مشكلة ابن الاشتر هي مو مشكلة شخصية و انما مشكلة جيل كامل عانوا (الله يساعدهم) من نظام المقبور صدام ، و اكو هواي مثله حالياً كلما تحچي بشي يگلك البعث و صدام وهاي مؤامرة السنة يردون يرجعون يحكمون
اني بصراحة اتعاطف ويا هيج شخصيات لان اعرف الي شافوه مو قليل بحياتهم ، شبابهم انقضى بالسجون والخوف على انفسهم وعلى اهلهم من نظام صدام ، لذلك حتى وان كنت ما اقتنع بطريقة تفكيرهم وما اشاركهم ميولهم السياسية بس احترم تجاربهم الشخصية وما اعادية لمجرد انه نختلف
اعتقد اني اكثر شخص واقف على خط واحد من اصحاب الافكار المتطرفة (لان اعتبر الدعوچية متطرفين)
و حتى لو كنت اختلف مع ابن الاشتر و اقرانه بس بنفس الوقت احاول اكسر الحدة بيناتنه بالمزاح حتى الطف الاجواء ومهما قسيت بكلامي احاول اختمه بنكته حتى ما اخلي الزعل يفرقنا
بالنهاية ما اعرف ليش ابن الاشتر ترك عضويته و حاليا دا يتواجد بـ اسم ثاني ، بس عموما احب اگلك يا صديقي اني اخالفك برأيك واحترم تجربتك بس حاول قدر الامكان تواكب الزمن و ابوس ايدك سوي ريفريش لعقلك تره صدام هسه ابوه مسموط بالتواثي الي جاي ياكلهن من منكر ونكير و مو كل واحد ينتقد الاسلاميين يعني بعثي ، تره اكو شباب شافوا الضيم الي شفته انت بس مو من صدام وانما من رفاقك الاسلاميين ، بالنهاية من ربعك استلموا الحكم طلعوا كل عقدهم ع الشباب و صاروا اضرب من صدام بالقتل والسرقة و زادوا عليها بالعمالة و خدمة اجندات خارجية و انعدام الوطنية في عقولهم
رد مع اقتباس
المشاركة الأصلية كتبت بواسطة انسان ثاني
