طبعاً سألت الي طلب مني اسولف عنها شمعنى سوسن ؟ يگول لانها غامضة وتقريبا ماعدها اصدقاء وما معروف عنها اي معلومة
زين استريح صديقي او صديقتي يلا نبلش ؟
سوسن معلمة متقاعدة ، بغدادية اصيلة ، عدها اصدقاء قلائل الي اعرفه هو اني وسامر و سوزان بس هي بطبيعتها خجولة و رسمية اغلب الوقت يعني لا تتوقع منها تگعد وتسولف وياك بالساعات ، تستغل تواجدها بالمنتدى بالاجراءات الادارية و المشاركات من خلال نشر المواضيع و الردود ، ما عدها ميانة ويا الاعضاء ابداً تتعامل بـ بيروقراطية الا مع الي ذكرت اسمائهم فوك و احتمال عدها غيرنا اصدقاء واني ما اعرف
طبعا من المواقف الانسانية الي مرت بيها هي وفاة شخص عزيز عليها ، هزها هل موقف بس گدرت تتقبل الموضوع و تعدية من خلال تنشيط تواجدها بالمنتدى لساعات اطول و محاولة النسيان ، ما ادري اذا چانت تحب تتحدث عن هل موضوع او لا بس عادي بحكم الميانة اگدر اصرح من عندي هههه
طبعا من خلال علاقتي بيها ما شفت عدها اي ميول سياسية او دينية متطرفة ، يعني ما تقحم روحها بـ اي نقاش وما تظهر تحيزها لـ اي جهة ، ما ادري هل شي اساساً بيها لو استخدمته بحكم منصبها الاداري بمرور الزمن
چانت مراقبة عامة لمدة سنوات طويلة ، و لحد هسه اذكر سوزان من حبت تسويها نائبة ، سوزان بطبعها من تخلي شخص ببالها تريد تصعده اداري تبقى تراقبه لفترة طويلة ، شون يتصرف شنو علاقته بـ اعضاء ، اذا صعد الاعضاء راح يتقبلوه لو لا ، و تسأل المقربين منها شنو رأيك بفلان ؟ زين تشوفه راح ينجح اذا صعد بالسلم الاداري ؟
فـ اذكر من اجت تسألني عن سوسن تريد تجمع اراء ، في وقتها چانت سوسن بسبب تعاملها الجاف ويا الاعضاء مو الكل مرحبين بصعودها لمنصب نائب المدير ، بس مثل ما ذكرنا سابقا عن سوزانا الي ابالها تسويه ، و فعلا هي چانت حاطة ابالها تصعد سوسن لان تشوفها تملك الكفاءة لهيج دور ، بعدها سوسن اثبتت نفسها بهل منصب و لحد هذا اليوم ، اعتبرها من بين افضل النواب
اما عن الاشياء الي تحبها ، سوسن عدها روح مرحة تضحك و تتشاقة بس مثل ما گلت مو ويا الكل ، نتشارك اني وياها هواية تجريب المطاعم ههههه دائما تسالني عن مطاعم جديدة و اني هم اسالها تبادل معلومات استخباراتية هههه
هذا الي خطر ابالي عن سوسن ، ايجوز تبدولك جافة او مغرورة بس الي يعرفوها عن قرب يدرون انها ما تنطبق عليها هل مواصفات ، بس مثل ما كلت ما تحب تنطي ميانة ويا اي شخص ، هي شخصيتها هيچ وهل شي ما يعيبها كل انسان يتصرف بالطريقة الي تريحه
رد مع اقتباس