من الطف معزب جاي من عيونه يوزع ماي
شيخ وبالهلا نازل
ملگاا يعدل المايل
يصيحوله ابو فاضل
اجه من اخر سمه لهاف صوب اهل السمه تعنه
گال الجنه شنهي گبال واحد ضحكته الجنه
كل خاطر يمره الگيض يمطر لو حجو عنه
كل شي حسين بي مضمون لتضن ينشبع منه
سرحب بلغة دمه
بس اليحب يفتهمه
الحب بالرگب ذمه
عاشگ والواهس شاريني منذوره لعينك جفيني
ويجلب بالرايح جاي
اخاف بكربله ويحسين ماجنت اعله گد حسين
اجيت بلهفتي شراي جافي من الهلا نهرين
عله طول الدرب مولاي عباسك ضمير وعين
بدليلي زايرك ملاج والجلمه وغلاتك دين
حسين ضيوفك ضيوفي
وانت تعرف معرفي
انطي عيوني وجفوفي
مالحضه الدم صاير بارد. خلگي وياهم خلگ ام واحد
يحسين الكافل وفاي
زاير من حجولي عليه ملك گلبي وشتاگيته
بيا موكب اطب الگاه واهس مشتعل صيته
شفته وعمت عين النوگ لو وصلت الحنيته
من شح الهوا اعله الناس وزع كل نفس ريته
يبجي ودمعته تعزب
زينب من يجي المغرب
الله يساعده مترب
ويگضيها الكلفه من تكلفه. من تطلب جفه يذب جفه
هذا شويه حسين هواي
ربيع من الشمس للماي جف ما ينسي فضله
نمشي وشجرة العباس تنثر ع الضوه سمله
غفت كلها ونبض كفال حارس ع الخيم صله
خاف العطش تالي الليل يوصل نحر عبدالله
نهار عيونه مفتوحه
الله ياكبر روحه
تنگط وطن وملوحه
التصعب ع الوادم سهله. العاف اهله يلگاني احنه اهله
ماطيح واحد مكفاي
شايل نهر بيده الماي لكن ماشرب گطره
گتله انت جبير الگوم گال الخادم شكبره
گال العطش عيب يلوح غصن مروته العشره
انه شارب حسين حسين من الزهره للزهره
اجيتك والثغر باسم
بلكي انقبل يم فاطم
يكبره الينحسب خادم
للخادم ع الوادم رفعه. ربك لجله مسوي السبعه
اليزرع شمسه يحصل فياي
گبل لاتندبه تلگاه جدم سابگ الخياله
گال انه صديج حسين اخوه وصاحبه وماله
وغلات الزهره رب الماي جنه الوحده سواله
حسين يميز الصحبان واليريده صاحاله
اصطفاك وفرصتك هايه
الرايد يثخن فيايه
لايترك المشايه
ربك سوه الدنيا لعينه. هنياله الجلب بحسينه
وشما تحسب تلگا راي
حيدر الشمس
رد مع اقتباس