سوي الـّلي يـعجبك.. جيـب ودي
وامبـارك على الــ عاشرته بعدي
اشگد يريد يعنـي يطول اوياك!
على ساعة اويـگلك هذا حـدي
ابدولاب الچذب ياخـذله فرات
يمك چـذبة تخلص چـذبة تبدي
تحرگ گلبـي قصدك ! بعد متصيـر
صحيت وگلت ياروحي استعدي
تـوني تعفرت وادموع رشيت
لاتـدّنه يمي الغدر يعدي
أمنتك اشلون وبيك ثقيـت!
المثلك مايحط "خده اعله خدي"
خلص ذاك التعلق ونتهى الشوگ
بدونك مامتت هذا آنا وحدي
تكبر تعلـه تغلـه اتصير احوال
هم تبقـى فلس ماتسوه عندي
احس الله يحبنـي الحمدلله
و"عسـى ان تكـرهوا"فـيت اعلـة گدي
ولا چني عشگـتك ونـهمت بيك
اشوفك واعـبر الشارع واعدي
zhr
رد مع اقتباس
المشاركة الأصلية كتبت بواسطة مِـيهہرَمــآهہ ♬✿
