والله ياخوية خيبت ظن الجماعة .
بس تدري اتمناها قصف حتى اكول اول مرة تتحقق امنيتي .
تعال رامي شوف .
واحكم منو ابوالسوالف انت لوانا .
بالمناسبة هنيالك رامي على موضوعك صار اجمل من كل موضوع .
حياك الله نور .خوية انت موحلل موهب
شتريد اسوي اعتبر نفسك مدلل خوالك ولايهمك بحجي العذال .
يارب امر على الجديد
رحم الله والدي و جدي
ربي يرحمهم برحمته الواسعةالمشاركة الأصلية كتبت بواسطة انسان ثاني
رحم الله والدي و جدي
رحم الله ارواحــاً لا تُعوض
رحم الله والدي و جدي
وضحكــات لا تُنسى
وملامح لا تغيـــب عن البـال..
الله يرحمهـــم برحمتـه الواسعة
الى جنة الخلد يا رب
رحم الله والدي و جدي
الله يرحم والدج و يفرحج بسلامة الوالدة
الله يرحم امواتج ام عبوسي الغاليةرحم الله ارواحــاً لا تُعوض
وضحكــات لا تُنسى
وملامح لا تغيـــب عن البـال..
الله يرحمهـــم برحمتـه الواسعة
تسلميلي فروحة
ريال مدريد
بلشت اوعى ع الرياضة من سمعت المعلق يگول هدف لزين الدين زيدان في شباك البرازيل ، چانت نهائي كأس العالم 1998 في فرنسا ، لفت انتباهي هذا الاسم و بلشت اسمع اسمه من بعدها بالدوري الايطالي ، يختلف عن بقية اللاعبين و مشهور بصلعته و طول قامته و حركاته البهلوانية ، بلشت اتابع يوفينتوس و حبيت طريقة لعب زيدان و ديل بيرو
بعدها بلشت احب منتخب فرنسا و اختارهم بلعبة 99 اليابانية بـ بلي ستيشن ، ماكنت اعرف منو ريال مدريد حتى انتقال زيدان الهم ، بلشت اقرا عنهم بالجرايد اني و صغير و شون صفقة مدوية و شون دا يجمعون فريق الاحلام ، حبيت زيدان و الظاهرة رونالدو ، حبيت ريال مدريد و هيرو و راؤول و كارلوس و الفاشل ايفان هلگيرا ، حبيت قصة صعود الشاب ايكر كاسيس
كان في وقتها المُنافس فالنسيا و ديبورتيفو لاكرونيا ، برشلونة كان فريق متوسط حتى استقدام رونالدينهو بلش يصير فريق منافس ، عاصرت قصة صعود برشلونة من 2004 ، و عاصرت لحظات القوة والضعف بريال مدريد ، من كبرت بلشت اشوف نفسي شگد محظوظ من انقهر لانه ما حقق الريال دوري الابطال و فرق اخرى تفرح بمجرد صعودهم لهذه البطولة
حب ريال مدريد ينطيك شيء من العظمة و النرجسية انك تشوف الكل اقل منك ، هذا شيء مو من فراغ وانما تاريخ انصنع عبر عشرات السنين ، شكراً اللهي خليتني اشجع الريال احسن ما اشجع غير فرق و اعيش حياتي حسرات من اشوف الريال يحقق 5 ابطال بـ 8 سنوات ، فعلاً حب الريال نعمة قادني الها زيدان
التعديل الأخير تم بواسطة انسان ثاني ; 24/December/2022 الساعة 9:33 pm
الشهيد عمر العزاوي
عموري صديقي بـ اعدادية ، فد انسان طيب و صاحب نخوة ، چان اكو گبالهم بيت رجال عنده صيرفات و خال كرفان لحمايته صايرين اگبال باب بيت عمر ، الحراس شيعة و عمر مصادقهم و يتشاقون هوايه بسوالف الطائفية ، بذاك الوكت كل المراهقين يتشاقون مال انت سني راح اصكك وانت شيعي راح اعلسك ، عموري چان متعود دائما يطلعلهم اكل لو چايات ويروح يگعد يمهم يسولفون ، يحبوه كلش و اي شي يحتاجوه يطلبون من عمر
بوكتها انتشرت قضية الاغتيالات بالكواتم مال يدخلون ع سيطرة و يغتالون الجنود
بيوم من ايام شهر رمضان عموري شال اكل من بيتهم و راح يوديه للحرس وهذا شيء طبيعي دائما يسويه ، حب يگعد يمهم شويه يسولفون و يتشاقون كالعادة ، اجوهم عصابة دخلوا عليهم الكرفان و قتلوا كل الموجودين ، العصابة مستهدفة التاجر يُقال قضية سنة وشيعة ، راح عمر دون ذنب مثل ما راح علي ، عمر هو رجال البيت وعنده بس خوات ، حالة امه و خواته يصعبن ع كافر
چانت صدمة چبيرة النه عمر يموت !
لحد الان بكل رمضان اتذكره و اترحم عليه ، مع الاسف هيج شباب راحو وهم كل ذنب ماعدهم !
عمر عنده هواي مواقف حلوة و كوميدية راح احاول اكتب عنه لان اليوم تعديت من يم بيتهم و رجعلي شريط الذكريات كعداتنا و مواقفنه الحلوة و ضحكنه ، وتذكرت جنازته و شون كل اصدقائنه رافضين يصدقون الي صار
الله يرحمه و يرحم كل شهداء العراق
من سوالف عموري
ايام الطائفية چان منع تجوال بـ 11 بليل و استمر اتوقع لسنة 2012 ، چنه مراهقين ونسهر فـ نتجمع ابيت واحد من الجوارين و نگعد بالحدائق نلعب ورق لو دومنة لو بلي ستيشن ، بيوم من الايام تقريباً بـ 4 الصبح وچان نسمع صوت اطلاق نار بشكل كثيف ، الصوت جاي من شارع بيت عمر ، طلعنه كلنه نركض گلنه اكيد لازمين حرامي ، المهم الى ان وصلنه چان الرمي مستمر و صلنه لراس الشارع ونسمع صوت عمر يسب و يفشر ، ارفع ايدك ابن..... و دگ فشار و صوته يلعلع
المهم فضت و طلعوا حرامية داخلين ع بيت و الحرس الي گبال بيت عمر لاگفيهم ، وراها رحنه نسال عمر اكلك انت شبيك بس تعيط صوتك بعلو صوت الطلقات ، گال مو اني گاعد يم الحراس و شفنه الحرامية ، الحراس طلعوا رشاشاتهم يرمون واني ماعندي سلاح فـ گلت اساعدهم بالفشار وخلي همه يركزون بالرمي لان تدرون نصف الحرب اعلام هههههههه
هم من سوالف عموري
بصف الرابع علمي اجانه مدرس اسلامية قااااافل من جماعة القاعدة الا شويه ، مدرستنا بيها سنة وشيعة و مسيح و عادي كلش متعايشين حتى المسيح ما يطلعون بحصة الاسلامية متعودين يبقون ويانه ، بس هذا الاستاذ (مزاحم) افكاره تكفيرية كلش ، و يگعد يسولف بمواضيع ما موجودة بكتاب الاسلامية يعني خارج المنهج ، جاي يهدي بينه و خيرنا القبلة ما يندلها و يريد يقنعنا بالجهاد و انه القاعدة يقاومون الامريكان الكفرة
بيوم من الايام گعد يسولفلنه عن فضائل معاوية و شون اعز الاسلام ، نص الگاعدين ما يعرفون منو معاوية اصلاً و النص الثاني يشوفوه شوه الاسلام
المهم لح كلش ، گامله عمر گله استاذ بلا زحمة ممكن سؤال بس لا تفهمني غلط اني فعلا ادور ع اجابة ومو قصدي الاستهزاء ، گله تفضل ابني عمر شنو سؤالك ؟
گله استاذ اذا ثنين تعاركوا معقولة ثنينهم خوش اوادم ؟ گله لا لان لو هم هيج فعلاً ما چان اختلفوا
گله حلو يعني متفقين ع انه اي عركة بيها واحد خوش ادمي و الثاني سرسري و اعتذر ع تعبير ، گله نعم
گله زين سيدنا معاوية تعارك ويا سيدنا علي ، منو السرسري بهل قصة ؟ هههههههههه
ما نشوف غير الاستاذ صار وجهه احمر اني طگيتها بضحكة عمر ضحك و استمرت عدوى الضحك الصف گاموا يضحكون بشكل هستيري ، ثبتت عيد انه گاعدين ننصب عليه ، و چان يودينه للمدير بحجة نستهزء بالاستاذ و ما نداوم الا بتعهد ولي امر
رد مع اقتباس
