السلام علی الصراط المستقيم علي أبن أبي طالب ورحمة الله وبركاته
طحت بذرة خطيه والعطش جمره
تايه والخدوود من التعب صفره
گلبي يريد يشرب وانه اريد أثبات
ودليل أعله النهر مو من نسل صحره
حلمي أمتد غصن لأخر خريف الناس
لما صحره المتيه تنگلب خضره
أناقش وأعترض ما أريد أرد مغلوب
المبادئ غاليه ومو كافيه الفطره
رايدلي ضهر من ضهر طالع كون
يوگف يكض ضهري من أحط ضهره
اليمشي أبلا ضوه يصبح متاع الدود
واليحسبها يطلع للصدگ شجره
ودورت أعله طول اليشوفن ماي
لگيت الدنيا يمك يانهر گطره
ظلمه عيونها والصگر بيهه يتيه
وأنت الشمس يم راسك غدت سمره
وشربت من الصدگ حد ما گمت بستان
يكبره الصار بجفوف الأرض شذره
نازل من سمه الله أعله الصخر قران
عكس العاش بدروب السمه صخره
غير البيض ما حاط بسمه التاريخ
من الذره قريته العتبت الحضره
خضر كله لگيته وجهه وي مگفاه
وطن كل البلابل عايشه بصدره
شمس نهجه ودليلي اعله العقل قوام
فكر ما بيه ملامح شائبه تعثره
المامقتنع خل يشرب... سبيل الماي
أذا ما فز خضاره أنسان نعتذره
درد وياي خنگلب ضوه التاريخ
ونصف الزلم كلمن حسب قدره
ونطش المواقف للدرايا حساب
وتشوفه علي وكت العد شكبره
وصي محكوم في نص الكتاب أعليه
عليي يشكل عجيبه الما عرف يقره
الله أختاره فلاح أعله كل الگاع
ملاج وجبير وبالحلال أدره
يم كل مايله يندگ ودت وأثبات
ويركض ع الفتگ خيط بضهر أبره
بياض ابطه تباين في غديره أثبات
والراوي نقل نص النبي بعطره
خاف أختصر وأجحف والأيجاز يطول
وأشرح والعمر مايوصل الذره
خم صدر العده تاخذ أيجاز السيف
دگ باب الجمال مزاحم الدره
التسامح لغة كيفه وخاطره الترحاب
وخبز يندار كله بواهس الفقره
خامه أنذر للله وخيط مامغلوط
من صلب ابو طالب لأخر الطبره
حيدر الشمس
رد مع اقتباس