دعني أرى للشاعر مهند العزاوي
دعني أرى
فالهجر جوا مغبرى
صوت الانين بداخلي يبكي المدائن والقرى
اني افتقدت سعادتي
وجهي غدا متشائمآ والحزن في قلبي افترى
احتاج منك اجابةً فضلآ اجبني يا ترى
ليش اني بغيابك متت بس ما يموت احساسي
وين انتة كاعد بالظبط
شو اني من اتذكرك يوجعني كلبي وراسي
من حقي ....من حقي اتنفس و اون
حتى الهوى بهجرك خشن بالكوة اجر انفاسي
والله انته طيب يالرحت بس حييييل كلبك قاسي
يزداد يومي وحدتاً والحزن لا يكفيني
امضي غريبآ دمعتي ما فارقتها عيني
كل الوجوه تشابهت كل الاماكن نفسها والوقت لا يعنيني
قلبي تنازل واعترف
وعالخير اذا كلبك رجف
اتونس ولا تنقهر تستاهل انتة الونسه
صح حالي بغيابك صعب
بس الطفل من ينضرب مايعرف يفك نفسه
حاولت اخفي وما نفع
لك اااااااأّأّأّاااخشيسوي الوجع
با أنسان يذكر شخص والشخص رايد ينسه
مديت ادية عالصور منتظر منك لمسه
واشتاك لاسمك وانكسر واصفن و اكولن تكضي
حظي وعرفت سوالفه ومابيه اعاند حظي
سنتين هجرك نفترض لليوم ما تارك فرض بسوالفك متوضي
حاولت اكرهك بس صعب
انه الله باليني بكلب لا يكره ولا ينسه
فاكد نظرتك يالرحت فكدة نهار لشمسه
والناس حين تحدثوا
يبدو ضجيجآ صوتهم بس انتة صوتك همسه
زاد اشتياقي فجأةً لو كان موعدنآ غداً خليني اشوفك هسه
ياهواي بيه اتشمتوا من بعدك اهلي وناسي
ودليني وينك بالضبط
شو اني من اتذكرك يوجعني كلبي وراسي
للشاعر : مهند العزاوي
رد مع اقتباس
و نورت ❤️