هنا

[ملوكة]

خلي ابلش اول شي اطلب من كل اصدقائي الاحبة يهدون ثواب سورة الفاتحة لـ والدي الحبيب الذي فارق هذا العالم في تاريخ 6/10/2021
















اتمنى ان لا تفجعون بحبيب او قريب و حفظ الله ابائكم و امهاتكم من كل مكروه
و يرحمهم الله ان كانوا فارقوا هذه الحياة

بِسۡمِ ٱللَّهِ ٱلرَّحۡمَٰنِ ٱلرَّحِيمِ (1)
ٱلۡحَمۡدُ لِلَّهِ رَبِّ ٱلۡعَٰلَمِينَ (2)
ٱلرَّحۡمَٰنِ ٱلرَّحِيمِ (3) مَٰلِكِ يَوۡمِ ٱلدِّينِ (4)
إِيَّاكَ نَعۡبُدُ وَإِيَّاكَ نَسۡتَعِينُ (5) ٱهۡدِنَا
ٱلصِّرَٰطَ ٱلۡمُسۡتَقِيمَ (6) صِرَٰطَ ٱلَّذِينَ أَنۡعَمۡتَ
عَلَيۡهِمۡ غَيۡرِ ٱلۡمَغۡضُوبِ عَلَيۡهِمۡ
وَلَا ٱلضَّآلِّينَ (7)
صدق الله العظيم

يارب يرزقه الجنة ويرزقكم الصبر

ممم
بداية المدونة احزان عسى ان تكون خاتمتها افراح

[انسان ثاني]

الله يرحم امواتكم اختي الغالية
ممنون الك جدا

[انسان ثاني]

معاوية ابن ابي سُفيان




منْ هو معاوية و لماذا انقسمت الاراء حوله ، اسلم بعد الفتح الاسلامي ، اخ ام المؤمنين ام حبيبة زوجة النبي (ص) ، نقل عنها وعن النبي (ص) الاحاديث ، اخرج له البخاري و مسلم ما يقارب 10 احاديث ، حكم في الدولة الاسلامية اربعين سنة عشرين منها كـ امير و وعشرين اخرى كـ ملك

موضوع معاوية حساس بعض الشيء لانه مكروه لدى جهة مو بس الشيعة لا حتى بعض الفرق السُنية يذموه و محبوب لجهة اخرى ، لذلك اي نقاش حوله راح يوتر الطرفين ، اني اشوف انه حتى نزيل التوتر لازم نصنف معاوية


هل هو صحابي و يجب الترضي عليه هاي اولاً و هنا عندي اعتقاد شخصي : اني شخصياً يعني مو نقلاً عن مصدر او فتوى من رجل دين ، ما اترضى عن الصحابة ولا اطعن بيهم ، ليش ما اترضى لان اذا ترضيت ما راح اگدر اعتبرهم حالهم حال بقية البشر و عدهم غرائز حب السلطة و النفوذ لانه هنا راح اناقض نفسي ، وما اطعن بيهم مو تقية و مراعاة لمشاعر الاخرين وانما اني موضوعي اقرا النص و افسره حسب ما افهمه اني ما اريد احد يفسرلي

نرجع لتنصيف معاوية ، هل هو أمير المؤمنين و الحاكم الشرعي و الممثل لأمتداد دولة الاسلام (طبعاً اني ما اؤمن بشي اسمه دولة رسول الله ص) ام هو حاكم سياسي اله اجندة خاصة حاول يطبقها ؟

الجواب هنا ممكن ناخذه من مصدرين الاول شيعي وهذا ما راح اخذ بي لان اكو عداوة بين الشيعة و معاوية ، بقالي الرأي السُني ، بس مشكلة السُنة مو كلهم متفقين ع حب معاوية اكو بيهم يذموه فـ هم ما راح اخذ برأيهم ، ما بقالي غير شخص اني ما احبه بس للموضوعية و لعشقه لـ دولة بني امية راح اخذ برأيه

ابن تيمية شيگول يا صديقي اللطيف ؟
ابن تيمية يگول ( فلم يكن من ملوك المسلمين ملكاً خير من معاوية اذا نسبت ايامه لـ ايام من بعده )

هنا انهينا الخلاف في شأن قدسية شخصية معاوية من عدمها ، وطلع ماله علاقة بالدين رجال سياسي بس الدين اجه بالصدفة ، لان ابن تيمية ديگول بلسانه انه ملك و اكو فرق چبير بين الملك و امير المؤمنين ، هنا وصفه بوصف سياسي يعني معاوية حاكم و مو ديمقراطي مثل ما نص الاسلام وانما اسس حكم الوراثة الي سابقاً رفضوه العرب و گالوا حكم محمد لا يورث لعلي بس هسه صار لو يجي النبي محمد ص هم ما ينطوه الحكم بعد خلص صار الامر بيد معاوية و نسله

زين هنا خلي نجي نسولف بعتبار حلينا الجدل حول شخصيته ، معاوية ليش اختلف ويا الامام علي ؟ لا تگلي لان يريد ياخذ ثأر عثمان تره ازعل منك ، معاوية رجل ذكي و يگول عنه

ابو الحسن المسعودي ( كان لمعاوية حلم و دهاء و مكر و رأي و حزم في امر دنياه)

يعني رجال دنيوي يشتغل حتى يسوي ارضيه لحكمه في المستقبل و عنده دهاء يعني ما يخطي خطوة دون حساب النتائج ، بس هسه يجي شخص و يگلي ليش ما نگول هو يكره الامام علي و آل البيت لذلك ابى و تكبر ان ياخذ ابو الحسنين الحكم ؟

راح اگلك يا صديقي اني هنا ما اخذ دور الخالق سبحانه هو الادرى بالنوايا بس اني اشوف الموضوع اكبر من قضية الكره ، القضية مرتبطة بالحكم ، و مو أي حكم هذه دولة الاسلام يعني يا علي يا آل البيت ! تره الحكم والسلطة و النفوذ تعمي اي واحد و لو انت بمكان معاوية ايجوز تسوي مثله

تعال انطيك مثال ، اگلك عيش مثل الامام علي حسره عليك العيشة الهنيئة ، نهار كله اگعد واسمع حچي الناس و نفذلهم طلباتهم ، تفتر بالشوارع بطولك ، ماعندك غير قوت يومك ، ما تملك لك فلس بالدنيا و تروح بليل لبيتك مو حتى تنام لا بل حتى تگعد تصلي و تندعي

لو اگلك صير مثل معاوية عيشة مترفة ، خدم وحشم ، مليونير ، تأشر لكل شي بـ اصبعك و يتنفذلك بدون نقاش ، وبليل تجيبلك شعراء يگعدون يمجدون بيك بشعر يطلعوك احسن من النبي

هنا راح تضعف لتگلي لا انت مو الامام علي ، و عندي دليل انك غالبا راح تصير معاوية ، هذوله الي يحكمون بالعراق مو كلهم شيعة و امامية و يقتدون بالامام علي ؟ بالله سولفلي من استلموا الحكم شگد نسبة شبههم بمعاوية مقارنة بالأمام ؟ حتى احفاد علي السادة (اقصد العمامة السياسية) شو عايشين عيشة معاوية و اتحداك تنكر

هنا اني ما ابرر لمعاوية ولا لـ اتباع معاوية ، بس اگلك لا تستغرب معاوية و ابنه من يقتل الحسين ، المهدي هسه لو يظهر ايجوز اول من يحاول قتلة هم اتباع المقاومة *_^ ، يعني التاريخ يعيد نفسه

فـ يا صديقي معاوية اني ما اعتبره شخص عادي ، معاوية بنظري هو صاحب الدولة الاسلامية الحقيقية ، هو الي اسس قواعد الحكم و التوسع الي مشى عليه بني امية وبعده بني العباس وصولاً للعثمانيين ، معاوية ذكي جدا و سياسي من الطراز الاول ، چان يعرف شون يقرأ الشعوب و يعرف شلون يرضيهم و راح اجيبلك كلام من كتبهم

يگول ابن الاثير الجزري في مؤلفه الكامل في التاريخ وهو من اهم كتب المؤرخين لانه يعتبر مُكمل لـ تأريخ الطبري

من وصية معاوية لأبنه يزيد قبل موته : يا بُني اني كفيتك الرحل و الترحال و يسرت لك الامور و ذللت لك الاعداء و اخضعت لك رقاب العرب و جمعت لك ما لم يجمعه احد فـ أنظر اهل الحجاز فـ انهم اصلك و اكرم من اقدم عليك منهم و تعاهد منْ غاب عنك و انظر اهل العراق و ان سألوك ان تعزل كل يوم عنهم عاملاً فـ افعل فأن عزل عامل ايسر من ان يشهر عليك مئة ألف سيف و انظر اهل الشام فأن يكونوا بطانتك و عيبتك فأن رابك من عدوك شيء فـ انتصر بهم فـ اذا اصبت العدو فـ اردد اهل الشام الى شامهم فأنهم ان اقاموا بغير بلادهم تغيرت اخلاقهم


خلي نفسر هل وصية : يگله باباتي اني عايفلك حُكم كله خده وخدر مراح تتحرك من مكانك موفرلك كلشي بقصرك و مگعدك بـ احلى رقعة جغرافية كلها خضار وطبيعة و هوى عذيبي يرد النفس ، و كسرتلك عين العرب ومحد راح يجرأ ان يقارعك بالحكم لان شكو معارض گصيتله تذكرة سفر ون وي و گتله ربك ينتظرك ، و عايفلك فلوس تصرف منها وما تخلص انت و اولادك و احفادك ، بس دير بالك ع اهل الحجاز هذوله گلوبهم طيبة استقبلهم ولا تردهم واذا طلبوا منك شيء سويلهمياه تره ذوله اهلك وسندك ، ودير بالك من اهل العراق ولا تجادلهم حتى لو يومية يگلولك غيرلنه الامير غيره وانت الممنون هذولة الله ما يجرعهم يثورون ع حق و الباطل وما تخلص من دوختهم فسويلهم الي يردوه و برد راسك ، و كلش اعتني بـ اهل الشام هذولة درعك و حماة عرشك واذا حاربت واحد دزله اهل الشام لان هذوله يفدوك بـارواحهم لاني چنت كلش سخي وياهم بس من تخلص المعركة رجعهم لبلدهم لان اذا بقوا بعيدين راح يتغيرون عليك خليهم دائماً جوه جناحك





هنا اني راح اختم ، وبعد انت بكيفك عزيزي القاريء شون تحب تشوف معاوية شوفه ، اني بينت وجهة نظري و استشهدت بكتب انصار معاوية و تگدر ترجعلهن كلهن موجودات بي دي اف ، واسف اذا طولت شويه بالسوالف بس انت اخويه واني امون عليك ههههه

[Suzana]

معاوية ابن ابي سُفيان




منْ هو معاوية و لماذا انقسمت الاراء حوله ، اسلم بعد الفتح الاسلامي ، اخ ام المؤمنين ام حبيبة زوجة النبي (ص) ، نقل عنها وعن النبي (ص) الاحاديث ، اخرج له البخاري و مسلم ما يقارب 10 احاديث ، حكم في الدولة الاسلامية اربعين سنة عشرين منها كـ امير و وعشرين اخرى كـ ملك

موضوع معاوية حساس بعض الشيء لانه مكروه لدى جهة مو بس الشيعة لا حتى بعض الفرق السُنية يذموه و محبوب لجهة اخرى ، لذلك اي نقاش حوله راح يوتر الطرفين ، اني اشوف انه حتى نزيل التوتر لازم نصنف معاوية


هل هو صحابي و يجب الترضي عليه هاي اولاً و هنا عندي اعتقاد شخصي : اني شخصياً يعني مو نقلاً عن مصدر او فتوى من رجل دين ، ما اترضى عن الصحابة ولا اطعن بيهم ، ليش ما اترضى لان اذا ترضيت ما راح اگدر اعتبرهم حالهم حال بقية البشر و عدهم غرائز حب السلطة و النفوذ لانه هنا راح اناقض نفسي ، وما اطعن بيهم مو تقية و مراعاة لمشاعر الاخرين وانما اني موضوعي اقرا النص و افسره حسب ما افهمه اني ما اريد احد يفسرلي

نرجع لتنصيف معاوية ، هل هو أمير المؤمنين و الحاكم الشرعي و الممثل لأمتداد دولة الاسلام (طبعاً اني ما اؤمن بشي اسمه دولة رسول الله ص) ام هو حاكم سياسي اله اجندة خاصة حاول يطبقها ؟

الجواب هنا ممكن ناخذه من مصدرين الاول شيعي وهذا ما راح اخذ بي لان اكو عداوة بين الشيعة و معاوية ، بقالي الرأي السُني ، بس مشكلة السُنة مو كلهم متفقين ع حب معاوية اكو بيهم يذموه فـ هم ما راح اخذ برأيهم ، ما بقالي غير شخص اني ما احبه بس للموضوعية و لعشقه لـ دولة بني امية راح اخذ برأيه

ابن تيمية شيگول يا صديقي اللطيف ؟
ابن تيمية يگول ( فلم يكن من ملوك المسلمين ملكاً خير من معاوية اذا نسبت ايامه لـ ايام من بعده )

هنا انهينا الخلاف في شأن قدسية شخصية معاوية من عدمها ، وطلع ماله علاقة بالدين رجال سياسي بس الدين اجه بالصدفة ، لان ابن تيمية ديگول بلسانه انه ملك و اكو فرق چبير بين الملك و امير المؤمنين ، هنا وصفه بوصف سياسي يعني معاوية حاكم و مو ديمقراطي مثل ما نص الاسلام وانما اسس حكم الوراثة الي سابقاً رفضوه العرب و گالوا حكم محمد لا يورث لعلي بس هسه صار لو يجي النبي محمد ص هم ما ينطوه الحكم بعد خلص صار الامر بيد معاوية و نسله

زين هنا خلي نجي نسولف بعتبار حلينا الجدل حول شخصيته ، معاوية ليش اختلف ويا الامام علي ؟ لا تگلي لان يريد ياخذ ثأر عثمان تره ازعل منك ، معاوية رجل ذكي و يگول عنه

ابو الحسن المسعودي ( كان لمعاوية حلم و دهاء و مكر و رأي و حزم في امر دنياه)

يعني رجال دنيوي يشتغل حتى يسوي ارضيه لحكمه في المستقبل و عنده دهاء يعني ما يخطي خطوة دون حساب النتائج ، بس هسه يجي شخص و يگلي ليش ما نگول هو يكره الامام علي و آل البيت لذلك ابى و تكبر ان ياخذ ابو الحسنين الحكم ؟

راح اگلك يا صديقي اني هنا ما اخذ دور الخالق سبحانه هو الادرى بالنوايا بس اني اشوف الموضوع اكبر من قضية الكره ، القضية مرتبطة بالحكم ، و مو أي حكم هذه دولة الاسلام يعني يا علي يا آل البيت ! تره الحكم والسلطة و النفوذ تعمي اي واحد و لو انت بمكان معاوية ايجوز تسوي مثله

تعال انطيك مثال ، اگلك عيش مثل الامام علي حسره عليك العيشة الهنيئة ، نهار كله اگعد واسمع حچي الناس و نفذلهم طلباتهم ، تفتر بالشوارع بطولك ، ماعندك غير قوت يومك ، ما تملك لك فلس بالدنيا و تروح بليل لبيتك مو حتى تنام لا بل حتى تگعد تصلي و تندعي

لو اگلك صير مثل معاوية عيشة مترفة ، خدم وحشم ، مليونير ، تأشر لكل شي بـ اصبعك و يتنفذلك بدون نقاش ، وبليل تجيبلك شعراء يگعدون يمجدون بيك بشعر يطلعوك احسن من النبي

هنا راح تضعف لتگلي لا انت مو الامام علي ، و عندي دليل انك غالبا راح تصير معاوية ، هذوله الي يحكمون بالعراق مو كلهم شيعة و امامية و يقتدون بالامام علي ؟ بالله سولفلي من استلموا الحكم شگد نسبة شبههم بمعاوية مقارنة بالأمام ؟ حتى احفاد علي السادة (اقصد العمامة السياسية) شو عايشين عيشة معاوية و اتحداك تنكر

هنا اني ما ابرر لمعاوية ولا لـ اتباع معاوية ، بس اگلك لا تستغرب معاوية و ابنه من يقتل الحسين ، المهدي هسه لو يظهر ايجوز اول من يحاول قتلة هم اتباع المقاومة *_^ ، يعني التاريخ يعيد نفسه

فـ يا صديقي معاوية اني ما اعتبره شخص عادي ، معاوية بنظري هو صاحب الدولة الاسلامية الحقيقية ، هو الي اسس قواعد الحكم و التوسع الي مشى عليه بني امية وبعده بني العباس وصولاً للعثمانيين ، معاوية ذكي جدا و سياسي من الطراز الاول ، چان يعرف شون يقرأ الشعوب و يعرف شلون يرضيهم و راح اجيبلك كلام من كتبهم

يگول ابن الاثير الجزري في مؤلفه الكامل في التاريخ وهو من اهم كتب المؤرخين لانه يعتبر مُكمل لـ تأريخ الطبري

من وصية معاوية لأبنه يزيد قبل موته : يا بُني اني كفيتك الرحل و الترحال و يسرت لك الامور و ذللت لك الاعداء و اخضعت لك رقاب العرب و جمعت لك ما لم يجمعه احد فـ أنظر اهل الحجاز فـ انهم اصلك و اكرم من اقدم عليك منهم و تعاهد منْ غاب عنك و انظر اهل العراق و ان سألوك ان تعزل كل يوم عنهم عاملاً فـ افعل فأن عزل عامل ايسر من ان يشهر عليك مئة ألف سيف و انظر اهل الشام فأن يكونوا بطانتك و عيبتك فأن رابك من عدوك شيء فـ انتصر بهم فـ اذا اصبت العدو فـ اردد اهل الشام الى شامهم فأنهم ان اقاموا بغير بلادهم تغيرت اخلاقهم


خلي نفسر هل وصية : يگله باباتي اني عايفلك حُكم كله خده وخدر مراح تتحرك من مكانك موفرلك كلشي بقصرك و مگعدك بـ احلى رقعة جغرافية كلها خضار وطبيعة و هوى عذيبي يرد النفس ، و كسرتلك عين العرب ومحد راح يجرأ ان يقارعك بالحكم لان شكو معارض گصيتله تذكرة سفر ون وي و گتله ربك ينتظرك ، و عايفلك فلوس تصرف منها وما تخلص انت و اولادك و احفادك ، بس دير بالك ع اهل الحجاز هذوله گلوبهم طيبة استقبلهم ولا تردهم واذا طلبوا منك شيء سويلهمياه تره ذوله اهلك وسندك ، ودير بالك من اهل العراق ولا تجادلهم حتى لو يومية يگلولك غيرلنه الامير غيره وانت الممنون هذولة الله ما يجرعهم يثورون ع حق و الباطل وما تخلص من دوختهم فسويلهم الي يردوه و برد راسك ، و كلش اعتني بـ اهل الشام هذولة درعك و حماة عرشك واذا حاربت واحد دزله اهل الشام لان هذوله يفدوك بـارواحهم لاني چنت كلش سخي وياهم بس من تخلص المعركة رجعهم لبلدهم لان اذا بقوا بعيدين راح يتغيرون عليك خليهم دائماً جوه جناحك





هنا اني راح اختم ، وبعد انت بكيفك عزيزي القاريء شون تحب تشوف معاوية شوفه ، اني بينت وجهة نظري و استشهدت بكتب انصار معاوية و تگدر ترجعلهن كلهن موجودات بي دي اف ، واسف اذا طولت شويه بالسوالف بس انت اخويه واني امون عليك ههههه

يعني حسب قرائتي للنص انت دا اتريد تبيض صفحته؟ حبيت جراتك

[انسان ثاني]

يعني حسب قرائتي للنص انت دا اتريد تبيض صفحته؟ حبيت جراتك

هههههههه يلا هم رحمة اذا هيچ تشوفين النص
معناها گدرت اصير حيادي كلش

بس هسه يجيج احمد الگرعاوي و يتعارك وياچ ع هل حچايه

[Suzana]

هههههههه يلا هم رحمة اذا هيچ تشوفين النص
معناها گدرت اصير حيادي كلش

بس هسه يجيج احمد الگرعاوي و يتعارك وياچ ع هل حچايه

حيادي لو متخاذل
تره مايصرف هالحجي الا تسب وتلعن وتطعن بشرفه وهيج راح تكون بطل قومي.

[انسان ثاني]

حيادي لو متخاذل
تره مايصرف هالحجي الا تسب وتلعن وتطعن بشرفه وهيج راح تكون بطل قومي.

هههه فتحيلي آفق واني احلق
لا تدفعيني هيچ وتالي تلبسيني اسود

[علي الواسطي]

فـ يا صديقي معاوية اني ما اعتبره شخص عادي ، معاوية بنظري هو صاحب الدولة الاسلامية الحقيقية ، هو الي اسس قواعد الحكم و التوسع

مو رحت زايد
جماعته ما بيضوا صفحته هيج على كولت سوزان

من تاخذ نبذة عن شخصية تأريخية نأخذها من جميع الجوانب ونسمع رأي الاطراف البقية فيه وليش هذا رأيهم به ؟

اكملنا مسيرة ابنه يزيد خل نشوف رأيك

[زاهــــد]

اي قضية مهما كانت درجة صدقيتها ممكن الطعن بها من خلال ان تشكك بها وتلوثها ب درن المصالح المادية ،
حتى ثورة الحسين يستطيع اي احد ان يقول انها ليست ثورة من اجل تأكيد قيم اخلاقية دينية او تقويم انحراف احدثه معاوية في دين جده انما كان صراع من اجل السلطة ويستطيع هذا القائل ان يقدم لك مئات الأدلة والبراهين التي تثبت فكرته .
تستطيع الآن ان تنزه معاوية وتجمل صورته وبكل سهولة ,
لكن ليس ب السهولة ذاتها تستطيع ان تنجح في زحزحة ايمان احدهم في قضية ما.
كل القضايا الخلافية لها منظرين ومرشدين لكن لم يستطيعوا ان يستميلوا الى جانب قضيتهم سوى مَن في قلبه ميل.

اقتنع بحياديتك حين تستطيع ان تثبت انك محايد!.
شكراً رامي.

[Suzana]

هههه فتحيلي آفق واني احلق
لا تدفعيني هيچ وتالي تلبسيني اسود

الاسود مرات يكون فجران دم عن ارواح الصحابه ..
الصحابه ماقبل الكارثة مو بعدها..
اللي بعدها على كولتك المذهبين متفقين عليهم ولو اعرف جماعة يرتضون عليهم ليل نهار يكولك شغلهم همه والله احنا شنو دخلنا..