تجربتي مع طفلي منذ اول يوم ولاده
ني طبيعتي ماسوي شي للطفل الا بعد ماتاكد منه لان طفل جدا حساس وابدا مالتزم بكلام امهاتنا وبيباتنا مع احترامي لهن بس هسه زمنا غير وكلشي تغير
وشلون تعاملت ويا طفلي برغم هاي اول تجربه لي
اول ماولدتت الطفل اني جانت حالتي صحيه مو تمام فاعتمد ع رضاعه صناعي
الكحل ابدا لا تخلونه للطفل لان بي رصاص وياثر ع عينه فجانوا من يخلون كحله امسحها
الكل طلب مني مالبس اصفر واكل برتقال بس هذه خرافه كل طفل ايصير بي ابو صفار اليرقان ومجرد كم يوم ويروح بسبب لتهابات من كطعوا الحبل السري ماكو داعي لهاي الخرفات
طريقه علاجي له شغلت شمعه فوك الكاروك وغطيته عيونه ورضاعه مستمره كل ساعتين
ابدا ماستعملت كلينس مرطب لان يسوي لتهابات بالجلد حتلو كانت دنيا ثلج وبارده لازم ماء وصابون لتغير الحفاضه وماترك الحفاظه رطبه كل3ساعات اغيرها
صار عده مغص وغازات كلش قويه مالتجت للاعشاب المضغه او اليانسون لان هو طفلل مايتحمل هيج والاعشاب تاخذ البروتينات من جسمه ويصير عده اسهال
لكن بيبته ماقنعت رغم سالت 2اطباء كدامها وماقنعت وشربته بدون علمي وخوش صار اسهال
في حاله المغص نستخدم قطرات خاصه لمغص الاطفال بيبي ريست واهواي غيرها هي مجرد مهدئ بس ماتقضي ع مغص لان امعاء الطفل ماكامله لازم نتضر الئ3اشهر لو4يلا تختفي تماما
اذا مافاد القطرات استعملو مي غريب وقت الحاجه له
نحرص ع نضافه منطقه الابط وتحت طيات الجلد ونضافه صيوان الاذن والاضافر نقصها ع طول
اذا كان شتاء وتخافين وحدج تسحبينه سويله حمام ناشف يعني خاولي بي مي وصابون وفركي بي جسمه وبعدها بخاولي رطب بعدها بخاولي ناشف
خرافه حلق الشعر ابدا لا ازينين طفلج اذا كان ولد لو بنت
قماط الطفل لا تخلين اي احد يكمط طفلج غيرج لان الكماط القوي يمنع جريان الدمالدم في جسم ومن غير اذا جريتي حيل رح يصير انفصال بالورك لان جسمه كلش رقيقه
ني صح مامكطته لان صغير جان ماكدر اشيله بس اوكف ع راسهم ع كيف ع كيف خبلتهم
الطفل بالثالث يوم ولاده لازم يسبح والام هم والسابع والاربعين
ادهني جسمه بزيبزيت زيتون قبل السبح
بهاي الفتره لا تهزينه بكاروك حيل مجرد هزه خفيفه وشي ثاني احرصي ع اختيار المميه اكو ممات مصعنه بطريقه منتازه مو اتجيبن ام الالف
الطفل قبل الاربعين مايحب يكعد هواي كعديه نص ساعه ويرجع ينام ساعتين
استخدمي صوت ضوضاء بيضاء او قران يستمع له
لا تنطي مي له ابدا لحد6اشهر
بعد الاربعين
دائما خلي الطفل ع بطنه حتئ تقوه عضلاته
ومن يشرب حليب اخلي ع جتفي حتئ اتاكد نزل ابطنه
تنظيمن وقته يعني بنهار فتحي ضوه وبرده وبليل سويها ضلمه
هم الكماط نتبهئ له مو قوي
خلي نايم ع ضهره مو يكللولج راسه يصير مصفح هو من يكبر يتعدل لان طفل مايتحمل ينام صفح جسمه ضعيف
لا شغلين تلفزيون علمود تلفتين انتباه
من شفته بده يتحرك نزلته من كاروك وخليته بكاع ع فراش مستوي
ماستخدمت لهايه له ابدا
ببال4اشهر نطيته لعاب ملونه وكذا وهو مكيف بيهن
بعد 6تشهر انطيته مي قطرات وبعدها رقم بين الرضاعات بليوم
وبديت له بالعصائر
وحاليا دا انطي اكل مهروس
وانطي الالعاب كبار هههه
ومنضمه وقت بحيث ب10ينام لو ب9بليل
وبنهار ياخذ قيلوله
لان نوم مهم للطفل
ودا اشغل تلفزيون له بس مو بكثره قليل كلش
ومراح استخدم الحجله له لهواي اسباب
اذا هسه يصير كساع عده
واذا بالمستقبل مراح يركز ع خطواته يعني يمشي بلا شوف مراح يقدر المسافه
الافضل احنه نلزمه ونخلي يتعلم مشي
وومانسئ التدليك تقريبا من صار للهسه ببن يومين ادلك ضهره وجسمه بزيت زيتون
الاستحمام كلش ضروري علمودعلمود الدوره الدمويه للطفل
ومن يكعد دوم اخلي مخده وراه لان هو عصبي ويشمر روحه من يبجي
اتعامل وياه براحته شيريد اسويله يريد يكعد اخلي يريد ياكل اخلي يرد ينام اخلي لكن هالشي بعد السنه ابدي بالتتدريج اخفف منه لان بالسنه ونص الئ سنتين تتكون شخصيته
والاهم من هذا مانكنك كباله
ربي يحفظ كل اطفالنا
رد مع اقتباس
المشاركة الأصلية كتبت بواسطة مِـيهہرَمــآهہ ♬✿
.. 
