هنا

[ضفاف الحب]

نسيت شغلة بالسابق اني كنت اعترض على هواي شغلات متعجبني بالمنتدى وكنت اواجه سامر بيه وهالشي يمكن سامر او الادارة ضاجت مني وبسببي وحدة من البنات نائبة مدير تركت المنتدى لأن بالسابق كانت قوانين المنتدى شديدة عكس ما هو الان من حرية الرأي وطبيعة الافكار يعني حتى الصور الرمزية كان عليها تشدد بحيث اذا شخص يريد يخلي صورة رمزية لفتاة لازم تكون محتشمة وحتى اديها مغطيتهن ولا ننسى المجاملة كانت موجودة حتى بالمناصب وبسبب هالشي ابتعدت عن المنتدى فترات طويلة .

صح اني اول تنبيه اجاني بسبب الرمزية. ب 2014جنت مراهقة زعطوطة

[أبن الاشتر]

بهذاك الوقت اتذكر جانوا الحشد ع الساتر و داعش يبعد عنهم بس النهر يعني تقريبا ١٠٠ متر وبوقتها صايمين ورمضان واللي وصلي الحجي كال ترة دناكل صمون يابس بوقتها راتبي جان مقطوع لمدة سنتين يعني مريت باهواي امور سيئة سعيت انه يرجع راتبي والحمد لله رجع وحولتله مبلغ مالي جيد اشتروا بيه طحين وتمن وزيت ومعجون وخير من الله وصورلي المشتريات ولحظات اعدادهم للفطور ،الحمد لله جانت فرصة انه الواحد يكدر يقدم شي باللي يكدر عليه.

اعذريني .
فاشعر بشيء يعتريني لااعرف كناه .من مشتقات الافتخار .؟
ياأمرأة هذا الموقف يفترض ان لايمر بدون رفعة بالدنيا وبالاخرى مكان لامثيل له
ولما ارى هكذا .كيف لاارتبك وتفوتني الكلمات الوافية بحقج
انتظريني .عند زوال القشعريرة وهدوئي من الارتباك لعلي اوفي حقج ولو القليل الذي يرضي
ضميري واشعر بارتياح .
حبي وتقديسي لك ياعراقية ؟

[أبن الاشتر]

خنسولفلكم على ابن الاشتر

قبل كم سنة اجت دفعة جديدة لقسم النقاشات كانوا يتشاركون التوجه الاخواني الشيعي (حزب الدعوة) ، كان من ضمنهم الاخ و الصديق ابن الاشتر

راح اسولفلكم بلي عرفته عنه من خلال الردود لان ما عندي علاقة شخصية حتى اعرفه عن قرب ، هو لاجئ عراقي اتضرر من نظام صدام حسين و تعرض للسجن ، و بعدين التحق بـ مخيم رفحاء ، بعدها هاجر العراق اتوقع الى امريكا او اوربا

هاي نبذه عنه

ابن الاشتر كان دائما يهاجم المنتقدين للنظام الحالي و يشكك بوطنيتهم يوعز هذا الكلام الى انهم ما شافوا ضيم صدام (اكل مخنا بصدام عبالك ابو عداي چان شاد وياه شخصياً مو حاله حال بقية العراقيين) ، المهم ابن الاشتر چان مكروه من اغلب الاعضاء لانه يشوفوه مستفيد من هذا النظام ويدافع عن القتلة ، و الكثير منهم تجاوز عليه وما عرفوا شون يتعاملون وياه

اني اشخص مشكلة ابن الاشتر انه انسان وقف عنده الزمن لفترة معينة وما گدر يتألقم مع الواقع ، لحد الان خايف من نظام صدام ومو گادر يصدگ انه صدام راح هو ونظامه صارلهم 20 سنة ، و اصدقاء ابن الاشتر المعارضين همه الي ماسكين الحكم حالياً

ابن الاشتر يحتاج هواي نسولف بي لذلك ،،،
يتبع....

الزبدة صحيح
لكن التفاصيل خطأ
راح مشوار وارجع .ولما ارجع بأذن الله انطيك الصحيح واللي تريده .
اهم شيء رضاك
تحياتي للمبدعين

[dr.Nafes]

حبيت المدونه كلش رمرم
البقاء في حياتك والوالد ماشاء الله وجهه محبوبه وأحسه من كبار الدوله لروحه السلام ومغفره من الله وأن يرزقه الجنه مع النبي وآل بيته عليهم أفضل الصلاة والسلام...
حبيت أگلگ ع كم عضو ذكرتهم أنت ...أول تعارفي وكانت صديقتي اللطيفه هي كات علمتني ع درر بالحرف ومملت مني بيوم ابد...بعدها غبت فتره عن درر اني ورجعت مو كات الي تعرفت عليها تغيرت هوايه...المهم نكمل ..سوسن من الناس المچنت اتوقعهم بهذا النقاء والطيبه وكنت متجبجبه اتعرف عليها لأن كلش أحبها واحترمها بسبب ثقافتها وهدوئها وهواي گلتلي ارجعي للأشراف لكن اعتذرت منها لأن وقت ماعندي ومن اختفيت هي الي سألت عني ..
مصطفى العراب چنت فاهمته غلط ...من الاصدقاء الي ميتعوضون هو ووسيم
اما انت فچنت مدمرني بالتقييم بالله
وقريت كل حرف انكتب هنا صراحه المدونه عفويه مليئه بالذكريات وكل عضو ديذكر الثاني بمدونتك ورجعتنا لأيام القديمه الحلوه ووالشديده وچنت من اخلي رمزيه ركض يجوني غيريها لأن ممحتشمه ..چانوا أداريين بعدهم بحيلهم هسه احسهم تعبوا ...
وقريت الفاتحه للوالد والله يصبرك ع فراگه مچنت أعرف بالي صارلك ...من زمان ممتواصله وياك ..ربي يسعدك
ونسيت شغله سوزان وقفتچ هاي غيرچ مسواها أنتي أمراه نفتخر بيها لبعد 100 سنه وهاي عند الله لاتقدر بثمن

[dr.Nafes]

بالمناسبه انت ضام وجهك بس انت تشبه عمو الله يرحمه يعني مداعي تضمه وانت تشبه ابوك

[انسان ثاني]

خنسولفلكم عن م.م حسن سعيد

سيد حسن او كما هو معروف بـ (المتحري) ، شاب طموح و مكافح جداً ، اتذكر مرة شاهدته في برنامج حواري ، الي حاب يشاهده يتفضل


احب بحسن عدم استسلامه و مثابرته الاكاديمية هو حاليا يدرس الدكتوراه في القانون ، قبل كم سنة من كنت طالب في كلية الرافدين الجامعة ، چنت طالع من القاعة بالطابق الثاني و چنت اباوع ع مبنى العمادة من بعيد و لحسن الصدف شفت دكتور حسن ، نزلتله بسرعة اريد ارحب بي واسلم عليه بس مع الاسف لگيته طالع ، بعدها حچيت وياه و گلي فعلاً جان جاي زيارة للكلية


زين هسه نجي ع الجانب الايجابي من حسن ، انسان فاهم فعلاً في اختصاصه ومن الاشخاص العاشقين لمجال عملهم (التدريس في الجامعات) ، وممكن يخدمك في اي معلومة تطلبها منه دون كلل او ملل وانما بالعكس تحسه يستمتع وهو يشرحلك المادة القانونية و ثغراتها ، كما انه من خلال تعاملي الشخصي وياه على مدى هذه السنوات ، شفت حسن من اصحاب القلوب النقية ، شاب كلاسيكي بعيد عن مغريات العصر ، مركز بكل وقته في مجاله و تخصصه و كأنما الحياة عنده فقط عبارة عن قوانين و كتب

سلبيات الدكتور هو ما ختمت بي بالايجابيات ، انه حياته فقط دراسه و گال القانون و حجه المشرف على رسالتي ، اني بالنسبة الي چنت اشوفه شيء عادي ما مركز بهل نقطة بس بعدين بلشت اشوف الاعضاء يگولون ادري شخبصنا بدراسته قابل بس هو يدرس دكتوراه ! ميصير بكل سالفة و يخليلك سالفة الدراسة بالنص ، اني عندي تحليل لهل موضوع انه هو شخصياً عاشق لهذا المجال فـ منطيه كل تركيزه و اهتمامه وما يحب يقحم نفسه في اي شيء يعطله

نقطة ثانية حسن هواي يتزعل ، وهذا شيء مو حلو بي طبعاً قبل ما چان هيچ بس كلما دا يكبر تزيد عنده هل حالة يوميه يزعل ويترك المنتدى فترة ويرجع ، حسوني حبيبي شوي وسع صدرك انت انسان مثقف ولازم تؤمن بالاختلاف في الاراء ........

[انسان ثاني]

صح اني اول تنبيه اجاني بسبب الرمزية. ب 2014جنت مراهقة زعطوطة

انتِ اس البلاء والمصايب يومية مسويتلج مكسورة خخخخ

طبعا انتِ بريتيلي الذمة ع الحچي الي راح احچيه عنج

الزبدة صحيح
لكن التفاصيل خطأ
راح مشوار وارجع .ولما ارجع بأذن الله انطيك الصحيح واللي تريده .
اهم شيء رضاك
تحياتي للمبدعين

اكيد كلامي يحمل الكثير من الاخطاء لانها عبارة عن وجهة نظر شخصية
حياك الله

حبيت المدونه كلش رمرم
البقاء في حياتك والوالد ماشاء الله وجهه محبوبه وأحسه من كبار الدوله لروحه السلام ومغفره من الله وأن يرزقه الجنه مع النبي وآل بيته عليهم أفضل الصلاة والسلام...
حبيت أگلگ ع كم عضو ذكرتهم أنت ...أول تعارفي وكانت صديقتي اللطيفه هي كات علمتني ع درر بالحرف ومملت مني بيوم ابد...بعدها غبت فتره عن درر اني ورجعت مو كات الي تعرفت عليها تغيرت هوايه...المهم نكمل ..سوسن من الناس المچنت اتوقعهم بهذا النقاء والطيبه وكنت متجبجبه اتعرف عليها لأن كلش أحبها واحترمها بسبب ثقافتها وهدوئها وهواي گلتلي ارجعي للأشراف لكن اعتذرت منها لأن وقت ماعندي ومن اختفيت هي الي سألت عني ..
مصطفى العراب چنت فاهمته غلط ...من الاصدقاء الي ميتعوضون هو ووسيم
اما انت فچنت مدمرني بالتقييم بالله
وقريت كل حرف انكتب هنا صراحه المدونه عفويه مليئه بالذكريات وكل عضو ديذكر الثاني بمدونتك ورجعتنا لأيام القديمه الحلوه ووالشديده وچنت من اخلي رمزيه ركض يجوني غيريها لأن ممحتشمه ..چانوا أداريين بعدهم بحيلهم هسه احسهم تعبوا ...
وقريت الفاتحه للوالد والله يصبرك ع فراگه مچنت أعرف بالي صارلك ...من زمان ممتواصله وياك ..ربي يسعدك
ونسيت شغله سوزان وقفتچ هاي غيرچ مسواها أنتي أمراه نفتخر بيها لبعد 100 سنه وهاي عند الله لاتقدر بثمن

نونة البزونة صديقتي ام الطلايب حياتچ الباقية و الله يحفظلج الوالد

لحد يومج هذا انتِ مقصرة ويايه بالتقييمات ههههه

اي والله مع الاسف صارلنه اكثر من 4 سنوات ما متواصلين بس تبقين القلب دائما

شرفتي ياغالية

بالمناسبه انت ضام وجهك بس انت تشبه عمو الله يرحمه يعني مداعي تضمه وانت تشبه ابوك

مو اخاف انحسد يا نور عيون الناس ما ترحم
فدوة لقلبج

[انسان ثاني]

اكو اشخاص طلبوا مني اسولف عن اصدقاء النا

بس اعتذر مدا الحك اكتب عن الكل يعني عفت المنتدى 4 ساعات و رجعت لگيت هلگد تنبيهات

[dr.Nafes]

انتِ اس البلاء والمصايب يومية مسويتلج مكسورة خخخخ

طبعا انتِ بريتيلي الذمة ع الحچي الي راح احچيه عنج

اكيد كلامي يحمل الكثير من الاخطاء لانها عبارة عن وجهة نظر شخصية
حياك الله

نونة البزونة صديقتي ام الطلايب حياتچ الباقية و الله يحفظلج الوالد

لحد يومج هذا انتِ مقصرة ويايه بالتقييمات ههههه

اي والله مع الاسف صارلنه اكثر من 4 سنوات ما متواصلين بس تبقين القلب دائما

شرفتي ياغالية

مو اخاف انحسد يا نور عيون الناس ما ترحم
فدوة لقلبج

تشبه محمد السالم وعندك خدود يايابه لو تنطيني شوي منهم
لتخاف عيني بارده ..هاي لو عيونك زرگ أحنه بالضيم :7:
مقصرين بعدم تواصلنا بسبب الحياة الي مخليه تواير وتركض بينا متنطيني مجال نستراح بشي مكان ..

[أبن الاشتر]

خنسولفلكم عن م.م حسن سعيد

سيد حسن او كما هو معروف بـ (المتحري) ، شاب طموح و مكافح جداً ، اتذكر مرة شاهدته في برنامج حواري ، الي حاب يشاهده يتفضل


احب بحسن عدم استسلامه و مثابرته الاكاديمية هو حاليا يدرس الدكتوراه في القانون ، قبل كم سنة من كنت طالب في كلية الرافدين الجامعة ، چنت طالع من القاعة بالطابق الثاني و چنت اباوع ع مبنى العمادة من بعيد و لحسن الصدف شفت دكتور حسن ، نزلتله بسرعة اريد ارحب بي واسلم عليه بس مع الاسف لگيته طالع ، بعدها حچيت وياه و گلي فعلاً جان جاي زيارة للكلية


زين هسه نجي ع الجانب الايجابي من حسن ، انسان فاهم فعلاً في اختصاصه ومن الاشخاص العاشقين لمجال عملهم (التدريس في الجامعات) ، وممكن يخدمك في اي معلومة تطلبها منه دون كلل او ملل وانما بالعكس تحسه يستمتع وهو يشرحلك المادة القانونية و ثغراتها ، كما انه من خلال تعاملي الشخصي وياه على مدى هذه السنوات ، شفت حسن من اصحاب القلوب النقية ، شاب كلاسيكي بعيد عن مغريات العصر ، مركز بكل وقته في مجاله و تخصصه و كأنما الحياة عنده فقط عبارة عن قوانين و كتب

سلبيات الدكتور هو ما ختمت بي بالايجابيات ، انه حياته فقط دراسه و گال القانون و حجه المشرف على رسالتي ، اني بالنسبة الي چنت اشوفه شيء عادي ما مركز بهل نقطة بس بعدين بلشت اشوف الاعضاء يگولون ادري شخبصنا بدراسته قابل بس هو يدرس دكتوراه ! ميصير بكل سالفة و يخليلك سالفة الدراسة بالنص ، اني عندي تحليل لهل موضوع انه هو شخصياً عاشق لهذا المجال فـ منطيه كل تركيزه و اهتمامه وما يحب يقحم نفسه في اي شيء يعطله

نقطة ثانية حسن هواي يتزعل ، وهذا شيء مو حلو بي طبعاً قبل ما چان هيچ بس كلما دا يكبر تزيد عنده هل حالة يوميه يزعل ويترك المنتدى فترة ويرجع ، حسوني حبيبي شوي وسع صدرك انت انسان مثقف ولازم تؤمن بالاختلاف في الاراء ........

سبحان الله
انا شخصيا اعتبر الاستاذ حسن خط احمر
من ناحية التقدير والاحترام واثور اذا احدهم تجاوز هذا الخط .
ودائما اتمنى يكثر من الردود اكثر ممايكتب لاني استفاد منه حسب الموضوع اللي يرد عليه
انه مدرسة متنقله واتمنى من الله استغل هذة المدرسة لأستغني من المعلومات وطريقة الانشاء بالرد المحبك
حياك استاذ حسن وادعو الله ورسوله ان يوفق العراق بطول عمرك ويغمرك من الصحة والامان .
يارب رحمتك وعطفك ونصرك للاستاذ حسن العظيم
شكرا رامي لهذا الفديو المشرف