مواقع التواصل الاجتماعي
چنت كلش احب برامج التواصل ، من احب اسلوف ويا اصدقائي القدماء من المدرسة و الاعدادية اروحلهم ع فيس بوك وادور بـ البوستات القديمة وابقى اضحك على سوالفنا ، من اريد اخذ خبر بـ ايجاز اروح لتويتر و اخذ الزُبدة ، من اريد اشوف صور حول العالم اتصفح انستغرام
بس هسه كلشي تغير ، العقول تغيرت التفاهة والسطحية انتشرت ، صارت المتزوجة تتسابق ع نشر صور اكل الدلفري وهي بيضة متعرف تسوي بس عود گدام الناس شوفوا زوجي شون يصرف عليه ، لو المخطوبة تلزم ايد حبيبها وتطگ صورة للحلقة تريد تضوج صديقاتها ، لو الرجال يصور عقد زواجه حتى يراوي الناس شگد هو غني ودافع فلوس ، لو ينشر صور محادثة ويا واحد متوفي و يبين هو شگد مقهور عليه و مفتقده وهو بالحقيقة مايشتري بفلسين من چان عايش
صارت حياتنا عبارة عن فيك و تدليس ، صارت الثقافة كل واحد ينزله صورة فنجان گهوة و كتاب و جگارة مورثة وخالها بالنفاضة ويقتبسله عبارة من النت عود يعني شوفوني اني مثقف و اقرا
السطحية و اللا منطقية و التظاهر صار هو الشيء الي يتسابق عليه كل الناس ، يريد دائما يخلي فلتر ع حياته ، يريد دائماً يكون بالصورة المثالية ، يحس ان حياته عبارة عن بوست و ينتظر من الجميع يسوله لايك .........
رد مع اقتباس
المشاركة الأصلية كتبت بواسطة انسان ثاني
