هنا

[انسان ثاني]

انا اكثر ماهمني بالطلب لهذا الموضوع
هو رأيك الاكثر من رائع .
شتعتقد المغفلين مستقبلا يصدقون بنزاهة هذة العائلة المنتهية من الاخلاق .
ام يفكرون مثلنا نحن الذي عشنا تحت حكمهم .؟

من اول قراءة لكل شخص حيشوف التناقض وراح يحس انه اكو شيء غلط
ما اتوقع تنطلي هل اكاذيب غير ع العاشقين لأجرام هذه العائلة

بعد ماتخلص .
اشرحنا مفهومك عن الذباب الالكتروني على التواصل الاجتماعي .؟
واضربنا مثال على ذلك .؟

ان شاء الله تدلل حجينا

[أبن الاشتر]

من اول قراءة لكل شخص حيشوف التناقض وراح يحس انه اكو شيء غلط
ما اتوقع تنطلي هل اكاذيب غير ع العاشقين لأجرام هذه العائلة

ان شاء الله تدلل حجينا

انت لاتستعجل بالرد والشرح
على مهلك هاي الفترة خاف اكول انربطنا خاف تقصفني .
راح اغيرها .؟ هههه
نحن متواصلون معك ونستغل وجودك بيننا .
بس لاتنسى ابقى اتابع ماتكتبه .
بس ع كيفك حتى يطلع الناضج والشهي من عباراتك الشعبية الحلوة
قواك الله وصبرك على مطالبنا .؟

[انسان ثاني]

بما انه صارت هواي طلايب بهذه المدونة خلي نغير الاجواء شويه واسولف بموضوع خاص

من طفولتي چنت كلش احب الفنانة سعاد حسني ، من يطلع فلم الها ع روتانا كلاسك لازم اشوفه كله حتى لو وراي مدرسة اسهر من وره اهلي حتى اشوفها و انتظر المشاهد الي تطلع بي ومن تروح من المشهد ما اهتم للقصة لو اروح اكل شي او اشرب شي ، عشقتها كلش ، چانت هي فتاة احلامي ، چنت اتخيل حبيبتي بالمُستقبل حتكون تشبه سعاد ، بـ ضحكتها ، بـ اناقتها ، بـ خفة دمها ، بـ برائتها ، عفويتها ، انوثتها ، طبعاً مچان يوتيوب منتشر كلش و قليلة المواقع فـ مچنت اعرف شيء عن حياتها

بعدين قريت عبارة ما اذكرها حرفياً بس بما معناه ، اذا حبيت شيء بشدة ابقى انظر له من بعيد ، لا تتقرب ابد ، حتى تحافظ على هذا الجمال ، لانك اذا تقربت راح تخرب الصورة !

ما اعرت اهمية لهل عبارة الى ان وصلت مرحلة المراهقة و بلشت استخدم النت و ابحث عنها ، بلشت انصدم من عرفت حياتها الشخصية ، انهارت صورتها گدامي ، بلشت ارفض كل الي انكتب عنها ، عن علاقاتها الغرامية ، عن انحرافاتها الاخلاقية ، كلش انصدمت ، واتذكرت هذه العبارة الي كتبتها فوگ ، تندمت كلش لان حاولت اتقرب من هذه الشخصية ، تمنيت لو باقي احبها مثل ما چانت بنظري سابقاً

وتعلمت بعدها اي شخص احبه او انعجب بي اقتل فضولي اتجاهه وما اسعى للبحث عنه ، احب اشوفه بنفس نظرة الاعجاب وما اغيرها .

[عضوية محجوبه]

بما انه صارت هواي طلايب بهذه المدونة خلي نغير الاجواء شويه واسولف بموضوع خاص

من طفولتي چنت كلش احب الفنانة سعاد حسني ، من يطلع فلم الها ع روتانا كلاسك لازم اشوفه كله حتى لو وراي مدرسة اسهر من وره اهلي حتى اشوفها و انتظر المشاهد الي تطلع بي ومن تروح من المشهد ما اهتم للقصة لو اروح اكل شي او اشرب شي ، عشقتها كلش ، چانت هي فتاة احلامي ، چنت اتخيل حبيبتي بالمُستقبل حتكون تشبه سعاد ، بـ ضحكتها ، بـ اناقتها ، بـ خفة دمها ، بـ برائتها ، عفويتها ، انوثتها ، طبعاً مچان يوتيوب منتشر كلش و قليلة المواقع فـ مچنت اعرف شيء عن حياتها

بعدين قريت عبارة ما اذكرها حرفياً بس بما معناه ، اذا حبيت شيء بشدة ابقى انظر له من بعيد ، لا تتقرب ابد ، حتى تحافظ على هذا الجمال ، لانك اذا تقربت راح تخرب الصورة !

ما اعرت اهمية لهل عبارة الى ان وصلت مرحلة المراهقة و بلشت استخدم النت و ابحث عنها ، بلشت انصدم من عرفت حياتها الشخصية ، انهارت صورتها گدامي ، بلشت ارفض كل الي انكتب عنها ، عن علاقاتها الغرامية ، عن انحرافاتها الاخلاقية ، كلش انصدمت ، واتذكرت هذه العبارة الي كتبتها فوگ ، تندمت كلش لان حاولت اتقرب من هذه الشخصية ، تمنيت لو باقي احبها مثل ما چانت بنظري سابقاً

وتعلمت بعدها اي شخص احبه او انعجب بي اقتل فضولي اتجاهه وما اسعى للبحث عنه ، احب اشوفه بنفس نظرة الاعجاب وما اغيرها .

شحلوووو هل موضوع استمر

[أبن الاشتر]

بما انه صارت هواي طلايب بهذه المدونة خلي نغير الاجواء شويه واسولف بموضوع خاص

من طفولتي چنت كلش احب الفنانة سعاد حسني ، من يطلع فلم الها ع روتانا كلاسك لازم اشوفه كله حتى لو وراي مدرسة اسهر من وره اهلي حتى اشوفها و انتظر المشاهد الي تطلع بي ومن تروح من المشهد ما اهتم للقصة لو اروح اكل شي او اشرب شي ، عشقتها كلش ، چانت هي فتاة احلامي ، چنت اتخيل حبيبتي بالمُستقبل حتكون تشبه سعاد ، بـ ضحكتها ، بـ اناقتها ، بـ خفة دمها ، بـ برائتها ، عفويتها ، انوثتها ، طبعاً مچان يوتيوب منتشر كلش و قليلة المواقع فـ مچنت اعرف شيء عن حياتها

بعدين قريت عبارة ما اذكرها حرفياً بس بما معناه ، اذا حبيت شيء بشدة ابقى انظر له من بعيد ، لا تتقرب ابد ، حتى تحافظ على هذا الجمال ، لانك اذا تقربت راح تخرب الصورة !

ما اعرت اهمية لهل عبارة الى ان وصلت مرحلة المراهقة و بلشت استخدم النت و ابحث عنها ، بلشت انصدم من عرفت حياتها الشخصية ، انهارت صورتها گدامي ، بلشت ارفض كل الي انكتب عنها ، عن علاقاتها الغرامية ، عن انحرافاتها الاخلاقية ، كلش انصدمت ، واتذكرت هذه العبارة الي كتبتها فوگ ، تندمت كلش لان حاولت اتقرب من هذه الشخصية ، تمنيت لو باقي احبها مثل ما چانت بنظري سابقاً

وتعلمت بعدها اي شخص احبه او انعجب بي اقتل فضولي اتجاهه وما اسعى للبحث عنه ، احب اشوفه بنفس نظرة الاعجاب وما اغيرها .

سبحان الله كان سؤال عندي .
حضرته من بعد قصة الذباب الذي سوف تحكي عنه .
وسؤالي كان هكذا .
رامي احجلينا موقف اوقصة .
عن شخص نتأثر به في زمن وننكره اونحتقره في زمن اخر .
بس كلت ابكَلبي هاي متعبة السالفة وكأنها فلسفة .
خل يولي هذا الطلب .
وانت حجيت هاي الحكاية . اشكرك لهذة الحدوته اللي فيها مفهوم عميق .؟
هههههههههه
يالله استراحة ونعود لك في وقت اخر .
ان شاءالله
راح اشوف فلم . طولة ساعتين وارجع .
بس ادخل المنتدى واطلع بين لحظة ولحظة

[أبن الاشتر]

ردت انقل الفلم لكم هنا وماصار مدري ليش .؟
حتى تشاهدونة معي
ههههههههههه

[انسان ثاني]

ذكرياتي مع والدي رحمه الله

اني الاخ الاوسط بين اخواني ، بس چنت المُقرب اكثر لـ والدي ، اخويه الكبير هادئ جداً من طفولته يعني نگدر نسميه الطفل المثالي الي مركز بدراسته و مستقبله وابد ما يتعب اهله

عكسي تماماً ع گولت ئلسيد ئلقائد شعبوثي ^_^

چنت كلش احب ارافق والدي من طفولتي ، چان يعشق الصيد و چنت الا اطلع وياه ، نروح نخييم ويا اصدقائه ، و لحد الان اذكر صوت اول عيار ناري انضرب گدامي و شون خفت من الصوت وچنت بوقتها بالروضة يعني عمري بين 4_5 سنوات ، كلش حبيت لحم الطيور بس حبيت صيد السمك اكثر لكن چان يصيبني الملل واحنه گاعدين ننتظر السنارة تغمز حتى ناكل سمچة ، و اتذكر من لحيت على والدي اريد اجرب الرماية و خله الفلاح يلزملي البندقية لان ثگيلة عليه و خلاني اجرب احساس الرمي واني اتوقع بصف الاول ابتدائي ، چان شعور بالنشوة و الحماس بشكل لا يوصف ، بعدها بكم سنة صرنا نتبارى اني و والدي منو يگدر يصيب الجگارة من مسافة ابعد ، بس چان دائما يغلبني و اني اكره الخسارة ، چنت لازم اطلع سبب حتى لا اظهر هزيمتي ^_^





يتبع .......

[انسان ثاني]

بداية دخولي المدرسة چنت فرحان كلش بس بنفس الوقت مؤذي و اسوي هواي مشاكل و كل فترة المديرة تبسطني ^_^ شگد چنت اكرها هع ، چان عدها سيارة بيجو 306 كلش جديدة ، بيوم من الايام بسطتني و طلعت ضايج شفت سيارتها فشيت تايرين انتقام منها ، و الحمدلله ما عرفتني اني سويتها ، ست خالدة اتمنى التقي بيج من جديد حتى اگلج شگد چنت اكرهچ ، ما شفت انسانة طماعة مثلها چانت كل كم اسبوع تگلي روح گول لـ ابوك گاعد نلم تبرعات للحزب خلي يتبرع ، و چنت من اگول لوالدي كلش يضوج يحسسني اني الي گتله تبرع (هي چانت بعثية چبيرة) ، بعدين تبين النا انه چانت تاخذ الفلوس الها بحجة للحزب
اتذكر بيوم من الايام دخلت للمدرسة متاخر (لان چنت مستحيل اگعد من وكت لازم اعذب امي) شافتني بـ اصطفاف و رزلتني گدام الكل ، حقدت عليها ، ابنها چان يگعد بصفي ، دون شعور لزمته بالفرصة و كتلته ، طگ خشمه دم و صارت مصيبة ، اجتني المديرة تريد تضربني اخذت جنطتي و ركضت على حايط المدرسة تسلقته وشردت للبيت ، خفت شون اصارح ابويه بلي سويته وهو چان اذا يسمع بيه ضارب شخص يجي يرزلني الي يگلي شنو اني مربي عصابچي ويعتدي ع ناس ! ، المهم خفت من والدي ورحت حچيت لـ امي ، اجتي امي ويايه و حلت الموضوع بالفلوس و گلتلي لا تجيب طاري لـ ابوك ^_^ ، هاي اول جريمة تتستر عليها امي الي تحولت لاحقا الى صندوقي الاسود ^_^


بعدها استمرت كل ما تتعرضلي المديرة الزم ابنها اشبعه كتل واطلع كل قهري بي ، ابنها چان يخاف مني ما يقبل يگعد بصفي (بزر نستلة) ، وشافت ما مني فائدة ما ارتدع كلما تزيد ويايه ازيد ويا ابنها الى ان بلشت تشيلني من بالها





يتبع .......

[انسان ثاني]

من صرت بعمر المراهقة چنت احس اني ماعندي ظهر ، يعني اذا اوگع بمشكلة والدي اول واحد يوگف ضدي ، چنت احياناً اتجنب المشاكل بس حتى لا اسمع ملامة والدي وهل شي كلش ياذيني لان يقيدني هع ، اتذكر بسنة 2009 چنت بالاعدادية ، اجانه صديقي اسمه ابراهيم و گال تعاركت ويا ولد تعالوا ويايه خلي نروحله ، چنه طايشين و كومة عدنا مشاكل ، المهم صرنا اربعة او خمسة ورحنه بسيارة ابراهيم ، طبعا بوقتها چانت الطائفية موجودة فـ سألت ابراهيم اكلك هو وين هذا الولد ؟ گلي بالحبيبية ، اني هنا خطر ابالي فد شي انه ربعي الي بالسيارة كلهم سنة وبس اني شيعي زين شون حيدخلون للحبيبية ! ، واحد من الولد گال ابراهيم فهمنا ع شنو المشكلة ؟ گال والله اني مصادق بنية و اخوها لگفها وخابرني يهدد و كتله اذا انت زلمه ابقى بمكانك واني جايك ، هنا احنه انصدمنا ، گناله من كل عقلك جايبنه بهيج طلابه ! ولك هاي شيخصلنه ، والك عين تهدده وانت غلطان ! ، بهل اثناء وصلنه لساحة الحمزة بالحبيبية ، وگال ها شنو جبنتو؟ بعدنه ما مجاوبين وچان نلگه اخوها واگف و ايجوز جايبله فد عشرين واحد عاااااا

طبعاً وجوههم ما يگصها الطبر ، ويخوفون ، واحد منهم گام يصيح منو منكم ابراهيم ! احنه واحد صفن بوجه الثاني ، هنا اول شي خطر ببالي اذا صرت زلمة وتعاركت معناها ما اطلع سالم لان ذوله شايلين سچاچين يعني يثرموني ثرم ، زين اذا كبرت الطلابة ابويه مراح يوگفلي ! فـ بسرعة خطر ببالي اذا چان الموج عالي انحنيله ، نزلتله من السيارة ، گتله ابن عمي انت من يا عمام ؟ گال فد عشيرة من العمارة ، گتله اني هم من العمارة(طبعا كذب) ، گتله شوف صاحبنه غلطان واحنه جاين نمشي عليكم ونريد نعتذر منك وشتفصل احنه نلبس بس عيب هيچ توكفونه بالشارع انت ابن عشاير و تقدر خطارك (طبعا جماعته ما يعرفون شنو الطلابة) ، بس گدرت امتص غضبه ، و گعدت اتعذر منه اني وكل جماعتي ، گال الشباب منين ؟ واحد گله من البصرة واحد من الديوانية واحد من ناصرية المهم كلنه طلعنه من الجنوب خخخخ ، بس شنو كلنه وجوهنه صفرة ، دمنا جمد ، الحمدلله عدت سلامات ، بس من يومها قطعنا علاقتنا بـ ابراهيم ، وكلمن راح بدربه





يتبع .......

[انسان ثاني]

طبعا اكثر واحد انتحل شخصيات هو اني ، يعني چنت اروح لمدينة الصدر الي يوگفني (چان جيش المهدي يسوي مفارز) يسألني منين انت ، اگله اني من النجف بيتنه بالحنانة يم بيت السيد ، بشرونا شونه الوضع هنا ؟ هو من يشوفني احچي بهيچ ثقة عباله اني ابن شخصية مهمة بالتيار فـ بسرعة يگلولي الحمدلله الوضعية زينة اگلهم بارك الله بيكم اي شي تحتاجون احنه اخوتكم تلفون واحد اوصلكم بالسيد ، وياخذون تلفوني ويخابرون احفظ ارقامهم وبعدين اسويلهم بلوك
اروح للاعظمية بمطعم المشهداني (اموت ع اكله) الي يسالني منين انت اگله من الفلوجة ، وجاي ازور الامام ابو حنيفة ، اروح للشمال اعرفلي شكم كلمة كردية الي يسالني منين انته بسرعة ابلش وياه چوني كاك چيان عساس اني كوردي من يسولف ويايه بالكردي اگله اني مولود ببغداد ف لغتي مو كلش قوية ، المهم چنت اسلك نفسي

بيوم من الايام الطائفية المقيتة ، صديقي چلبلنه امشو نروح للفلوجة ناكل كباب يم زرزور ونرجع مانطوللنه ساعتين ، بنص الطريق وگفونه الصحوات فـ گلي منين الشباب گتله من بغداد بس رادين لـ اهلنه بالرمادي ، گال منين انت گتله اني دليمي گلي حياك الله ابن عمي اني هم دليمي ، هنا اني اختنگت هع ، گلي من يا دليم ، گتله البو نمر ، گال الف هلا اني هم البو نمر منو عمامك ، هنا بقيت صافن بوجهه ، گتله شيخ ابو فلان و شيخ ابو فلان ، گال ما سامع بيهم ! ، لهنا هو ما حاس دا اكذب ، گتله گلي انت منو عمامك ، عددلي اسماء ، گتله يعني شيخ ابو محمد (لان اكيد بيهم واحد ابو محمد هع) عمك اللح ؟ گال اي عمي گتله سبحان الله والله حسيت نفس الدم ، رحب بيه و گال محتاجين شي؟ گتله هواي سلملنه على شيخنا ابو محمد و ان شاء الله نزوره اني و والدي بس شويه مشاغل ببغداد باعدتنا ، المهم عبرنه وراها صاحبي گلي شلك بهل سالفة هسه هي الانبار نصها دليم الا تجيب اسمهم گله من صلاح الدين من الموصل الا يعني تسوي روحك ابن المدينة هههههه





يتبع .......