سالفه ورباط
اكو واحد يگول فد مره صارت عركه بين جوارينه بيت ابو سرمد وبيت ابو عباس بيت ابو سرمد هجمو على بيت ابو عباس وكتلو عباس كتله ماتسولف ورمولك عباس وخلوا وجهه ازرگ ابو عباس من شاف ابنه مورم راح نفض اگوامه عشائرية على بيت ابو سرمد المهم راح يوم وجه يوم وصارت المشية بديوان شيخ عشيرة عباس اجو بيت ابو سرمد اول مادخل ابو سرمد للديوان راح على عباس باسه وگله كون انشلت ايده الي ضربك ! وراح گعد
اجه سرمد حب عباس وگله الله لايوفقه الي ضربك ! وراح گعد
اجه وسام ابن ابو سرمد الثاني هم حب عباس وگله كون الضربه بيه ولابيك !! وراح گعد
صفن عليهم شيخ عشيرة عباس وگلهم اگلكم اذا واحد يگول تنشل ايده الی ضرب عباس والثاني يگله الله لايوفق الی ضربك وذاك يگول كون بية الضربة ولا بیک !!! جا ياهو الكتل عباس ولك عباس ايصير انت كاتل روحك واحنه ماندري المهم الكل بقوا يضحكون وصارت حب عمك حب خالک وانتهت الگعده...
هههههه
رباط السالفه
عركت بيت ابو سرمد و ابو عباس مثل سالفة الحكومة كلها تريد اصلاح وكلها تريد تخدم الشعب


معقوله احنه الحرامية