عيد الغدير 31 _______________
1
بالمختار وبالكرار
اغفر لينا ياجبار
الله خالقهم من نور جاعلهم أقدس لنوار
طهرهم رب الرحمه جاعلهم أطهر لطهار
اعطاهم سر كل لعلوم سادتنا وقاده وابرار
من آدم حتى ابراهيم وطه وآله الاخيار
ارباتعشر من لنوار
ارباتعشر من لحرار
_______________
2
بالمختار وبالكرار
اغفر لينا ياجبار
يوم اثمنتعشر بالحج يومه اكتمل دين الله
هاليوم النعمه تمت وابكل هذا قال الله
إسلامنا هوا الدين والمرتضى عند الله
نشكر الرب المعبود نحمد الخالق الله
يا الله يا قهار
عطنا ازيارة كل لبرار
_______________
3
بالمختار وبالكرار
اغفر لينا ياجبار
بس الولايه لله وطه وعلي واولاده
الليّ الصلاه قاموها وعبدوه ابكل اعباده
مذكور بكتاب الله وهذا يخص الساده
أدى الزكا بركوعه وحيدر رئيس القاده
ابجاه كل الاسرار
تبعد عنا كل لشرار
_______________
4
بالمختار وبالكرار
اغفر لينا ياجبار
عيد الغدير وجينا كلنا ابمحفل هذا العيد
عهد الولايه انجدد كل عام ابفرحه التجديد
ابكل قصيد واشعار ويا الخطيب الترديد
ما احلاها من ليله والْ حيدر يحلا التمجيد
نسألك ابكل الاذكار
تجعلنا ليهم زوار
______________
5
بالمختار وبالكرار
اغفر لينا ياجبار
كل گلب عاشگ نادى بسمك ياعلي حيدر
مفتاح الجنه ابإيدك والله هوا اللي قدر
ابدربك احنا ماشين وللنجات انته المصدر
ابداً فلا نتخلى عن لولايه يا المفخر
لولايه عالكل لقطار
انفديكم واحنا انصار
______________
6
بالمختار وبالكرار
اغفر لينا ياجبار
ياربي ثبت گلبي بحب الوصي والزهره
وحب الحسن ويا حسين ويا جميع العتره
ياربي وفق عبدك يلزم ابإيده الحضره
حضرة أمير الاكوان گلبي عنه شيصبره
ياربي ابحامي الجار
طوّل ياربي الاعمار
_______________
بالمختار وبالكرار
اغفر لينا ياجبار
_______________
تمت بحمد الله وتوفيقه
الاحد / 19/06/2022
19ذي القعده1443هج
الحاج / / مكي العريبي
نسألكم الدعاء