هنا

[انسان ثاني]

هسه مال اهفك بقضية تشهير لان كاتب عني بدون أذني

صح النوم لعد صارلك شكم يوم تعلق وانت ما شايف اني شكاتب عنك؟
امشيطلعبرااا

[↫روشة.•]

مدونة لطيفة...

[انسان ثاني]

حياج الله

[انسان ثاني]

خنسولفلكم عن الخيزران او نائية جداً



الخيزران عراقية لكن حسب ما اعتقد تسكن خارج العراق ، (دمشق او عمان او اسطنبول) ، ثلاثينية ، من الصديقات الي اتشرف بمعرفتهم ، طبعاً هي اقدم مني بالدرر بس قليلة النشاط او كسولة بعض الشيء ، شافت مآسي هواي بحياتها ، والدها المصاب بالمرض الخبيث ، والدتها تعاني من مشاكل صحية كثيرة ، شقيقها انقتل و شقيقها الثاني مفقود ، و شقيقاتها الاثنين ارامل ، من العوائل الي تركت الحرب (2003) في داخلهم انكسار فضيع و فرقت الاشقاء

ايجابياتها ، قارئة جيدة ، تمتلك اسلوب اعتقد كل منْ في الدرر يشهدلها انها مختلفة و متميزة و تخليك تحب تعرف اكثر عن صاحبة هذا الاسلوب ، الي ما يعرفوه الكثيرين انها تمتلك حس الفكاهة چنه هواي نتشاقة اني وياها ، خلوقة جداً مع الجميع ، واضحة و صريحة ، متمكنة جداً في الابحار باللغة العربية ، كاتبة رائعة و يشهد لها اصحاب الاختصاص ، مُنظمة جداً ، قليلة الحديث و تحاول دائماً الاختصار بالكلام خاصة مع الغرباء


سلبياتها ، حزينة جداً (اعتقد عرفنا سبب الحزن) لكن دائماً الانسان لازم يصنع السعادة لنفسه ، غامضة بالنسبة لمحيطها الدرري اشخاص قلائل الي يعرفون معلومات عنها ، متطرفة دينياً هذا شيء ما لاحظته انا في نقاشي وياها و لكن شفته من تناقش غيري بس حتى اكون مُنصف الآخر كذلك كان متطرف ، تختفي دون معرفة سبب الاختفاء


طبعاً بداية معرفتي بيها ، بلشت تجيني تقييمات انه يا رامي استضيف الخيزران في موضوعك ، حابين نتعرف عليها ، هي غامضة كلش ومحد يعرفها ، راسلتها بالبداية اعتذرت واحترمت قرارها لكن بعد فترة عدلت عن القرار و رحبت بالفكرة و استضفتها في ...... مايك المنتدى

بعد الاستضافة بلشت اتعرف عليها اكثر و صرنا اصدقاء ، طبعاً في شهر رمضان الماضِ چنه نرتب لموضوع حواري من اعدادنا المُشترك و اتوقع چان حيصير نقلة نوعية بالنسبة للمواضيع الي تستضيف الاعضاء لان بي اسلوبها اللطيف بالطرح و خبرتي في ادارة هيچ مواضيع ، و لكن اتأجل الموضوع بالمنتصف ، بسبب تدهور حالة والدتها الصحية ، بعدها انا ما گمت اتواجد ، من رجعت قبل كم يوم لگيت عضويتها محذوفة و سألت سوزان گالت صار خلاف و طالبت في حذف عضويتها ، ما سألت شنو صار بس اني استنتجت انها زعلت من المواضيع النقاشية و خصوصا الي تحمل جنبة دينية ، الخيزران چنت دائما احاول ما انظرلها بنظرة المتعصبة دينياً او المتطرفة لانه احبها وما اريد اخسرها ، بس مع الاسف صارت المُشكلة وانا مو موجود والا چان تدخلت و حاولت اهدء النفوس

عموما اذا چنتي تقرين هذا الكلام (و اتمنى يوصلچ) ياريت لو تراسليني بـ اي طريقة و ماكو شي ما ينحل وعيونچ صديقتي

راح ابقى ع امل تواصلچ ، وين ما چنتي ، اتمنى تكونين بخير ، اخوچ رامي

[علي الواسطي]

طبعاً اعتذر من بعض الاخوة يكتبولي اسماء بالتقييم ما اعرفهم او ايجوز اعرفهم بس مغيرين اسمائهم ، اتمنى تعذروني اكو اشخاص صح اعرفهم بس حقيقاةً ماعندي معلومات هواي عنهم ، بس راح احاول احجي باقل قدر من المعلومات العندي عنهم بقادم الايام اذا طلعت فعلا اعرفهم ، لتنسون اني صار سنة تقريبا ما متفاعل و يا الاعضاء مثل ما چنت سابقاً لذلك الاخوه الجدد بعدني ما متعرف عليهم و جاي اتعرف هل ايام
يعني منا للنسخة الجاية حتلكون سيڤي كامل عنهم خخخخ

منو دتغششك اقصد يغششك ويردلك

[↫روشة.•]

طبعاً اعتذر من بعض الاخوة يكتبولي اسماء بالتقييم ما اعرفهم او ايجوز اعرفهم بس مغيرين اسمائهم ، اتمنى تعذروني اكو اشخاص صح اعرفهم بس حقيقاةً ماعندي معلومات هواي عنهم ، بس راح احاول احجي باقل قدر من المعلومات العندي عنهم بقادم الايام اذا طلعت فعلا اعرفهم ، لتنسون اني صار سنة تقريبا ما متفاعل و يا الاعضاء مثل ما چنت سابقاً لذلك الاخوه الجدد بعدني ما متعرف عليهم و جاي اتعرف هل ايام
يعني منا للنسخة الجاية حتلكون سيڤي كامل عنهم خخخخ

اني رقوشة طالبة سادس مخبوصة...

[انسان ثاني]

منو دتغششك اقصد يغششك ويردلك

تريد الصراحة ؟ دا ارجع لموضوع مايك المنتدى واقرا عن الي اريد اكتب عنهم هع
واذا ما مستضيفه فـ من خلال معرفتي
واذا ما اعرف هواي عنه فـ اطلب من الي يقترح عليه الاسم ان يزودني بالمعلومات

يعني اطمئن ماكو اي مؤامرة صهيو امريكية ع گولت صاحبك

[انسان ثاني]

اني رقوشة طالبة سادس مخبوصة...

عاشت الاسامي رقوشة
الله يوفقج
شدي حيلج هل ايام

[Suzana]

منو دتغششك اقصد يغششك ويردلك

انها مؤامرة

[نـايـا]

تحياتنا للغالية الخيزران
نتمنى لها العودة القريبة ..ويارب تكون بخير

عشت رامي