علگو الرايات وانشرو السواد
الدنيا بعد ايام تعلن الحداد
محرم محرم محرم محرم
_______
يالما تتوصون يالعلمكم جون
هالخدمه اتشيل الهامه
يا محلى اللطام بوجهه يخلي وسام
ويضل يكشخ بوسامه
خل چفك منذور لو مر بي عاشور
عمرك شلك بأيامه وصاحب صاحب
زين يدليك اعله احسين ويحچيلك عن خيامه
ومن ضميرك صيح حي على العزاء
وشد رحال الاه نحوه كربلاء
اتحزمو وشدو الحيل ومن يمر الليل
مو واحد تغفه عيونه ما ضل بس چم يوم
والبي غيره يگوم يفزع موش يفزعونه
وهاي اربات الزود الخدمه اتريد احيود
المايل كون يعدلونة الشد احزامه وصاح
موش انه اليرتاح باچر هذا يجازونه
اتعب شما بيك وابچي للغريب
وحزن ابو السجاد من. اضل قريب
الموكب مر اعليه شوف شبي مابي
خادم صير الخدامه وكل خادم وفاي
يشد احزامه لهاي مو بس احزامه اللثامه
أفزع للمذبوح الطم وابچي بروح
بگلبك حس بيهه اسهامه خادم بارع صير
حس عندك تقصير كل ما تتعب بأيامه
ولو خلص عاشور كون الك اثر
مثل طيف النوم فشله لو عبر
لو ما ابو السجاد الدنيا ولا تنراد
محد يستاهل غيره وهنياله المحسوب
عالخدمه و مكتوب اسمه بسجل اهل الغيره
دربه ولا ينعاف وتحتار الاوصاف
ابوصفه ويصعب تفسيره وغالي الزهره
يريد خدامه ولا تهيد تفتر من ديرة الديره
المجلس اتعناه وين ما يصير
يكبر بكل عين اليخدم الچبير
وخل حزنك مفضوح ومشاي انوي تروح
وبالك تتغير نيتك وگبل اهلال الاه
بيتك لا تنساه علگ رايات ابيتك
ادعي بجاه الچان ماي لكل عطشان
خادم تبقى لتاليتك حزنك مو چم يوم
ادعي من الله يدوم وبدمعك خرب لحيتك
وقف گلبك كون يبقى للحسين
استغل عمرك جاي تركض السنين
حسين شما ننطي ذرة ولا نوفي
وشما نتعب يحلاله وما ينلام المات
بحزن العطشانات الخاطرنه معطش اعياله
عالعظمه المرضوض بديوان المفروض
بمحرم نشفي دلاله حسين احا يحسين
من ضل ماله معين وچلبو بهدومه اطفاله
انجازي ذني ابيش باللطم محال
ولسه عين حسين تبچي عالدلال
تحميل MP3
رد مع اقتباس
المشاركة الأصلية كتبت بواسطة sawsanmahmoud
نورتي 