نسيت شيء مهم مدام انت قاريه كلش ارتحاحيت بمعنى مايفوتك شيء
فاذكر لنا اكبر واخطر الكذب المدسوس بيه .
وكتبته هاي المفعوصة .
نسيت شيء مهم مدام انت قاريه كلش ارتحاحيت بمعنى مايفوتك شيء
فاذكر لنا اكبر واخطر الكذب المدسوس بيه .
وكتبته هاي المفعوصة .
كتاب حفيدة صدام
للكاتبة حرير حسين كامل
فكرة الكتاب تحب تمجد بـ ابوها حسين كامل و تحاول تظهر انه رجل دولة و عسكري فذ بس وگعت بمشكلة انها ماعرفت تبرر خلافه مع جدها صدام حسين
خلي نستعرض ومضات من الكتاب و بالنهاية راح اگول رأيي بي
بالبداية هي بلشت تذكر احداث قبل ولادتها معتمدة على السمع ومن ثم بلشت تذكر احداث تگول بيها هي شخصياً شاهدة عليها ، لكن المشكلة بالحقيقة چان عمرها خلال هذه الاحداث سنتين و ثلاثة ، يعني مبين اكو شيء غلط مستحيل طفلة في عمرها تكون مُدركة لكل هذه الاحداث
يتبع ......
اول شي تبلش بي انه جدها (صدام) هو الي يختار اسماء البنات في العائلة ، وهو الي اختارلها اسمها حرير ، چان يحبها كلش و مدللها ، وتعتبر نفسها اقرب حفيدة اله وما اذكر ان كانت هي اول حفيد بالعائلة او لا بس غالبا نعم هي ، ومن سُنن العائلة انه البنت لازم تتزوج قبل سن 16 سنة و يشترط يكون الزوج من العائلة (عادات عشائرية) ، بحيث من بلغت رغد 14 سنة طلب صدام من ساجدة ان تاخذ بنتها في كل المجالس العائلية حتى يشوفوها نساء العائلة انه عندي بنية كبرت وصارت جاهزة للزواج الي يريد يتزوجها خلي يجي (نوع من الترويج زوج بنتك قبل لا تزوج ابنك) ، وممنوع الاختلاط بين الذكور و الاناث ، و كذلك تگول جدي چان يرفض ان نختلط مع التجار و الاغنياء
وهاي تبين عقدة نقص كان يعاني منها صدام حسين لان حياة الفگر الي عاشها بطفولته بقت مستمرة وياه و حاول يغطيها بالبذخ بالقصور والملابس لاحقا
يتبع ......
التعديل الأخير تم بواسطة انسان ثاني ; 24/December/2022 الساعة 8:44 pm
تذكر حادثة بخصوص البذخ انه من تزوج زياد طارق عزيز و سمع صدام انه الحفلة چانت باذخة جداً ، انزعج و فتح تحقيق مع طارق عزيز و عاقبه عليها
و تذكر انه مهر امها الي قدمه جدها كامل حسن المجيد كان اكبر مهر في تاريخ العراق الحديث و لكن امها ما قبلت واخذت مهر بسيط جداً لانهم ما يحبون الفلوس (عساس جدها عبد الهادي الچلبي) ^_*
طبعا هنا تريد تگول انه جدها ابو ابوها كان من اثرياء العراق و تذكر حچايه يگولها صدام من واحد يگله انت ليش ما تكرم رفاقك وتنطيهم فلوس ، يگلهم قابل اني كامل حسن المجيد ؟ ، شافتنه سود عبالها هنود ! هو اغنى واحد بالعوجة چان يملكله خمس دوانم ^_^
يتبع .......
تطرقت لموضوع خطبة امها و شون صارت مشاكل عائلية خلالها ، وطبان ابراهيم هدد حسين كامل بالقتل اذا تزوج رغد ، و عساس بيوم من الايام برزان التكريتي شايف حسين كامل بمكان عام وصايحه و موجهلة سيل من الاهانات و الشتائم ، حسين كامل ما رد عليه بس نقل هل حادثة لصدام ، صدام انزعج واتصل ع برزان وبخه و گله اذا هذا نسيبي هيچ تعامله لعد ويا المواطنين شتسوي !
تذكر كذلك كفاءة ابوها بالقيادة العسكرية وانه وصل الى اعلى المراتب بسبب نباغته و ذكاءه عكس الي يُشاع عنه انه بسبب قربه من صدام (اي عن نفسي كلش صدگت ^_^)
يتبع ......
طبعاً حاولت تهمش مرحلة هروب حسين كامل الى الاردن و رجعت اسباب الهروب انه ابناء وطبان و برزان وسبعاوي حرضوا خالها عدي ضد ابوها حتى يزيحه من الصورة و ان خالها انزعج من نجاح ابوها في الادارة لذلك حصل الشقاق
كذلك تنفي تهمة القتل عن جدها صدام بخصوص مقتل ابوها و تگول المتسلقين داخل العائلة هم الي قرروا قتله و جدي انزعج من هذا الامر
يتبع ......
بعدين تخصص جزء للحديث عن خالها عدي و شون چان يحبهم ويداريهم وشگد چان مُتدين و يصوم كل اثنين وخميس ، و تُلمح الى انه استشيع و بدأ يصلي مُسبل اليدين وهذا شيء لم يزعج جدها صدام بل افرحه انه ابنه صار مُتدين
تذكر موقف عن جدها صدام بسنوات الحصار كان يلبس رباط قديم و مبين عليه بعض الشقوق ومن يگلوله ليش هيج تلبس يگلهم حالي من حال ابناء شعبي الي يعانون بالحصار القاسي ^__^
كذلك تذكر موقف آخر تگول چان ممنوع علينه نشرب بيبسي في زمن الحصار عود يعني حتى يحسون بمعاناة الشعب ، تذكر بهل خصوص انه مرة جدها شاف عدهم گلاصات بيها بقايا البيبسي فـ عصب عليهم و گال العراقيين ممنوع عليهم البيبسي و عائلة صدام تشربه ! ، بينما تتناقض هذه الحالة مع ما كان يعيشه خالها عدي من بذخ و اسراف بالحفلات اليومية ههههه
يتبع ......
اعتقد هاي ابرز الاحداث بالكتاب
نجي هسه ع قراءاتي الي كونتها بخصوص هل كتاب
اني اشوفه كتاب لتبّيض صفحة ابوها و اعتقد ان رغد صدام هي الي كتبت هل كتاب بس حبت تنزله بـ اسم بتها ، لان تقريبا نفس اسلوب امها ، لكن المشكلة كان الكتاب مليء بالتناقضات يعني تدعي انهم متواضعين جدا ومو طلاب حكم ومن تذكر عائلتها تگول عبارة (العائلة الحاكمة) يعني چانوا مقتنعين انهم ملوك العراق و الدولة مُلك لـ آل المجيد حصراً
كتاب تغاضى عن صفقات حسين كامل و خالها عدي في قطاعات تجارة النفط و الخمور و الجگاير ، كتاب اظهر العائلة بمظهر الزهاد المتدينين الي ماعدهم اي غلطة عبالك ملائكة ، طبعا اني ما متفاجئ من اسلوبها هذا لان اعذرها ماكو شيء مُشرف تتحدث بي تاريخهم كله صراع للتقرب من الحاكم و سفك لدماء الاخوة بينهم في سبيل المصالح
بـ كل اختصار ضيعت من عمري يومين في قراءة كتاب تافه ^_^
انتهى .......
انا اكثر ماهمني بالطلب لهذا الموضوعالمشاركة الأصلية كتبت بواسطة انسان ثاني
هو رأيك الاكثر من رائع .
شتعتقد المغفلين مستقبلا يصدقون بنزاهة هذة العائلة المنتهية من الاخلاق .
ام يفكرون مثلنا نحن الذي عشنا تحت حكمهم .؟
بعد ماتخلص .
اشرحنا مفهومك عن الذباب الالكتروني على التواصل الاجتماعي .؟
واضربنا مثال على ذلك .؟
رد مع اقتباس