هنا

[انسان ثاني]

من طرائف نوري باشا السعيد
رئيس الوزراء العراقي الاسبق في العهد الملكي

چان بيته بالكرادة ع نهر دجله ويومية يجي عديلة جعفر العسكري وزير الدفاع يسهر يمه ويشربون سوه ، بيوم من الايام الباشا مخلص شرب ، جعفر گله امشي نعبر بالبلم للكرخ نروح نسهر بمنطقة الشواكة ، راحوا شافو ابو بلم گلوله وصلنه گلهم الموج عالي وخطره مو مال اتحرك بس انتو شعدكم بالكرخ ؟ گلوله نريد نشرب ، ضحك گللهم عندي بطل عرگ تعالوا استريحو ونشرب سوه

شربوا نص البطل فـ گللهم انتوا شنو تشتغلون ؟ جعفر العسكري گله انت ماشايفنه بالتلفزيون ؟ گللهم لا والله ، گله هذا نوري السعيد و اني جعفر العسكري

ضحك ابو البلم و گلهم كافي شرب اذا بنص بطل واحد صار رئيس وزراء والثاني وزير دفاع اذا تخلصون البطل شتصيرون ؟ ههههههه

[دُعےـــآء]

اثار مرجعيته بعد وفاته ، انه تغلغل جهاز الامن و المخابرات بداخل الحوزة بسبب طلبة السيد الصدر و بلشت تخرج من بينهم الحركات المهدوية و اصبح تحريف كبير لفكرة المرجعية
حالياً نشوف انه اكو هواي من اتباعه يدعون التدين وهم سارقين المال العام ، مشكلة السيد انه اصبح باب لدخول المنتفعين للمرجعية واختار الصدام مع صدام في الوقت الخطأ

كان يگدر يستغل شعبيته ضد صدام بشكل آخر لكنه تسرع جداً

رحمه الله و اعاننا على الجهلة من اتباعه


انتهى.....

كثرلنا هيج قراءات لاتتوقف عند السيد محمد صادق الصدر.. عاشت ايدك تستاهل تقاييــم

[انسان ثاني]

كثرلنا هيج قراءات لاتتوقف عند السيد محمد صادق الصدر.. عاشت ايدك تستاهل تقاييــم

تدللين
حياج الله ام عبوسي

[انسان ثاني]

اليوم چنه نتناقش اني وابن عمي و گاعدين اصدقاءه و صار الموضوع حول المسيح و النصرانية
وكلهم چانوا معتقدين ان المسيح والنصرانية هم قوم واحد ، او معناهم واحد وهم اتباع النبي عيسى عليه السلام

وهل شي غلط و انصدمت من شباب مثقفين وهيج فكرتهم

النصرانية هم اتباع النبي عيسى ابن مريم ، الاتباع المعاصرين اله ولي بقوا على نهجه من بعده ولي يؤمنون ان النبي رفع و لم يُقتل (يُصلب)

اما المسيحية هم اتباء الدين المُحرف الي نعتقد (بالفكر الاسلامي) ان تلاميذ النبي عيسى حرفوه ، و صار اسمهم المسيح نسبة لفكرة المسيح ابن الله


لكن التسمية الدارجة حاليا هي الديانة المسيحية وهذا خطأ طبعاً

[انسان ثاني]

المرجع الديني الاعلى للطائفة الشيعية السيد علي الحسيني السيستاني


من مواليد 1930 ، يعني عمره حالياً 92 سنة ، جاء لمدينة النجف الاشرف عاصمة الحوزة العلمية مطلع الخمسينيات و درس بيها على يد جميع الاساتذة المعاصرين حينها ، من اهم اساتذته هو المرجع الديني الاعلى للطائفة السيد الخوئي رحمه الله ، تدرج السيد علي في المسلك الدراسي الحوزوي لغاية ما وصل مرحلة الاجتهاد في السبعينات (مرجع) و لكنه ما تصدى للمرجعية احتراماً لـ استاذه السيد الخوئي لانه يعتقد بـ اعلمية استاذه ، ما چان معروف السيد علي بالنسبة للعامة او حتى بالنسبة للنجفيين حتى وفاة السيد الخوئي


يتبع .......

[انسان ثاني]

بعد وفاة السيد الخوئي تذهب قيادة الحوزة العلمية الى الاعلم حينها ، و كان هو السيد عبد الاعلى السبزواري ، ولكنه لم يتسلم المرجعية فعلياً لانه توفي بعد السيد الخوئي بـ اشهر بسيطة اعتقد ما يتجاوز الـ 6 اشهر
خلي اشرحلكم شون تتم نقل المرجعية بين رجال الدين

من يتوفى المرجع ، يجي ابنه او اقوى شخص في مكتبه ياخذ كل الاموال الشرعية الي تجي لمكتب المرجع و ينطيها للمرجع الجديد بعتباره هو الي صار المتولي الشرعي

لذلك بعد وفاة السيد الخوئي بلش ابنه السيد محمد تقي بجمع الاموال حتى يسلمها لسيد السبزواري و هذه اموال طائلة و مدارس حوزوية متعددة ومراكز بحثية يعني تاخذ وقت حتى تجمعها وتسلمها ، المهم بهاي الفترة الي اشتغل بيها السيد محمد تقي على نقل الاموال الشرعية توفي السيد السبزواري




يتبع .........

[انسان ثاني]

هنا صار لازم يسلم هذه الاموال لمرجع آخر (طبعا المرجعية مابيها نظام التوريث حتى لو كان ابن المرجع مجتهد) ، المهم دور السيد محمد تقي و لگه اقرب تلاميذ والده واعلمهم هو السيد السيستاني ، نقل اله كل اموال المرجعية و بذلك اصبح السيد علي هو المرجع الاعلى للطائفة ، كان كـ شخص مو معروف كلش لمجتمع النجف و لكن في ايران شهرته واسعة ، لغاية الان مُقلدين السيد السيستاني في ايران هم اكثر من مقلدين علي خامنائي او سابقاً الخميني ، اله شعبية واسعة جداً

يتبع .......

[انسان ثاني]

كان السيد علي على نهج استاذه الخوئي في المواقف السياسية منذ تسلمه المرجعية سنة 1994 ، اختار عدم التدخل في الشأن السياسي و تجنيب المرجعية الشبهة من خلال خلق العلاقات مع الحكومة ، نگدر نگول عليه نهج مغاير لمرجعية الحكيم الي تدخل كثيرا بالسياسة ، المهم بعد سنة 2003 ، الامريكان كتبوا دستور عراقي في واشنطن و ارسلوه للعراق و لكن هنا ظهر اول موقف سياسي لمرجعية النجف حيث اعلن السيد علي تحريم هذا الدستور وطلب ان يُكتب بـ ايدي عراقية خالية من اي ضغوطات امريكية والا سيكون له موقف حاد جدا ضد قوات التحالف


يتبع .....

[انسان ثاني]

يذكر زلماي خليل انه تفاجئ من تهديد السيد السيستاني و نقل هذا الكلام للرئيس بوش و صارت مناقشة حول الاخذ بهذا التهديد من عدمة و صار القرار انه ينفذون كلام السيد السيستاني و تمت كتابة الدستور بيد العراقين (السُنة كانوا مُقاطعين) ، بعدها السيد تدخل تدخل ايجابي في حث الشعب على الادلاء برأيهم بخصوص الدستور العراقي

يتبع ......

[انسان ثاني]

في فترة حرب النجف كان السيد يعاني من مشكلة صحية اضطر حينها للسفر الى برطانيا للعلاج و اشتعلت حرب النجف بعد سفره ، هُناك من يقول ان سفره خطة امريكية حتى تفرغ الهم الساحة ويدخلون النجف ويبيدون جيش المهدي ، و وجود السيستاني كان هو الي مانعهم من الدخول ، و اكو اراء تگول لا فعلاً هو كان يمر في ازمة صحية ، المهم اشتعلت الحرب وهو في لندن و تمت محاصرة مقتدى الصدر في الصحن الحيدري و كان قريب جدا من القاء القبض عليه او قتله


يتبع .......