خنسولفلكم عن مِـيهہرَمــآهہ ♬✿ او ميس خليل الطائي
الشهيرة بـ حلاوة الايمان
ميوسة او مثل ما ندلعها بالدرر بقلاوة هي من الشخصيات المعروفة بالدرر بخفة الدم و الفكاهة ، من اصدقائي القدامى الي مهما ابتعدنا عن بعض بسبب الانشغالات بس من نحچي من اول رسالة نضحك ونتشاقه كأنه قبل دقيقتين چنه نسولف ، شابة ثلاثينية جادة ، من اصول ايرانية اصفهانية (يعني من ربع ابن الاشتر هههه) ، خريجة قانون (يعني زميلة المتحري) ، ما اشتغلت بمجال دراستها وانما لفترة بسيطة اشتغلت معلمة انگليزي في روضة اطفال ، طبعا متزوجة عن قصة حب وكذا ^_* ، و عدها حمودي (حموقي الشرير) و بنية (صاكة ع امها)
ايجابياتها
انها دائما مرحة و تضحك ويا الكل ما تشوفها زعلانة لو ضايجة الا ما ندر ، مستعدة تضحك و تشاقة وياك من اول مرة تحچون ، بنية منطلقة و اريحية و فعلاً تفرح بصدتقتها ، طبعاً احنه الشباب (اني و مصطفى العراب و بعد كم ولد) دائماً نتشاقه وياها على سالفة تغيير اسمائها يومية اسم جديد مستحيل تعرفها من الاسم اذا غبت لفترة ، فبعد گمنا ما نعتمد ع النك نيم ونصيحها ميس و الحگ ربعك ، اني شخصياً هواي احب اتشاقة وياها لان ماتزعل مني و خطية ع نياتها تعبر عليها الافلام هههه
سلبياتها
مشكلة ميس مثل مشكلة اغلب البنات ، تتحسس من البنات و احيانا احسها ما تحبهم ^_^ ، وهل شي سببلها هواي مشاكل اني كنت شاهد عليها ، كذلك من تضوج بعد ما تشوف گدامها و تنفعل زايد و تجرح المقابل دون ما تعتذر ، صفة اخرى موجودة بـ اغلب البنات ، من تعادي احد تحب كل اصدقائها يعادوه وياها هههه ، و اللطيف بالموضوع كل عركاتها هي عبارة عن سوء فهم ممكن ينحل بهمسة او ثنين بس شون تحلها بلا ما تشعللها ! ميصير لازم تسويها حرب عالمية ^___^
هم بيناتنه صفة مشتركة وهي حب الاكل وخاصة الباچة ^__^ ، طبعاً ميوسة احسن ست بيت تطلب دلفري ما مبقية مطعم يعتب عليها مفلسة رجلها من وره هل سالفة ، بنفسي اشوفها تطبخ بيوم من الايام
هذا الي اعرفه عن مياسة الحناوي
رد مع اقتباس
المشاركة الأصلية كتبت بواسطة انسان ثاني
