هنا

[ارجع يازمان]

أصعب جرح من تنجرح,, والجارحيك أحبابك
راح ابدمعتك تنفضح ,, والصفنه تبقى ابابك!
ماتكدر اتضم دمعتك
كون الشماته سئلتك
ممكن تسولف قصتك ,,, بالظهر ياهو الصابك؟
والجارحيك أحبابك,,,
:::::::::::::::::::
لازم الوضعك تستعد ,,, هذا الوكت مابي ثقه
أبوجهك ايقدم الورد,’,, وينصب ابظهرك مشنقه!!
الطيب ابهذا الوكت
بدموعه محتار ويكت
اليضحك ابوجهك نكت,,منجل صفه بغيابك!
والجارحيك أحبابك!!
:::::::::::
شكيت مغشوش الملح ,, من شبعوا ومن خلصوا
علسفره شو ذبوا جرح,, و ابظهري خنجر نبتوا!
ليوين أسامح بالغدر
كل يوم أدبرلهم عذر
الشلته جازاك ابكسر,,,, ياكلبي عيد احسابك!!
والجارحيك أحبابك!
حسين االساعدي