هنا

[نائل الكناني]

بسم الله الرحمن الرحيم والحمد لله وعليه توكلي وبه المستعان
اخوتي الطيبين شباب وبنات ///
ربي يحفظكم ويسدد خطاكم يا اجمل منتدى عراقي عرفته
ادخل بالموضوع لاني طولت
اذا كان انسان-ه عزيز-ه عليكم اكرر عزيز-ه عليك وطلب-ت منكم رمز الباسوورد يعني يريد يشترك وياكم بالنت وانت لا تريد ذلك وماخذ عهد انه ما تشارك احد بالنت / خاصة لو كان الراوتر هو لمجموعة محددين في دائرة او مؤسسة حكومية / فما القول اللي تقوله والاسباب والاعذار والحجج اللي تقولها له-ا كي تقنعه ولايزعل ولايحس بانك لاتريد اشراكه في خدمة الواي فاي -النت- تبعك علما انه يكون حاذقا وذكيا ويفهم امور الشبكات والاتصالات والنت ؟
احبتي الموضوع جدا شائع مهم لي وللجميع فياريت التفاعل اللازم واعطاء الموضوع حقه والمشاركة من الجميع كل على قدر معرفته وما يوفق له من رد لائق ومقنع ومحترم
ومتابع لاجاباتكم بحفاوة شديده والله الموفق للصواب
تحيتي ---

[❤أميٰـر الہٰغـروبٰٰ❤]

النت مال البيت او مال الدائرة حتى اكدر اساعدك

[آيمـيلُِـي ♪]

اذا كان من المال الخاص وعليه حرمه شرعيه
فهالشي مابي عيب اعتقد لازم تحاججه ان هالشي حرام احسن ما يصير ذنب برگبتك

اما اذا خاص بيك يعني للبيت اذا انت اتگول عزيز ...تعز عليه رمز باسوورد؟!

[نائل الكناني]

النت مال البيت او مال الدائرة حتى اكدر اساعدك

عزيزي النت مال الدائرة بس اليجوك من مستوى اعلى من مرتبتك بالعمل ويحرجوك وانت منطي كلمة لمجموعة العاملين المعك والمشتركين فعليا بالنت انه ما تنطي الباسوورد لاي احد كان - زين وتجيك امراءه وضل شتكللها ما ادري ----

[نائل الكناني]

اذا كان من المال الخاص وعليه حرمه شرعيه
فهالشي مابي عيب اعتقد لازم تحاججه ان هالشي حرام احسن ما يصير ذنب برگبتك

اما اذا خاص بيك يعني للبيت اذا انت اتگول عزيز ...تعز عليه رمز باسوورد؟!

لا اختي العزيزة الموقف لايليق بالكلام بالحرمة الشرعية وغيرها لان تعرفين عمل وطك بطك وبسرعة يصير الكلام ومباشر

[.dura]

عزيزي النت مال الدائرة بس اليجوك من مستوى اعلى من مرتبتك بالعمل ويحرجوك وانت منطي كلمة لمجموعة العاملين المعك والمشتركين فعليا بالنت انه ما تنطي الباسوورد لاي احد كان - زين وتجيك امراءه وضل شتكللها ما ادري ----

مبيها شي تحجي الصراحة دام انت منطي كلمة للمجموعة اي احد يجيك گولة عالاتفاق وخلص

لان هاي تعتبر امانة

اشوف الموضوع جدا طبيعي مبي اي إحراج

[الملاذ الاخير]

سويت الموضوع قضيه ..
اولاً : اي عذر راح تقدمه .. المقابل راح يفهمة انته ماتريد تنطيه النت .
ثانياً : گله ( احنه دافعين اشتراك ومفعلين نت حاب تكتك نص ساعه ، نخليك .. اما اذا حاب تستمر تدفع اشتراك ويانه )
ثالثاً : اذا وحده صاكة انطيها النت والعراب يدفع مكانها اشتراك

[CaSpEr]

اني عندي "الصراحة راحة" احسن حل بهاي حالتك لان ذكرت بنفسك هو شخص عزيز ويعرف بسوالف الانترنت والراوترات (يعرف كل الكلاوات).. لذا صارحة ان انته ما تحب تنطيه انترنت وعسى ان يفتهمك ويعذرك

[نائل الكناني]

اني عندي "الصراحة راحة" احسن حل بهاي حالتك لان ذكرت بنفسك هو شخص عزيز ويعرف بسوالف الانترنت والراوترات (يعرف كل الكلاوات).. لذا صارحة ان انته ما تحب تنطيه انترنت وعسى ان يفتهمك ويعذرك

اشكر وجهة نظر وهي محترمة اكيد لكن هجي صراحة ماتنفع في مجتمع العمل بالاخص اذا كان الشخص من مستوى اعلى منك بالعمل حيث تتسبب هكذا صراحة بمشاكل لا تحمد عقباها -
منتظر البقية والله الموفق -

[نائل الكناني]

سويت الموضوع قضية

وهي فعلا قضية بالنسبة لي