.هو انت محرم وريث الاه والدم
مادام انت حي المجلس يدوم
ولحد ما تطلع انت سود الهدوم
هو انت محرم
____
يل ما ضاحک ابعمرک ولا فرحالک فرحه
ترى المر بيک يا مولاي على المثلي صعب شرحه
اليحبكم واضح اومكشوف دمعت عينه اتفضحه
العنده حمل ثارات ادري احچايتي اتجرحه
انت الضال الهم البالطف غدوا كلهم
وما بردت عليهم جمره لليوم
ولحد ما تطلع انت سود الهدوم
____
يراعي الفاتحه الما طاح چادرها ولا مره
من دون الخلگ چاليش بگلبک باتت الحسره
يعيش المجلس وينهاب التحضره فاطمه الزهره
ابلا مجلس يصير الكون بعين الخادم اشزغره
خدامک تحاچيک وعلى المجلس توصيک
نريد انشارکک مولاي الهموم
ولحد ما تطلع انت سود الهدوم
____
بكيفک يا وريث حسين وانت الأمر الناهي
بهاي الدنيا يا مولاي انه دمعتي سلاحي
اريدن لو سمعت حسين يوصل يمک اصياحي
وابچي حسين حتى بعيد وخيگولون مو صاحي
عيد الله ظهورک ظلمه بدون نورک
الشيعي اخلافكم كُل عمره مظلوم
ولحد ما تطلع انت سود الهدوم
____
يبن الراحن اعله النوگ وحبال السبي خشنات
لحد هاللحظة يا مولاي بنات حسين عطشانات
الركض عمتك يا حيف تبداره اتهنى وبات
واهلک ضلو ابدمهم متوسدين الترابات
مولاي الطلعتک تجري دموع عمتک
وما گلنه بغيابک فاتک السوم
ولحد ما تطلع انت سود الهدوم
____
منتظرک والک مطلوب يالعايش تحت ضلک
فرحتي ابطلعتک يا مولاي تاخذ ثارک اوحلک
بگلبي يا جرح مضموم شماتكبر فلا املک
انت كربله وحسين مولاي شنسولفلک
مولاي انت كلهم وتعرف كلشي عنهم
حزنکم على اوجوه الخدم مرسوم
هو انت مــحـــرم
____
تحميل MP3
تدويني ^^
رد مع اقتباس
المشاركة الأصلية كتبت بواسطة الملاذ الاخير
